Мектеп кітапханасы-білім беру мекемелерінің ақпараттық орталығы

Кітапхана – ғасырлар бойы келе жатқан биік парасаттылық пен білімділіктің киелі ордасы . Әсіресе, оқырман мен кітап арасындағы алтын көпір. Қазіргі кезде адамдардың өскелең талаптарын қанағаттандыру, рухани байлығы мен жалпы қабілетін дамытуда кітапхананың қосар үлесі зор. Соның ішінде мектеп кітапханасы - оқушыға әдебиет таңдауға, оқырмандық қызығушылығын кеңейтуге, мұғалімге кәсиби өсуге көмектесуші, оқуға, дүниені тануға қозғау салушы .

Осыған орай , елбасы Нұрсұлтан Әбішұлы Назарбаевтың мына сөзін тілге тиек еткім келеді: «Қазақстан ел болашағы – жас ұрпақтың әлемдік стандартқа сай білім алуы үшін барлық жағдай жасалған. Бұл – мемлекеттік даму саясатының басым бағыттарының бірі . Болашақта білімді де, қабілетті, ел үшін аянбай еңбектеніп, Қазақстанның даңқын асыратынына, мәртебесін асқақтататына мен сенемін »

Мына слайдта көріп отырғандай мектеп кітапханшысы оқулықпен ғана жұмыс жасамай, көпшілік жұмыстар атқаратынын айтып өткенді жөн көрдім. 1 сыныптарға мектепті жаңа аттаған оқушыдан бастап 10-11 сыныптармен әр түрлі іс – шаралар жүргізетінін айтпақпын.

Мектеп кітапханасының басты міндеттерінің бірі: Мектеп ұжымының барлық мүшесіне оқулық бағдарламалары , кітаптарды және ресурстарды ұсына отырып, пайдаланушылардың ойлау және ақпараттың барлық түрін тиімді пайдалану жүйесін дамытады.

Кітапхананың мақсаты – оқушылардың оқу дағдысын қалыптастыруға, ақпаратқа қол жеткізуге, соның ішінде өзіне қажетті білімді іріктеп, таңдап алуға үйрету. Ол мектеп оқытушылары мен оқушыларына біліми орта құру арқылы ақпараттар көзінің мүмкіндіктерін аша отырып, ақпараттық мәдениетін қалыптастыруға ықпал етеді.

Ақпараттық мәдениет – ақпаратты құрастыру, өңдеу, сақтау, іздестіру мен пайдалану деген ұғымды білдіреді, сондай – ақ, кітапхананың ақпараттық кеңістігінде өзінің орнын сезіне білу, өзін ақпаратты құрастырушы, тұтынушы ретінде қабылдау, ақпараттық жағдайды түсіне білу.

Нұрсұлтан Әбішұлы Назарбаев өзінің кезекті жолдауында «Қазақстан әлемінің бәсекеге барынша қабілетті 50 елдің қатарынан лайықты орын алу үшін өзінің мәдениеті мен ғылымын, білімі мен білігін , рухани байлығымен елімізді айдай әлемге паш ете білуі керек» - деген болатын.

Қазіргі ақпараттандыру технологиясы дамыған заманда мемлекетіміздің болашағы – жас ұрпаққа заман талабына сай білім беруде оқытудың озық технологияларын меңгеру қажеттілігі туып отыр.

Алматы қалалық білім департаменті қаламыздағы мектеп кітапханаларына қажетті қазіргі заман талабына сай техникамен және құрал – жабдықтармен толық қамтамасыз етті.

Білім саласын ақпараттандыруға байланысты «ҚР Конституциясының 44- бабына сәйкес және ҚР- ның орта білім жүйесін дамыту мақсатында»,- деп көрсетіліп Нұрсұлтан Әбішұлы Назарбаевтың «ҚР Президентінің Қазақстан Республикасы орта білім беру жүйесін ақпараттандыру жөніндегі мемлекеттік бағдарламасы туралы» №3645 бұйрығы бекітілді. Сондай-ақ, мекемелер жүйе аралық «Интернет мектепте» бағдарламасына сәйкес компьютерлендірумен бірге мектепті сатылап Интернет жүйесіне қосу процесі жүзеге асырылуда.

2009 жылы 13 қазан айының  ақпараты бойынша жалпы білім  беру мектептерінің компьютерлер  саны 9720 бірлікті құрады. Бұл мектептегі 16 балаға 1 компьютерден келеді деген  сөз.

Білім департаментінің ұйғарымы бойынша мектептердің барлығы компьютерленген озық технологиялардың бірі «КАБИС» бағдарламасы енгізілді.

Алматы қаласындағы Әуезов ауданы бойынша 34 білім ордасы бар. Мектеп кітапхананалары толық «КАБИС» бағдарламалары енгізілген . Интернет жүйесі іске қосылған.

«КАБИС» бағдарламасының мақсаты – қордағы кіітаптардың электронды нұсқасын жасақтау. Компьютерлік- ақпараттық коммуникацияға негіздеу.

Бағдарламаның ерекшелігі болып интерфейістің қолайлылығы, пайдалану баға нарқының арзандығы қазақ т ілді әліпбидің қызметінің сапалылығы, код сенімділігі, әкімшілік басқару жүйесінің қарапайымдылығы болып табылады. «КАБИС» бағдарламасы енгізілген кітапханада қанша кітап қоры болатын болса, соншалықты кітап қоры базада тұрады.

Жалпы мәлімет

КАБИС –жүйесі арнаулы автоматтандырылған электрондық толық мәтінді базасын құру. ҚР. стандартары слайдта көріп отырғандай осы жүйемен жұмыс істеу керек. Іс – қағаздарын библиографиялық сипаттамада 7.1 стандартына сай тарауларын пайдалануға рұқсат етіледі. Бұл жүйенің жұмыс істеуі үшін жалпы қарапайым компьютердің жүйесі қолдананылады. Карточкалар мен сыртқа жіберілетін іс- қағаздары принтермен шығарылуы қажет. Топпен жұмыс істеу базасында жалпыға бірдей пайдаланатын файл серверін пайдалануды ұйымдастыру қажет.

Сөз соңын мына өлең шумағымен аяқтағым келеді.

Халқым жинап асыл қазынасын,

Кітапханам – сақтаушы боп ел мұрасын.

Шаңырағы биік болсын,төбесінде,

Асқақ туым, желбіреп сен тұрасың.

 

 

 

 

 

 

 

 

 

Мектеп кітапханаларына назар аударылды

15 маусым 2010 | 0 пікір

  №40 Ақтөбе орта мектебінде «Мектеп кітапханаларының қазіргі жағдайы: мәселелері және оларды шешу жолдары» тақырыбындағы аудандық және қалалық білім беру бөлімдеріндегі мектептің кітапхана қоры жөніндегі әдіскерлерінің аймақтық семинары өтті.

Семинар жұмысына ҚР Білім және ғылым министрлігінің мектепке дейінгі және орта білім беру департаментінің, аталған министрліктің республикалық ғылыми-педагогикалық кітапханасының өкілдері, Қазақстанның батыс және оңтүстік облыстары, аудандық (қалалық) білім беру бөлімдерінің әдіскерлері мен мектеп  кітапханашылары қатысты.

Республикалық ғылыми-педагогикалық кітапхананың директоры А.Насырова кітапханалық және ақпараттық-библиографиялық қызмет көрсетудің қазіргі жай-күйіне егжей-тегжейлі талдау жасады. Сондай-ақ ол «Мектеп кітапханасы — мектептің мәдени, білім беру және ақпараттық орталығы, балаларды оқуға тартудың бастапқы буыны» екендігін атап көрсетті.

Ал кітапханашылар оқушының қажетін тауып бере алатын, кітап қоры бай, мерзімді баспасөзге тұрақты жазылатын, қорлары жаңаланған талапқа сай кітапхананы армандайды. Сондықтан да олар мектеп кітапханаларының материалды-техникалық базасын нығайту, заманауи ақпарат технологияларымен жабдықтау, қорларды жинақтау сапасы, мектеп кітапханашыларының біліктілігін көтеру туралы әңгіме қозғады. Одан соң аудандық (қалалық) білім беру бөлімдері кітапхана қорлары жөніндегі әдіскерлерінің  баяндамалары тыңдалды.

Мәселен, Байғанин аудандық білім бөліміндегі мектеп кітапхана қоры әдіскері Толқын Тарғынованың айтуынша, бұл ауданда 27 жалпы білім беретін мектеп бар. «Негізінен, біздің ауданда әр жаңа оқу жылында оқулықтар әуелі әлеуметтік жағдайы төмен отбасы балаларына, жетім немесе ата-ананың қамқорлығынсыз қалған балаларға беріледі. Ол үшін жергілікті бюджеттен арнайы қаржы бөлініп отырады. Мұғалімдердің біліктілігін арттыру және білімдерін жетілдіру институты да әрдайым семинарлар ұйымдастырып отырады», — дейді ол.

Қатысушылар республикалық ғылыми-педагогикалық кітапхананың білім беру мекемелеріндегі кітапханалар үшін басып шығарған әдістемелік-библиографиялық құралдары қойылған көрмені тамашалап, одан соң Ақтөбе қаласындағы мектеп кітапханаларын аралады.

Айнұр ІЛИЯСҚЫЗЫ.

 

 

 

 

 

 

 

 

 

 

 

 

 

 

 

 

 

Секция жұмысының басталар алдында «Азат елдің Ата заңы» атты кітап көрмесі ашылды. Көрмеге 300-ге жуық Қазақстан Тәуелсіздігінің 20 жылдығына және негізгі заңға арналған кітаптар қойылды. Көрменің негізгі бөлімдерімен облыстық кітапхананың қызметкерлері Г.  Жайсанғалиева мен  Т. Комкина таныстырды.

Секцияның жұмысына қатысқандар: Гаращук О. Н. – Павлодар қ. білім бөлімінің маманы, Шаухбаева Г. Х. – Ақсу қ. кітапхана қоры бойынша маман, Искакова Г. С. – Екібастұз қ. кітапхана қоры бойынша маман.

Секцияны С.Торайғыров атындағы облыстық кітапхананың директоры М.Ә. Жиенбаева құттықтау сөзімен ашты.

ПКБАИ кітапханасының меңгерушісі Воротникова М. И. «Инновационная школьная библиотека» баяндамасында мектеп кітапханаларының инновациялық қызметі туралы әңгімеледі. Екібастұз, Павлодар, Ақсу қалаларындағы, Успен ауданындағы мектеп кітапханаларының іс – тәжірибелерін, инновациялық жұмыс түрлерінің сәтті бағдарламаларымен таныстырды.

ПМПИ ғылыми кітапханасының директоры Исаканова С.Ш. «Школа-вуз: результаты и перспективы сотрудничества ПГПИ и школьных библиотек области» тақырыбында баяндама жасады. Исаканова С. Ш. сөйлеген сөзінде «жоғары оқу орындарының кітапханалары – мектеп кітапханалары» жүйесінде серіктестікті дамытудың негізгі  міндеттері мен бағыттарын, ПМПИ ғылыми кітапханасының қызметін  әңгімеледі.

С.Торайғыров атындағы облыстық кітапхананың автоматтандыру бөлімінің меңгерушісі   Иванова Г.Е. «Библиотеки в виртуальном пространстве» тақырыбында сөз сөйледі,  мемлекеттік кітапханалардың сайты туралы баяндады, С.Торайғыров атындағы ОӘҒК-ның «Ертістің Павлодар өңірі электрондық әдеби картасы» жобасымен таныстырды.

Облыстық кітапхананың меңгерушілері Исакаева М.Ж.,  Жилкибекова А.А. «Бір ел – бір кітап» акциясы аясында шығарылған «Жүсіпбек Аймауытов» атты библиографиялық көрсеткіштің тұсау кесерін жасады. Көрсеткіште жазушы жайлы  200-ден аса жаңа деректер мен жаңа фотографиялар берілген. Көрсеткішті дайындауға ҚРҰК-ның, Әл-Фараби атындағы Ұлттық университетінің электронды каталогын, Ұлттық мемлекеттік кітап палатасының басылымдарын, С.Торайғыров атындағы облыстық кітапхананың қоры пайдаланылды. Көрсеткіш екі тілде құрастырылды.

Тұсау кесерде «Ақбілек» романынан монолог оқылды, басты рөлді Ж.Аймауытов атындағы драма-театрының әртісі  Омарова Гүлжанат ойнады.

Екінші бөлімде жұмыс 3 секцияға бөлінді: 1. «Тіл халықтың жаны: тіл саясатын жүзеге асырудағы мектеп кітапханаларының жұмысы»; 2. «Мектеп кітапханаларының проектілік әрекеті»; 3. «Кітап әлде компьютер: балалардың кітап оқу мәселесі», әр бір секцияда кітапханашылар іс-тәжірибелерімен алмасты. ПМПИ ғылыми кітапханасының қызметкері Аманжолова К. К. «Білім көкжиегі» атты көрмедегі жаңа әдістемелік әдебиеттерге шолу жасады.

Секция жұмысының соңында облыстың мектеп кітапханашыларын ПКБАИ –ның алғыс хаттарымен марапаттады.

Секцияның жұмысы қортындылады және қарар қабылдады.

 

 

Байжанова Б.