Әлеуметтік саясат

Әлеуметтік саясат

Мұнымен қоса, Қазақстан  Республикасының қолданыстағы заңнамасына  сәйкес жұмыскерлерге науқастануға байланысты еңбекке уақытша қабілетсіз болуына байланысты Жұмыс берушінің қаражаты есебінен әлеуметтік жәрдемақы төленеді.

Корпоративтік қарым-қатынасты нығайту  үшін жыл сайын мемлекеттік, ұлттық және кәсіби мерекелерге (8-наурыз, Наурыз мейрамы, Энергетиктер күні) орайластырылған  мәдени-көпшілік іс-шаралар өткізіледі.

Жұмыскерлерге жүйелі түрде аурудың  алдын алу үшін медициналық тексеру  жүргізіліп тұрады. Мұндай тексерулердің  мақсаты – кәсіби аурулардың алдын  алу үшін қызметкерлердің денсаулық  жағдайын үнемі қадағалап отыру, ал аурудың алғашқы белгілері анықталған жағдайда – уақытылы ем жүргізілуді ұйымдастыру.

Қоғамның ЕТҰ ұжымдық шартқа сәйкес мерзімнен тыс жұмыстың,мереке күндері мен демалыс күндеріндегі жұмыстың, түнгі уақыттағы жұмыстың, үстеме ақы мен қосымша ақының, ауыр, зиянды (аса зиянды), қауіпті еңбек жағдайында жұмыс жасайтын жұмыскерлер еңбегінің, жыл сайынғы төленетін қосымша еңбек демалысының, электр энергетика саласындағы жұмыс өтілі 10 және одан көп жыл болған жағдайдамерейтойға (50 және 60 жас) байланысты біржолғы көтермелеу төлемінің төленуі қарастырылған.

Жұмыс пен білім беру ұйымдарында  білім алуды қатар алып жүрген жұмыскерлерге емтихан немесе сессия, диплом жобасын (жұмысын) жазу және қорғау, бітіру емтихандарын тапсыру кезінде  қосымша демалыс беріледі.

Қоғамда жұмыскерлер мен олардың отбасы мүшелерінің салауатты өмір салты ұсталып, кеңінен насихатталады. ЕТҰ кәсіподақтарымен бірлесе отырып, Қоғам жыл сайын спорт жарыстары мен жұмыскерлердің белсенді демалуына арналған іс-шараларды өткізіп тұрады.

Балаларға ерекше назар аударылады: демалыс үйлеріне, шипажайларға, балалар лагерлеріне жолдамалар беріледі, балабақшалар жұмыс істеп, жаңа жылдық шырша мерекесі ұйымдастырылады, сыйлықтар тарту етіліп, балалардың қолөнер туындылары мен суреттерінің көрмесі ұйымдастырылады.

Энергетика ардагерлеріне, зейнеткерлеріне, Ұлы Отан Соғысы мен  еңбек фронты ардагерлеріне, интернационалист жауынгерлерге әлеуметтік қолдау көрсету  мақсатында 9 Мамыр, 8 Наурыз, Энергетиктер күні мерекесінде материалдық жәрдем беріліп, зейнеткерлікке кетіп бара жатқан жұмыскерлерге біржолғы көтермелеу төлемдері төленіп, Қоғамда жұмыс істеген зейнеткерлердің қайтыс болуына байланысты материалдық көмек көрсетіледі.

«Самұрық-Энерго» АҚ өндіріс  қызметімен қатар қоғамның мәдени және гуманитарлық салаларына қолдау көрсетіп, дамытуға бағытталған әлеуметтік жұмыс жүргізеді, соның ішінде халықтың әлжуаз топтарына (балалар үйіне, спорт қоғамдарына, мүгедек балаларға) көмек көрсетеді. Қоғам жұмыскерлері су астында қалған Қызылағаш ауылының тұрғындарына қол ұшын беріп, өз еріктерімен көмек көрсетті.

2010 жылы демеушілік  және қайырымдылық көмекке барлығы  558 млн теңге жұмылдырылды.