Жаңа индустрияландырудың өзегі – инновация

Автор работы: Пользователь скрыл имя, 09 Марта 2013 в 09:24, реферат

Описание работы

Индустрияландыру күніне арналған телекөпір жұмысына қатысқан Президент Нұрсұлтан Назарбаев Үкіметтің 2012 жылғы бірінші жартыжылдықтағы жұмыс қорытындысын шығарды. Өз сөзінде Елбасы индустрияландыруды - «жаhандану жағдайында дамып жатқан әлемдегі Қазақстанның бәсекеге қабілеттілігінің мәселесі» деп бағалады.
- Бүгінгі Қазақстан инновацияны сенімді түрде енгізіп, заманауи кәсіпорындарды ашуда. Қазіргі уақытта біз автомобильдер мен ұшақтарды шығаруды қолға ала бастадық. Мысалы, мен жақында инновациялық өндіріс болып табылатын тікұшақтар шығаратын зауытта болдым. Біз, сондай-ақ «Фермер» ұшағын шығара бастадық, келесі кезекте азаматтық авиация ұшақтарын шығармақпыз, - деп атап өтті Н.Назарбаев.

Скачать архив (101.42 Кб) Сколько стоит заказать работу?
Файлы: 1 файл

Документ Microsoft Office Word (2).docx

— 103.99 Кб (Скачать файл)

Айқын газеті

Жаңа индустрияландырудың өзегі – инновация


 

05.07.12. 
 
Индустрияландыру күніне арналған телекөпір жұмысына қатысқан Президент Нұрсұлтан Назарбаев Үкіметтің 2012 жылғы бірінші жартыжылдықтағы жұмыс қорытындысын шығарды. Өз сөзінде Елбасы индустрияландыруды - «жаhандану жағдайында дамып жатқан әлемдегі Қазақстанның бәсекеге қабілеттілігінің мәселесі» деп бағалады.

- Бүгінгі Қазақстан инновацияны сенімді түрде енгізіп, заманауи кәсіпорындарды ашуда. Қазіргі уақытта біз автомобильдер мен ұшақтарды шығаруды қолға ала бастадық. Мысалы, мен жақында инновациялық өндіріс болып табылатын тікұшақтар шығаратын зауытта болдым. Біз, сондай-ақ «Фермер» ұшағын шығара бастадық, келесі кезекте азаматтық авиация ұшақтарын шығармақпыз, - деп атап өтті Н.Назарбаев. 
Жиында Индустрия және жаңа технологиялар министрі Ә.Исекешев қазіргі уақытта Үдемелі индустриялық-инновациялық даму жөніндегі мемлекеттік бағдарламаны іске асыру үшін толыққанды негіз қаланғандығын мәлімдеді. 50-ден астам заңға өзгерістер енгізіліп, ұлттық заңнама жаңғыртылған. 23 салалық және функционалдық бағдарлама, сондай-ақ аумақты дамыту бағдарламасы бекітілген. Бағдарламаны іске асырудың екі жарым жылы ішінде жалпы құны 1,8 триллион теңгені құрайтын 443 жоба іске қосылыпты. 
Одан кейін телекөпірге республиканың барлық өңірлері тікелей қосылып, өздерінің инвестициялық жобаларын көрсетті. 
Мемлекет басшысы форумды қорытындылай келе, жалпы, Үдемелі индустриялық-инновациялық даму жөніндегі бағдарлама іске асырылып жатқанын, белгілі бір нәтиже бар екенін атап өтті. 
- Мен елдің және мемлекеттік органдардың алдында тұрған үш басты міндетке тоқталып өтпекпін. Бұлар - индустрияландыру, өңірлердің теңгерімді дамуы және әлеуметтік жаңғыру. Бағдарламаның табыстары туралы біз бүгін естідік. Алайда 2010 жылы және 2011 жылдың бірінші жартыжылдығында іске қосылған 225 жобаның тек жартысы ғана 60 пайыздан астамға жүктелген, - дей келе, Президент осыған жол берген өңірлердің әкімдерін орындарынан тұрғызып, оларға салалы министрліктермен бірге пәрменді шаралар қабылдауды тапсырды.  
Сонымен қатар Қазақстан Көшбасшысы әкімдерге Индустрияландыру картасын жеңіл-желпі түсінбеулері керектігін ескертті. Ашылып жатқан барлық нысан жаhандық нарықта бәсекеге қабілетті болуы тиіс. 
- Біз Индустрияландыру картасының мәртебесін көтеруге тиіспіз. Картаға нақты негізі бар, жоғары технологиялық өнім шығаратын, біз үшін басым бағыттағы жобалар енгізілуі керек. Мемлекеттік органдар, ең алдымен, барлық әкімдер жобаларды іске асыруға, жобалық қуаты толық іске қосылғанша, оларға жан-жақты көмек көрсетуге тиісті, - деп міндеттеді Н.Назарбаев. 
Соңғы кезде жүйеқұраушы кәсіпорындардың, тіпті серпінді жобалардың айналасында еңбек даулары бас көтеріп қалуда. Осы орайда Елбасы еңбек қақтығыстарына жұмыс берушінің өзі себеп болатындығын айтты. Мәселен, әлдебір инфрақұрылымдық жобаға мемлекет ел қазынасынан уақытында қаржы бөледі, бірақ ол соны салып жатқан жұмысшыларға жетпей, жол-жөнекей жоғалады. Еңбекшілердің жұмыс берушісімен жаға жыртысуына еңбек шарттарының сақталмауы, өндірістік үдерістің бұзылуы да себепкер болып жатады. Мұндай деректер ел басшылығының құлағына да жетіпті.  
Дегенмен Қазақ елінің гүлденіп жатқанын көре алмайтын сыртқы жаулардың қарау ниетті қарекеттерін де жоққа шығаруға болмайды. Оның шет-жағасын тиісті құрылымдар ел басшылығына хабарлап отыратыны құпия емес. «Сонымен бірге жай арандатушы, паразиттер де бар, - деп назар аудартты Н.Назарбаев, - ешқайда жұмыс істемейді, осындай жолмен қаржы табуға ендігі үйреніп алған. Өзі сол кәсіпорында жұмыс жасамайды, әлдеқайдан келеді де, «Келіңдер, шу көтеріңдер, сендерге бірдеңе береді» деп үгіттейді. Жалақы ғана беріледі! Аспаннан жай шұға жауа салмайды. Тегін ірімшік тек торда ғана болады».  
Бұл жерде Мемлекет басшысы Қазақстанның Еңбек кодексінде жұмыс берушілердің, лауазымды тұлғалардың және белсенді провокаторлардың еңбек қақтығысын өршіткені үшін жауапкершіліктің қарастырылмағандығын Үкіметтің «құлағына алтын сырға» ретінде атап өтті. «Тек отандық қана емес, сондай-ақ Қазақстанда жұмыс жасайтын шетелдік бизнестің әлеуметтік заңнаманы орындауға деген жауапкершілігін арттырған жөн!» деп нықтады Президент.  
Осы жиында Қазақстан Көшбасшысының жаңа тұрпатты құжат әзірлеп жатқандығы жария болды. Ол «Әлеуметтік жаңғыру бойынша 20 тапсырма» деген атаумен бағдарлама түрінде қабылдануы мүмкін. Мұны Н.Назарбаев өзі хабарлады. Оның айтуынша, қазақстандықтарға ұғынықты, ұзақмерзімді әлеуметтік бағдарлама қажет. Елбасы Үкіметке бірінші кезекте «Қазақстан - 2030» стратегиясына иек артатын, 2030 жылға дейінгі әлеуметтік дамудың жалпыұлттық тұжырымдамасын әзірлеуді тапсырды. «Қазір мен «Әлеуметтік жаңғыру бойынша 20 тапсырма» атты нақты бағдарлама бойынша жұмыс жасаудамын және басылымдарда жарияламақпын. Онда қарапайым адамдардың көкейтесті барлық мәселелеріне жауаптар болады және әлеуметтік жаңғыру бағытындағы міндеттер көрсетіледі» деді ол.  
Жалпы алғанда, Қазақстан Көшбасшысы ел Үкіметінің Үдемелі индустрияландыру бағдарламасын жүзеге асырудағы жұмысын оң бағалады. Сонымен бірге Н.Назарбаев ҮИИД бағдарламасының барлық 114 тармағы бойынша толық орындалуға тиістігін қатаң тапсырды.  
- Ел Үкіметі проблемалық жобаларды ұдайы іздеп тауып отыруға, ал кәсіпкерлер туындаған проблемалары туралы белгі беру мүмкіндігіне ие болуға тиісті, - деді Мемлекет басшысы. - Бүгінде индустрияландырумен байланысты жобалардың барлығы бірдей Индустрияландыру картасына кіре бермейді. Көптеген кәсіпкерлер, өкінішке қарай, біздің не жасап жатқанымызды және оларға қалай қосылуға болатынын білмейді. Бұл - бірінші кезекте облыс әкімдерінің міндеті. 
Президент Индустрияландырудың негізгі салмағы өңірлерге көшкенін, ҮИИД бағдарламасын іске асыру бағытындағы негізгі жұмыстардың аймақтарда жүргізіліп жатқанын нықтады. Сондықтан облыс әкімдері әрбір жоба үшін есеп беретін болады. Елбасы Жаңа индустрияландыру ісіне қалай қарайтындығына қарап, әрбір әкімнің Президенттің бағдарын қаншалықты қолдайтындығын бағалайтындығын ескертті.  
Н.Назарбаев «Атамекен» одағының кәсіпкерлерді Үдемелі индустрияландыру бағдарламасына қалай қосылуға болатындығы жөнінде ақпараттандыруы тиістігін айтты.  
Ел экономикасын қарқынды түрде әртараптандыру - Қазақстан Президенті Н.Назарбаевтың Жарлығымен бекітілген, 2010 - 2014 жылдарға арналған Үдемелі индустриялық-инновациялық даму - мемлекеттік бағдарламасының негізгі мақсаты. Жаңа индустрияландыруды табысты іске қосу үшін бес жылға бағдарланған барлық құжаттар қабылданған, атап айтқанда, экономиканың басымдықты секторларын дамыту бойынша салалық бағдарламалар, функционалдық бағдарламалар, бизнесті қолдау бағдарламалары, Өндірістік қуаттылықтарды оңтайлы орналастыру схемасы, Индустрияландыру картасы, аумақтарды дамыту бағдарламалары өмірге жолдама алды. 
Қазақстан Көшбасшысының бастамасымен қолға алынған бұл кең ауқымды іс-шаралар не берді? Еліміздің Статистика жөніндегі агенттігінің ресми мәліметіне жүгінсек, өткен жылдың қорытындылары Қазақстан экономикасының дамудың оң үдерісіне қол жеткізгенін айғақтайды.  
Жаңа индустрияландырудың өзегі, «алтын арқауы» - инновация. Бұл бойынша баяндаған ел Үкіметінің мәліметінше, тиімді инновациялық инфрақұрылымды дамыту - инновациялық инфрақұрылым субъектілерін, соның ішінде технопарктерді, конструкторлық бюроларды, технология трансфертінің халықаралық орталықтарын, «Ақпараттық технологиялар паркі» арнайы экономикалық аймағын құру және қызметін басқару жолымен іске асырылуда. 
Тарата айтсақ, 4 конструкторлық бюросы (КБ) түңдігін жаңадан түріп, жұмыс жасауда екен, бұлар: Астана қаласында - тасымалдық машина жасау және ауыл шаруашылығы машиналарын жасау КБ-лары, Өскемендегі тау-кен металлургиялық құрал-жабдықтар КБ-сы, сондай-ақ Петропавлдағы мұнай-газ құрал-жабдықтар КБ-сы. 2011 жылы «Таң самал елі» басшысының Қазақ еліне сапары аясында «Ұлттық инновациялық қор» жанынан Технологиялық ынтымақтастықтың Қазақстан-Корей орталығы ашылған.  
Жыл сайын конкурс өткізіледі, нәтижесінде ғылыми-зерттеу институттары және университеттер іріктеп алынып, олардың базасында «коммерциализация офистері» ашылуда және дамытылуда делінді. 2011 жылдың қорытындысында осындай 9 кеңсе ашылыпты, оның жетеуі - университеттердің, ал  
екеуі - ҒЗИ-лардың еншісіне тиген.  
Ел Үкіметі инноваторларды, жасампаз жандарды қолдауға кіріскен. Бұл ретте гранттық бағдарлама іске асырылуда. Яғни, әрбір өнертапқыш өз жаңалығының қоғамға қажеттілігін, тиімділігін және коммерциялық пайдасын арнайы комиссия алдында дәлелдеуі керек. 2011 жылы 129 инновациялық грант беріліпті.  
Қазақстан экономикасының инновациялық бөлігін ұлғайту, халықтың ұлттық инновациялық саясат турасында кең құлағдар болуын арттыру мақсатында үгіт-насихат қызметі де жолға қойылыпты. Осы орайда жыл сайын халықаралық Инновациялық конгресс, NIF$50K инновациялық бизнес-жоспарлар және рационализаторлық шешімдер конкурстарын, «Өрлеу ақпараты» журналистік материалдар байқауын, сондай-ақ отандық инновациялық жобалар көрмесін ұйымдастыру дәстүрге айналуда.  
Инвестициялардың елеулі өсіміне экономиканың шикізаттық емес секторында қол жеткізгеніміз қуантады. Осының арқасында 2012 жылдың қаңтар-сәуірінде шикізаттық емес экспорттың ауқымы  
7 млрд долларды құрап, 13%-дық өсім көрсеткен! Бұл - әлемдегі ең бір жақсы көрсеткіш десек, жаңылмаспыз. Тұтастай алғанда, Қазақстандағы өңдеуші секторға арна тартып жатқан инвестициялар ауқымы ұдайы өсуде. 2011 жылы отандық өңдеуші секторға 2 миллиард 868,3 миллион доллар шетелдік инвестиция құйылыпты.  
2010 жылмен салыстырғанда, оның ауқымы 39%-ға ұлғайған. 
Әрине, онсыз да келіп жатыр екен деп, арқаны кеңге салу, барға тоқмейілсу - жөнсіз. Әлемнің ең алпауыт, әлеуетті деген елдерінің өздері күйзеліске ұшырап жатқан қазіргі заманда экономикаға қаржы тарту үшін инвесторлармен ұдайы жұмыс жасау талап етіледі. Инвесторларды қолдау мақсатында инвестицияларды тарту бойынша жалпыұлттық жоспар бекітіліпті. Онда заңнамалық және жүйелі іс-шаралар кешені қарастырылған көрінеді. Атап айтқанда, инвесторларға рұқсат берулерде, виза алуда елеулі жеңілдіктер жасалмақ. Шетелдік іскерлерге елімізде, соның ішінде өңірлерде тұруға қолайлы жағдайлар туғызылады делінді. Инвесторлардың ісі орталық және өңірлік деңгейлерде сүйемелденбек. Инвесторлар үшін Қазақстан туралы егжей-тегжейлі ақпараттар бар, 12 тілдегі ұлттық инвестициялық веб-сайт өмірге жолдама алыпты, осынша тілде қатар мәлімет тарататын мұндай ғаламторлық ресурстар саны әлемде саусақпен санарлық! Қазақстандық веб-ресурсқа ендігі 160 елден 95 мыңнан астам іскер адам кіріп, қызығушылық танытыпты.  
Қазақстан Көшбасшысының тапсырмасымен әзірленген Индустрияландыру картасы жай жобалар тізімі болып қалмай, елдегі инвестициялық белсенділікті тіркеу жүйесіне айналды. Карта жергілікті билік өкілдерін жобалармен жоспарлы түрде және нақты айналысуға мәжбүр етті. Бүгінде Индустрияландыру картасы жеке бизнестің, ірі корпоративтік сектордың және ұлттық компаниялардың барлық пысықталған инвестициялық бастамаларын қамтуда. Оның тізбесіне ҮИИД бағдарламасының өлшем-критерийлеріне жауап беретін, жоғарғы дәрежеде әзірленген, Қазақстан экономикасы үшін маңызды барлық елеулі жобалар кіргізілген.  
«Нұр Отан» партиясының XIV съезінде Нұрсұлтан Назарбаев 2017 жылға қарай экономиканың шикізаттық емес секторларына тартылатын инвестициялар 15 пайызға артатындығын айтқан болатын. Бұл ретте еліміздің ІЖӨ-сіндегі өңдеуші өнеркәсіптің үлесі айтарлықтай ұлғаюға тиісті. Дайын өнімдер экспорты 40 пайызға өспек. Алдағы бес жылда металлургия және химия салалары өндірісінің көлемі екі еселенеді деп жоспарлануда.  
Индустрияландыру картасы аясында Қазақстанда бұрын-соңды болмаған 106 өнімді шығаруға қол жеткізіліпті. Олардың қатарында газ айдау агрегаттарына арналған турбиналық және компрессорлық күрекшелерді, композиттік металл-пластикалық тұрба-құбырларды, ұшақтарға арналған синтетикалық жуу құралдарын, тұрмыстық химия, пайдаланылған мотор майы мен резеңке бұйымдарын қайта өңдеу, минералдармен байытылған азық-жем өндірісін және басқаларын айтуға болады. 
 
Айхан ШӘРІП


 

Ақтау қаласында  «Технологиялық дамыту жөніндегі ұлттық агенттік» АҚ-тың құзырлы өкілінің орынбасары Әнуарбек Сұлтанғазин бастаған жұмыс тобы аймақтағы бизнес пен  ғылыми ортамен кездесті. Шараның  басты мақсаты – индустриалды-инновациялық қызметке мемлекеттік қолдау құралдары жөнінде тұрғындарға мағлұмат беру.  Жиналысқа облыстық әкімшілік пен даму институты өкілдері қатысты.

Кездесуде Индустриализация картасы мен үдемелі индустриалды-инновациялық дамыту мемлекеттік бағдарламалары жөнінде толыққанды ақпарат таратылды. «Маңғыстау облысында Индустриализация картасы аясында жалпы сомасы 120 млрд.теңгеге тең 17 жоба іске қосылып, 8 800 жаңа жұмыс орны ашылды. «Жалпы 2012 жылы барлық сомасы 692,6 млрд. теңгені құрайтын 130 жобаны іске қосу жоспарланған. Бұл деген – 35 мыңнан астам жаңа жұмыс орнының ашылуы. Ал Маңғыстау облысында 2012 жылы 94 млрд. теңгеге 9 жобаны жүзеге асырып,3,5 мың жаңа жұмыс орнын ашу көзделіп отыр», - деп атап өтті Әнуарбек Сұлтанғазин.

Шара барысында  «Технологиялық дамыту жөніндегі ұлттық агенттік» АҚ инновацияны қолдаудағы құралдарын таныстырды. Естеріңізге  сала кетейік, инновациялық гранттар, жобалық, венчурлік қаржыландыру, технологиялық  бизнес-инкубатор, конструкторлық бюролар  мен технологиялар трансфертінің  халықаралық орталығы – агенттіктің  басты құралдары болып табылады.

«Біздің агенттік өнертапқыштармен, жас ғалымдармен, кәсіпорындармен  ынтымақтаса жұмыс жасауға әзір. Инновациялық жүйені бекіте түсу мақсатындағы аталған құралдармен белсенді қолдануға  шақырамын», - деп атап өтті Әнуарбек Сұлтанғазин.  

Сонымен қатар, «Индустриалды-инновациялық қызметті мемлекеттік қолдау туралы»  ҚР заңнамасында қарастырылған қаражатты  пайдалану тетіктері жөнінде  сөз қозғалды. Жер кендерін пайдаланушылардың  міндетті түрде жыл сайын қазақстандық тауар өндірушілерге ғылыми-зерттеулік, ғылыми-техникалық және (немесе) тәжірибелік-конструкторлық жұмыстарын жүзеге асыруды қаржыландыруға жылдық кірістен 1 пайыздан кем емес көлемінде қаражат бөлу міндеті жөнінде мағлұмат берілді. 

Шара нәтижесі бойынша  «технологиялық дамыту жөніндегі ұлттық агенттік» АҚ Маңғыстау облысы әкімдігімен  екіжақты ынтымақтастық Меморандумына  қол қойды. Негізгі бағыттар –  инновациялық дамыту саласында ақпарат  тарату/алмасу, жобаларды іске асыру  бойынша кеңес беру, үгіт-насихаттық жұмыстар жүргізу.   

«Технологиялық  дамыту жөніндегі ұлттық агенттік»  АҚ жарғы капиталы  жүз пайыз мемлекеттің қатысуымен құрылған. Агенттік инновациялық дамыту үрдістері мен мемлекеттік қолдау құралдарын үйлестіру үшін құрылған.

МАҢҒЫСТАУ «АҚЫЛДЫ АЙМАҚҚА» АЙНАЛАДЫ

Айна · 61 рет қаралған

Ақтауда «Батыс Қазақстанда  жаңа өндірістер құру» деген тақырыпта инвестициялық форум болып өтті. Мұндай ірі шараның Ақтауда өтуінің де өзіндік мәні бар. Қаланың Каспий теңізі арқылы бес мемлекетке шығып, сауда-экономикалық байланыс жасауға, трансұлттық көлік дәлізіне айналуға барлық мүмкіндігі орасан.

Өндіріс орындарын ашуға  қолайлы қазыналы түбекке шетелдік инвесторлардың да қызығушылығы аз емес. «Батыс Қазақстан – экономикалық әлеуеті аса зор, жаңа және қызықты нарық. Экономикалық әріптес болғысы келетін компаниялар үшін мүмкіндіктер бар», – дейді «ҚазМұнайГаз» ҰК АҚ басқарма төрағасының жергілікті мазмұнды дамыту жөніндегі кеңесшісі лорд Уэверли. Үш күнге созылған форумға ұзын саны 35 елден 500-ге жуық делегат қатысты. Қатысушылар үшін бірқатар жобалардың тұсаукесері жасалып, батыс аймақты экономикалық өсуіне ықпал ететін қатынастар туралы баяндамалар жасалды. Әсіресе, мұнай-газ өнеркәсібіне айрықша назар аударылды. Ауылшаруашылығы, туризм, қалпына келтірілген энергия, су тазарту, машина жасау сияқты жобалар да назардан тыс қалмады. 
– Мұнай-газ саласы – шетелдік инвесторлар үшін экономиканың маңызды секторының бірі болып қала береді. Келесі жылдың көктемінде Қашаған кен орнында мұнай өндіру жұмыстары басталады деп жоспарланып отыр. Бұл жағалау инфрақұрылымның, мұнай-химия және экономиканың басқа да салаларының дамуына жағдай жасайды. Тек жағалау инфрақұрылымы үшін 2 млн. тоннаға жуық металл құрылым қажет болады. Елдегі осы саланың қазіргі қуаты мұндай қажеттілікті өтей алмайды. Демек, жаңа өндіріс орындарын құру үшін нақты қадамдар қажет, – деді Маңғыстау облысының әкімі Бауыржан Мұхаметжанов. 
Әкімнің айтуынша, Қашаған жобасы бойынша мемлекеттің экономикалық таза түсімі бірнеше миллиардтаған долларға жетеді. «Соған қарамастан, Солтүстік Каспий және басқа да оффшорлық жобаларда қазақстандық үлесті көбейтуге тиіспіз. Қазіргі таңда мұнай-газ компаниялары сатып алып отырған тауарлардың 10 пайызы ғана еліміздің үлесінде болып тұр», – деп атап өтті аймақ басшысы. Мұнай-газ компанияларының сатып алуларындағы жергілікті мазмұн мәселесінің өзектілігін «KAZENERGY» қауымдастығының бас директоры Жанболат Сәрсенов те атап өтті. 
– Бұл – қолданыстағы қазақстандық мазмұнды анықтау әдістемесіне де, сатып алу процесін сәйкестендіру жағдайларына да қатысты кешенді мәселе. Атқарушы билік қысым көрсетпесе, ал инвесторлар қорғанбаса ғана, яғни екі тарап мәселені бірлесе шешкенде ғана қазақстандық мазмұн арта түседі. Әріптестік әдіске көшетін кез жетті, – деген ол форумда талқыланатын жобаларға да тоқталып өтті. «Шара барысында 5 жоба талқыланады, қосымша алтыншы жоба тағы қосылып жатыр. Бұл жобалар Ақтауда жүзеге асырылады. Ол шамамен 300 млн. доллар инвестция тартады деп жоспарлап отырмыз», – дейді Ж. Сәрсенов. 
Форумда атынан ат үркетін ірі компаниялар ғана емес, республиканың батыс аймағындағы үш облыс – Маңғыстау, Атырау, Орал өңірлерінің басшылары да өз өлкелерінің мүмкіндіктерімен таныстырды. Мәселен, Атырау облысы әкімінің орынбасары Асқар Әбдіров бұл өңірдің алыс және жақын шетелдегі 52 мемлекетпен байланыс жасайтынына ерекше назар аударды. Бұл өлкені әлем көмірсутек шикізатының көзі ретінде таниды. «Мұнай-газ өндірісімен қатар түрлі минералдар мен құрылыс материалдарының кен орны бар. Облыста шетелдік инвестиция тарту үшін бар жағдай жасалған», – дейді А.Әбдіров. 
Ал форум қатысушыларын қарсы алған құтты мекеннің болашаққа жоспарлары қандай? Маңғыстау өлкесінде іске асырылатын жобалар туралы облыс әкімінің орынбасары Біржан Канешов баяндады. 
– Аймақтың инновациялық-технологиялық деңгейін және жалпы экономикалық дамудың деңгейін көтеру мақсатында «Маңғыстау ақылды аймақ» атты инновациялық даму концепциясы жасалуда. Ол өзінің негізін халықаралық бағдарламалардан алады, бірақ Маңғыстау өңірінің ерекшелігіне бейімделген. Бағдарлама маңызды алты саланы қамтиды: өнеркәсіп, энергетика, экология, ауылшаруашылығы, туризм мен сумен жабдықтау, – дейді Біржан Канешов. Қатысушылар форумның алғашқы күнінде-ақ өлке басшылары айтқан мүмкіндіктерді өз көзімен көрді. Соның алғашқысы – Ақтау халықаралық теңіз сауда порты. Жылына 15,5 млн. тонна жүк тасымалдап отырған порт болашақта қуатын 21 млн. тоннаға дейін арттыруды көздеп отыр. 
– Бұл «Шығыс-Батыс» және «Солтүстік-Оңтүстік» сынды жаңа дәліздер арқылы импорт пен экспорт жасау жөніндегі жобаны дамытуға ынталандыратыны сөзсіз, – дейді кәсіпорын директорының корпоративтік даму бойынша орынбасары Дәурен Құтпанбаев. 
Бұдан соң форум қатысушылары Маңғыстаудан кәсіп ашамын дегендер үшін үлкен мүмкіндік беретін «Ақтау Теңіз порты» АЭА-ына ат басын тіреді. Арнайы экономикалық аймақта жұмыс жасап жатқан, салынып жатқан кәсіпорындарда болып, жұмыстарымен танысты. Форумның жұмысына ҚМГ, «Теңізшевройл», НКОК және КПО компаниялары арасында «Бірлескен іс-қимыл туралы Ақтау декларациясы» нүкте қойды. Бұл декларация операторлардың, инвесторлар мен мемлекеттік мекемелердің түрлі бағдарламаларын біріктіріп, мәліметтермен алмасуға мүмкіндік береді.

Сағын АХМЕТҰЛЫ. 
Маңғыстау облысы.

Авторы: admin, 29.09.2012   

 

 

 

Маңғыстау облысы бойынша агроөнеркәсіптік кешен саласында инновациялық жобаларды іріктеуді ұйымдастыру

қағидасы  

 

 

 

1-тарау.  Жалпы ережелер 

 

1. Осы, Маңғыстау облысы бойынша агроөнеркәсіптiк кешен саласында инновациялық жобаларды іріктеуді ұйымдастыру қағидасы (бұдан әрі ― Қағида) «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының 2005 жылғы                     8 шілдедегі және 2001 жылғы 23 қаңтардағы «Қазақстан Республикасындағы жергілікті басқару мен өзін-өзі басқару»  Заңдарына (бұдан әрі - Заң) сәйкес әзірленді және Маңғыстау облысы бойынша агроөнеркәсіптiк кешен саласында инновациялық жобаларды жергілікті бюджет қаражаты есебінен енгізу мен тарату және Маңғыстау облысы бойыншаагроөнеркәсіптік кешенінде зияткерлік меншік объектілерін енгізу мен тарату бойынша  қабылданған шаралар туралы есеп беру үшін оларды іріктеуді ұйымдастырудың тәртібін белгілейді. Осы Қағида «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына, Қазақстан Республикасының Бюджеттік Кодексіне, «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының Заңына сәйкес әзірленді.

2. Осы Қағидада мынадай негізгі ұғымдар пайдаланылады:

1) бюджеттік бағдарламаның әкімшісі – Қазақстан Республикасының заңнамасында белгіленген тәртіппен Маңғыстау облысы бойынша агроөнеркәсіптiк кешенінде инновациялық тәжірибені әзірлеу, тарату және енгізу бойынша бюджеттік бағдарламаға әкімшілік ету жөніндегі функциялар жүктелген жергілікті атқарушы органның уәкілетті органы;

2) өтінім беруші(лер) - жергілікті бюджет қаражаты есебінен қаржыландыру үшін инновациялық жобаны Маңғыстау облысы бойынша агроөнеркәсіптiк кешенінде енгізу мен таратуға арналған, оны іске асыру жөніндегі іс-шаралары бар өтінімді беруші, Қазақстан Республикасының аумағындағы АӨК ғылыми, ғылыми-техникалық және инновациялық қызмет субъектісі;

3) АӨК субъектілері - Маңғыстау облысы бойынша агроөнеркәсіптік кешенінде өз қызметін жүзеге асыратын жеке және заңды тұлғалар;

4) өтінім – АӨК саласында мемлекеттік саясатты іске асыру мәселелері жөніндегі жергілікті атқарушы органның уәкілетті органына берілетін, осы Қағидаға қосымшаларға сәйкес белгіленген нысандағы құжаттар пакеті;

5) ғылыми ұйымдар (ҒҰ) – ғылыми зерттеулер жүргізуге мемлекеттік тіркелген, негізгі қызметі АӨК ғылыми және ғылыми-техникалық қызмет көрсету болып табылатын заңды тұлғалар;

6) инновациялық жобаны іске асыру жөніндегі іс-шаралар – жергілікті бюджет қаражаты есебінен Маңғыстау облысы бойынша АӨК инновациялық жобаны іске асыру жөніндегі іс-шаралар. 

 

 

 

2-тарау.  Инновациялық жобаларды іріктеудің тәртібі мен шарттары 

 

3. Маңғыстау облысы бойынша агроөнеркәсіптік кешен саласында инновациялық жобаларды іріктеуді (бұдан әрі - инновациялық жобаларды іріктеу) конкурстық негізде бюджеттік бағдарламаның әкімшісі жүргізеді.

4. Инновациялық жобаларды іріктеуге құжаттар берудің және конкурс (бұдан әрі - конкурс) өткізудің мерзімдерін облыстық бюджеттік бағдарламаның әкімшісі белгілейді.

5. Бюджеттік бағдарламаның әкімшісі конкурс өткізу басталмас бұрын 10 жұмыс күні ішінде Қазақстан Республикасының бүкіл аумағында таралатын ресми бұқаралық ақпарат құралдарында және жергілікті атқарушы органның  ресми сайтында тиісті хабарландыру және конкурстық құжаттар мазмұнын жариялайды.

6. Инновациялық жобаларды іріктеу рәсімі төрт кезеңде жүргізіледі:

бірінші кезең: өтінімдердің толықтығы мен ресімделу сапасын, осы Қағиданың талаптарына сәйкестігін бюджеттік бағдарлама әкімшісінің қарауы;

екінші кезең: бюджеттік бағдарламаның әкімшісі инновациялық жобаларды іріктеу талаптарына өтінімдердің сәйкестігі негізінде олар бойынша кешенді қорытынды дайындауы;

үшінші кезең: Құрамы мен ережесі облыс әкімінің Қаулысымен бекітіліп, жергілікті атқарушы органның мүдделі мемлекеттік органдарының, ғылым, бизнес және үкіметтік емес ұйымдардың өкілдерінен құрылған, инновациялық жобаларды іріктеу комиссиясының (бұдан әрі - Комиссия) өтінімдерді қарауы және кешенді қорытындысы. Мұнымен бірге, Комиссия туралы ережеде, Комиссияға кіретін мемлекеттік қызметкерлердің құқықтары, міндеттері және жауапкершіліктері қарастырылуы керек;

төртінші кезең: бюджеттік бағдарламаның әкімшісі Комиссияның қорытындысы бойынша инновациялық жобаны қаржыландыру немесе қаржыландырудан бас тарту туралы шешім қабылдауы.

7. Конкурсқа қатысу үшін өтінім беруші(лер) мынадай құжаттарды беруі қажет:

1) осы Қағидаға 1-қосымшаға сәйкес өтінім нысанын;

2) осы Қағидаға 2-қосымшаға сәйкес инновациялық жобаны (жобаларды) іске асыру жөніндегі іс-шаралар жоспарын;

3) осы Қағидаға 3-қосымшаға сәйкес инновациялық жобаларды іске асыру жөніндегі іс-шаралар жоспарына түсіндірме жазбаны;

4) осы Қағидаға 4-қосымшаға сәйкес инновациялық жобаны (жобаларды) іске асыру жөніндегі іс-шаралардың шығыстар сметасын;

Информация о работе Жаңа индустрияландырудың өзегі – инновация