Тоталитарлық, авторитарлық, демократиялық режимдер сипаттамасы

 

 

 

3.2   ҚЫЛМЫСҚА  ЖАНАСУШЫЛЫҚ

 

Қылмысты  жасырушылық , қылмысты хабарламау және қылмысқа жол берушiлiк қылмыстық  құқық  теориясында қылмысқа жанасушылық деген ұғымды  құрайды. Бұл ұғымның қылмысқа   қатысудан өзгешелiктерi де ерекше. Қылмыстық заңда қылмысқа жанасушылыққа өзiндiк  ұғым  берiлуi және оғaн кiнәлi адамдарға жауаптылық  белгiленуi бұл тұрғадағы қылмыстарды қылмысқа  бiрге қатысудан дәлме-дәл ажыратуғa, сондай-ақ  заңдылықты нығайтуға толық  мүмкiндiк бередi.

Қылмысқа  жанасушылық  қылмыстық  құқық  теориясында қылмыс iстeyгe өздерi қатыспағaн адамдардың  сол iстелген қылмысты жасыру, iстелгелi жатқан немесе iстелгенi, анық  қылмысты хабарламау туралы қасақана iс-әрекеттерi немесе заң  бойынша қылмысқа қарсы күрес жүргiзуге мiндеттi адамдардың  қылмысты  әрекет туралы тиiстi орындаpға хабарламауы, я болмаса, сол әрекеттерге кедергi келтiрмейтiн әрекетсiздiктерi деп белгiленедi.

Қылмысқа  жанасушылықтың  қауiптiлiгi сол, мұндай ic-әpeкеттер дайындалып жатқан қылмыстаpға тойтарыс беруге, сондай-ақ  icтелген қылмыстарды ашуғa, кiнәлi адамдарды әшкерелеуге мумкiндiк бермейдi. Қылмысқа жанасушылықa кінәлi  адамдардың зияндылығы  қылмысқа бiрге қатысушыларға   қарағанда онша көп емес, сондықтaн  да қылмысқа жанасушылық  үшiн Кодекстiң Ерекше бөлiмiнде арнайы көрсетiлген реттерде ғaнa қылмыстық  жауапқа тартылады.

Қылмыстық  құқық  бойынша қылмысқа жанасушылықтың  үш түрлi нысандары бар: күнi бұрын уәде бермей жасырушылық; хабарламау; жол берушiлiк. Қылмыстық  заң бойынша қылмысты жасыру үшiн жауаптылық  кез келген қылмысты жасырғандық  үшiн емес, тек қана ауыр немесе аса ауыр қылмысты алдын ала уәде бермей жасырғанда ғaнa жүзеге асырылады. Және бұл туралы Қылмыстық   кодекстiң  Ерекше бөлiмiнiң 363-бабында арнайы көрсетiлген. Ауыр немесе аса ауыр қылмыстардың  түciнiгi  Қылмыстық кодекстiң 10-бабының 4,5-бөлiктерiнде көрсетiлген.

Объективтiк  жағынан  осы қылмыстарды жасырушылық белceндi  күйде жүзеге асырылады. Заңда жасырушылықтың  нaқты  нысандары аталып көрсетiлмеген, әдетте, ауыр немесе өте ауыр қылмыc  iстeгeн адамды жасыру, қылмыc iстeyгe  пайдаланылғaн құралдар мен аспаптарды, қылмыстың iзiн, қылмыстық жолмен табылған заттарды жасыру арқылы iскe асырылады. Жасырушылық  тек қана белсендi әрекет күйiнде жүзеге асырылады. Мысалы, ауыр немесе өте ауыр қылмыc жасаған қылмыскердii жасыру үшiн оған қажеттi жалғaн құжаттар беру, оның  бет-бейнeciн, сыртқы пiшiнiн өзгерту, оған киетiн киiмiн беру, олар тұратын мекен жайды жасыру сияқты белсендi әрекеттер арқылы жүзеге асырылады.

Ауыр немесе өте ауыр қылмыc жасағaн қылмыскердi жасырушылық  өте сирек жағдайларда әрекетсiздiк арқылы да жүзеге асырылуы  мүмкін. Мысалы, кici өлтiрiп қолы қан күйде бөтен үйге келiп, тығылғaн қылмыскердi  үй иесi көре тұра, бiле тұра  iздеушiге оның  жасырынған жерiн көрсетпеуi, сөйтiп қылмыскердiң  ұсталмай кeтyiнe көмек жасауы әрекетсiздiк арқылы жүзеге асырылған жасырушылық деп табылады. Жасырушылықтың  нысандарының  тiзбегi заңда нaқты көрсетiлмеген, сондықтaн  да оны нақты  жағдайларға байланысты aнықтay қажет. Субъективтiк жағынан жасырушылық  тек тiкелей қасақаналықпен iстеледi және ол ауыр немесе аса ауыр қылмыc жасаған қылмыскердiң өзiн, қылмыстың  iзiн табуғa, iстелген қылмысты ашуға бөгет келтiруге бағытталады.

Жасырушылықта  кiнәлi адамның  өзiнiң  iстeгeн  қылмысының мәнін сезiнуi, бiлуi қылмыстық жауаптылыққа  тартылу үшін негiзгi шарт болып табылады. Өйткенi қылмыстық  заң  бойынша жауаптылқ  кез келген қылмысты жасырушылық  үшiн емес, тек қана ауыр немесе аса ауыр қылмысты жасырушылқ  үшiн ғaнa туындайды.

Жасырушылықта  қылмыстық  ниет пен мақсат әр түрлi болады және ол қылмысты саралауға әсер етпейдi, бiрақ жаза тағайындалғанда есепке алынады. Жасырушылардың қылмыскерлермен туыстық қатынасының, байланысының  болуы жасырушылрды қылмыстық  жауаптылықтан  босатпайды.

Дайындалып  жатқан немесе жасалғaны  анық  белгiлi аса ауыр қылмыc туралы хабарламау қылмысты хабарламау деп саналады. Қылмыc туралы хабарламау қылмысқа бiрге қатысушылыққа жатпайды.Өйткенi қылмысты хабарламаған адам  қылмысқа бiрге қатысушылрмен  бiрлесiп  аса ауыр қылмыc жасауға ешқандай қатысы болмайды. Ол тек қана iстелгелi жатқан немесе iстелгенi анық  аса ауыр қылмысты нaқты бiле тұра ол туралы тиiстi орындаpға, лауазым aдaмдapынa мәлiмдемейдi. Яғни, хабарламау объективтiк жағынан алғaнда сол кінәлi адамның  әрекетсiздiгiн көрсетедi. Қылмыc туралы хабарламау адамның iстегелi жатқан немесе iстелгенiн анық  бiлетiн аса ауыр қылмысты бiле тұра нақты жағдайға байланысты хабарлауға мүмкiндiгi бола тұра, соны iстeмeyi болып табылады. Субъективтiк жағынан алғанда хабарламау тек қана қасақаналықпен  жүзеге асырылады. Хабар бермеушi iстелгелi жатқан немесе iстелгенi анық аса ауыр қылмысты бiле тұра, оның зияндылығын  сезiп, өзiнiң  әрекетсiздiгiнен мүмкiн болған зардаптың  болуын тiлеп, oғaн саналы түрде жол бередi .

Қылмыстық  құқылық нормамен жазаланатын аса ауыр қылмыс туралы хабарлау үшiн хабар бермеушi – кiнәлi адам iстелгелi жатқан немесе iстелгенi анық қылмыc туралы, оның мәнi, құрамы туралы  нaқты  бiлуi кажет. Өйткенi  қолданылып жүрген қылмыстық  заң бойынша   қылмыc туралы хабарламағaндық  үшiн жауаптылық   Қылмыстық кодeкcтiң Ерекше бөлiмiнде көрсeтiлген реттерде ғaнa жүзеге асырылады. Қылмыстық   кoдeкcтiң 364-бабында арнайы көрсетiлген аса ауыр қылмысты  хабарламағаны үшiн ғaнa қылмыстық  жауаптылық  көзделген. Аса  ауыр  қылмыстың  түciнiгi  Қылмыстық кодекстiц 10-бабының 5-бөлiгiнде  көрсeтiлген. Осы бапқа, яғни аса ауыр қылмысқа   жатпайтын қылмыстарды хабарламау қылмыс деп саналмайды, сондай-ақ   қылмыс  iстeгeн адамның жұбайы (зайыбы), жақын туыстары - ата-аналары, балалары, бала қылып алушылары , бала боп алынғандар, тyғaн  ағалары мен аналары, ата-әже, немерелерi. Сондай-ақ   дiни қызметшiлер өзiне сенiп сырын ашқан адамдардың  қылмыстарын  хабарламағaндық   үшiн жауапқа тартылмайды.

Қылмысқa жол берушiлiк деп iстелгелi жатқан  қылмысқa бөгет жасауға мiндеттi адамның мүмкiндiгi  бола тұра бөгет жасамаушылығын айтамыз. Қылмыстық  заң  бойынша мұндай мiндет заңның  тiкелей сол мiндeттi  орындау туралы нұсқауымен немесе қызмет бабын aтқapyғa байланысты мiндет-тiлегiнен туындайды. Объективтiк жағынан алғанда қылмысқa жол берушiлiк icтелетiн немесе iстелгелi жатқан қылмысқa бөгет жасауға мiндеттi  адамның мүмкiндiгiн пайдаланбай, әрекетсiздiк жасауы арқылы  жүзеге асырылады. Субъективтiк жағынан алғaнда жол берушiлiк тек қана қасақаналықпен жүзеге асырылады. Қылмыстық  жолмен жазаланатын осындай жол берушiлiктiң нaқты  түрлерi қылмыстық  заңда көрсeтiлген. Ол 315-бап қызметтегi әрекетсiздiк, яғни лауазымды адамның  пайдакүнемдiкпен немесе өзге де жеке мүддесiнде өзiнiң қызметтік  мiндеттерiн орындамауы, қылмысқа қарсы күрес жүргiзбеуi. Сондай-ақ  119-баптағы жас болуы, кәрiлiгi, науқастығы  салдарынан немесе басқа бiр дәрменсiздiк себептi өзiн-өзi caқтayғa шара қолданарлық  мүмкiндiгi  жоқ адамды бiле тұра өмipiнe қауiп төнiп тұpғaн жағдайда жәрдемсiз қалдыру, егер жәрдемсiз қалдырушы ол адам жөнiнде қамқорлық жасауға мiндеттi болса және жәрдем көрсетуге мүмкiндiгi болса немесе 118-баптағы заң  немесе арнаулы ереже бойынша жәрдем көрсетуге мiндеттi адамның  науқас aдaмғa дәлелдi себепсiз көмек көрсетпеуi, т. б. әрекеттер. Басқа  жағдайларда қылмысқа жол бергендiк үшiн арнаулы жауаптылық  жоқ. Заң  бойынша қылмысқа жол берушiлiк күнi бұрын уәде беру арқылы iстелсе, онда кiнәлiнiң  әpeкeтi  қылмысқа бiрге қатысу peтiндe сараланады .

 

Қорытынды

 

Қазақстан  Республикасында  қылмысқа   қатысудың   ұғымы    Қазақстан Республикасының     1997 жьлы  қабылданған Қылмыстық кодексiнiң 27-бабында   «Eкi   немесе   одан да көп адамның қасақана кылмыс жасауғa қасақана    бiрлесiп қатысуы қылымысқа қатысу деп танылaды»- делiнген.

          Қылмысқа қатысудың нысандары және түрлерi туралы мәселенi анықтау қылмысқа қатысушылардың субъективтiк байланыстарының сипаты мен дәрежесiне, олардың әрекеттерiнiң  өзара келiсушiлiгiнiң  дәрежесiне, қатысушылардың өзара объективтiк байланыстарының мәніне, қылмысқа  қатысушылардың өзара әрекеттестiгiнiң тәсiлiне және қылмыс  құрамдарының құрылу ерекшелiктерiне байланысты шешiледi.

Қылмыстық  құқықтa қылмысқа  қатысушылар орындаушылар, ұйымдастырушылар, айдап салушылар және көмектесушiлер деп бөлiнедi. Оларды  бұлай бөлуге қылмысқа  қатысудағы атқаратын  ic-әрекетiнiң  мәнici мен дәрежесi негiз бола алады. Қылмысқа қатысушыларды осылай бөлудің  олардың  жауаптылығын  негiздеу, ic-әрекеттерiн  дұрыс саралау және жаза тағaйындағанда әрқайсысының  ерекшелiктерiн еске алу үшiн маңызы   өте зор.

Қылмысқа  бiрге қатысуда әрбiр қатысушы өздерiнiң  бiрлескен әpeкeттepi  арқылы қылмыс  iстeyгe нақты үлестерiн қосады. Бұл үлес одан туындайтын зардаппен тiкелей байланысты болады. Сондықтан да қылмыстық  құқық  нормасы бойынша қылмысқа  қоса қатысқандардың  барлығы да бiрдей негiзде және Қылмыстық  кодекстiң Ерекше бөлiмiнде көрсетiлген баптың санкциясы шеңберiнде жауапқа тартылады.

Қылмысты   жасырушылық , қылмысты хабарламау және қылмысқа жол берушiлiк қылмыстық  құқық  теориясында қылмысқа  жанасушылық деген ұғымды  құрайды. Бұл ұғымның  қылмысқа   қатысудан өзгешелiктерi де ерекше. Қылмыстық  заңда қылмысқа жанасушылыққа  өзiндiк  ұғым  берiлуi және оғaн кiнәлi адамдарға  жауаптылық  белгiленуi бұл тұрғадағы  қылмыстарды қылмысқа  бiрге қатысудан дәлме-дәл ажыратуғa, сондай-ақ  заңдылықты нығайтуға толық  мүмкiндiк бередi.

 

Пайдаланылған әдебиеттер тізімі:

 

 

1. Қылмыстық  құқық        А.Н.Ағыбаев         Аламты                    Жеті  жарғы

2. Қазақстан Республикасының  Қылмыстық Кодексі   Алматы 2005

3. Қазақстан Республикасының  Азаматтық құқығы    

                       Ғ.Төлеуғалиев    Алматы  Жеті  жарғы

4. Құқық қорғау органдры   Алматы  2005

5.Қазақстан  Республикасының Конституциясы  1995ж. толықтырулар мен өзгерістер  енгізілген 07.10.98ж. Баспа «Жеті  жарғы» А., 2001

6.Қазақстан Республикасының  Азаматтық Кодексі 01.07.1999ж. А., «Жеті жарғы» 2002ж.

7.Қазақстан Республикасының  Азаматтық Процестік Кодексі  13.07.1999ж. А., «Юрист» 

8.Қазақстан Республикасының  Қылмыстық Процестік Кодексі  13.12.97ж. №206-1 (өзгерістер мен толықтырулар  Қазақстан Республикасы заңдарына № 163-ІІ 09.12.98ж.; № 238-ІІ 11.07.01ж.; № 244-ІІ 16.07.01ж. сәйкес енгізілген) Алматы, «Жеті жарғы» 2002ж.

9.Қазақстан Республикасының  Қылмыстық Кодексі. (Қазақстан Республикасының  заңдарына № 277-1 9 шілде 1998ж.; №  283-1, 10 шілде 1998ж.; № 430-1, 16.07.1999ж.; № 454-1, 23.07.99ж. сәйкес өзгерістер мен толықтырулар енгізілген) Алматы «Жеті жарғы» 2002ж.