Төтенше жағдай туралы

 

2. Төтенше жағдай  кезiнде қолданылатын шаралар  мен шектеулер адам құқықтары  саласында Қазақстан Республикасы  бекiткен халықаралық шарттарға  қайшы келмеуге тиiс.

 

18-бап. Төтенше  жағдайдың күшiнде болуы кезеңiндегi жеке және заңды тұлғалар құқықтарының кепiлдiктерi

1. Төтенше жағдайды  енгiзуге негiз болған мән-жайлардың  салдарынан зардап шеккен жеке  тұлғаларға тұрғын үй-жайлар берiледi, материалдық зиянның орны толтырылады,  Қазақстан Республикасының Үкiметi  белгiлеген тәртiппен және шекте  қажеттi көмек берiледi.

 

2. Төтенше жағдай  енгiзуге негiз болған мән-жайларды  жою қажеттiлiктерi үшiн мүлiктерi мен ресурстары пайдаланылған  жеке және заңды тұлғаларға материалдық залалды сонымен бiрдей өтеу Қазақстан Республикасының заңдарында белгiленген тәртiппен жүзеге асырылады.

 

19-бап. Дене күшiн, арнайы құралдарды, қызметтiк иттердi, қаруды қолданудың, әскери техниканы пайдаланудың шарттары мен шектерi

 

Төтенше жағдай режимiн  қамтамасыз ететiн органдар қызметкерлерi мен әскери қызметшiлерiнiң дене күшiн, арнайы құралдарды, қызметтiк иттердi, қаруды қолдануының, әскери техниканы  пайдалануының Қазақстан Республикасының  заңдарында белгiленген шарттары мен  шектерi төтенше жағдай кезiнде өзгертiлмеуге тиiс.

 

20-бап. Коменданттық  сағат ережелерiн бұзған жеке тұлғаларды ұстау тәртiбi

 

1. Коменданттық сағат ережелерiн бұзған жеке тұлғаларды iшкi iстер органдарының қызметкерлерi (полиция) немесе әскери патрульдер коменданттық сағат аяқталғанға дейiн, ал жеке басын куәландыратын құжаттары өзiмен бiрге болмағандарды жеке басын анықтағанға дейiн, бiрақ iшкi iстер органы бастығының немесе оның орынбасарының шешiмi бойынша 48 сағаттан аспайтын уақытқа ұстайды. Ұсталған адамдар және олардың өздерiмен бiрге болған заттары мен көлiк құралдарының тексерiлуi мүмкiн.

 

2. Iшкi iстер органы  бастығының немесе оның орынбасарының  ұстау туралы шешiмi жөнiнде  жоғары тұрған лауазымды адамға, прокурорға немесе сотқа шағым берiлуi мүмкiн.

 

3. Төтенше жағдай  енгiзiлген жерде адамдар мен  жануарлардың қауiптi жұқпалы ауруларының  таралу қаупiнiң туындауы салдарынан  карантин енгiзiлген жағдайда, төтенше  жағдай режимiн бұзған, көрсетiлген  жерлерде тұрмайтын және басқа да жағдайларда бұл аумақтың шегiнен мiндеттi түрде шығарылуға тиiс жеке тұлғалар оларды байқауға алудың денсаулық сақтау органдары белгiлеген мерзiмi аяқталғанға дейiн жалпы негiзде ұсталып, кiдiртiледi.

 

4. Ұсталып кiдiртiлген  адамдарды ұстау тәртiбi Қазақстан  Республикасының әкiмшiлiк құқық  бұзушылық туралы заңдарымен  белгiленедi.

 

21-бап. Төтенше  жағдайдың күшiнде болуын тоқтатудың құқықтық салдары

 

Төтенше жағдай режимiн  қамтамасыз ету мақсатында қабылданған  және жеке тұлғалардың құқықтары  мен бостандықтарын, сондай-ақ заңды  тұлғалардың құқықтарын уақытша  шектеуге байланысты нормативтiк құқықтық актiлер төтенше жағдай енгiзiлген мерзiм iшiнде ғана қолданылады және төтенше жағдайдың тоқтатылуымен  бiр мезгiлде ол туралы арнайы хабарландырусыз-ақ күшiн жояды.

 

Төтенше жағдайдың  күшiнде болуын тоқтату төтенше жағдай режимiн бұзу туралы iстер бойынша әкiмшiлiк iс жүргiзудiң тоқтатылуына негiз болады.

 

22-бап. Жеке және  заңды тұлғалардың, сондай-ақ лауазымды адамдардың төтенше жағдай режимiнiң талаптарын бұзғаны үшiн жауаптылығы

 

1. Жеке және заңды тұлғалар, сондай-ақ лауазымды адамдар төтенше жағдай режимiнiң талаптарын бұзғаны үшiн Қазақстан Республикасының заңдарына сәйкес жауапты болады.

 

2. Төтенше жағдай  режимiн қамтамасыз етуге қатысушы  органдардың қызметкерлерi мен әскери  қызметшiлерiнiң дене күшiн, арнайы құралдарды, қызметтiк иттердi, қаруды заңсыз қолдануы және әскери техниканы заңсыз пайдалануы, сондай-ақ лауазымды адамдардың қызметтiк өкiлеттiгiн асыра пайдалануы Қазақстан Республикасының заңдарына сәйкес жауаптылыққа әкеп соғады.

 

23-бап. Төтенше  жағдай енгiзiлген жерде сот  төрелiгiн жүзеге асыру

 

Төтенше жағдай енгiзiлген жерде сот төрелiгiн Қазақстан  Республикасының заң актiлерiне сәйкес соттар жүзеге асырады.

 

6-тарау. Қорытынды  ережелер

 

24-бап. Халықаралық  iзгiлiк көмек Төтенше жағдай енгiзiлген жерде халықаралық iзгiлiк көмек Қазақстан Республикасының Үкiметi белгiлеген тәртiппен бөлiнедi.

 

25-бап. Осы Заңды  қолданысқа енгiзу тәртiбi

1. Осы Заң ресми жарияланған күнiнен бастап қолданысқа енгiзiледi.

 

2. Мыналардың күшi  жойылды деп танылсын:

"Төтенше жағдайдың  құқықтық режимi туралы" 1993 жылғы  15 қазандағы Қазақстан Республикасының Заңы

"Төтенше жағдайдың  құқықтық режимi туралы" Қазақстан  Республикасының Заңын күшiне енгiзу тәртiбi туралы" Қазақстан Республикасы Жоғарғы Кеңесiнiң 1993 жылғы 15 қазандағы Қаулысы

 

 

Қазақстан Республикасының Президенті                                                               Н. Назарбаев