Экономикалық өсу туралы көп ақпарат

 

3.2 Экономикалық өсудің негізгі көздері.

Жалпы алғанда, соңғы  кезеңдегі экономикалық өсудің негізгі көздері мыналар болып табылды:                                                                                        * табиғи ресурстарды экстенсивті пайдалану;                                                      * жұмыс істейтіндер санының көбеюі;                                                                   * кен қазу өнеркәсібі мекемесінің негізгі капиталына инвестицияның өсуі;      * мемлекеттік инвестициялардың есебінен өндірістік инфрақұрылымның дамуына маңызды үлес;                                                                                           * құрылыс, сауда-саттық және қызмет көрсету аясы салаларының сыртқы қарыз алу есебінен несиелендірілуі: құрылыстың ІЖӨ-нің жалпы өсімі үлесінде 2003 жылдан бастап 6,5%-дан 2007 жылы 18,9%-ға дейін өсті.             “Кредиттік бум” экономикада 2002 жылғы 37,3%-дан 2006 жылы 81%-ға дейін өсуімен сипатталды. Экономиканың жеке секторларының “қызып кетуі” байқалды.                                                                                                 Әлемдік экономика өсімінің баяулауы жағдайында Қазақстан экономикасының өсу қарқынының төмендеуі заңдылық. Дүниежүзілік дағдарыстың қаржы өтемпаздығына жанама әсері біздің экономикамыздың жүйелі проблемаларын көрсетіп берді. Қысқа мерзімді перспективада Қазақстан экономикасы үшін маңызды сыртқы қатерлер сақталуда. Оларға мыналарды жатқызуға болады:                                                                               * мұнай бағасының ауытқуы;                                                                                   * сауда-саттық пен биржа тауарларына әлемдік бағаның өсуімен байланысты импортқа инфляцияның өсуі;                                                                                  * капиталдың ықтимал қайтуы және шетелдік инвесторлардың табыстарын инвестицияламау;                                                                                                     * сырттан қарыз алу рыногының жабықтығының сақталуы.                                 Осы тәуекелдерді іске асыру Қазақстан экономикасының бәсекеге қабілеттілігі мен  әлеуметтік-экономикалық тұрақтылығы үшін қатер туғызады.                                                                                                                Мұндай жағдайларда Қазақстанның макроэкономикалық саясаты маңызды өзгеріске шыдауы керек, өйткені, еліміз әлі де болса қиын “дилеммалардың” алдында тұр. Бірақ Қазақстанның экономикасы бірқатар құрылымдық ілгерілеулерге қол жеткізетіні де сөзсіз.                                                     Біріншіден, жекеменшік инвестициялар рөлінің ықтимал төмендеуі жағдайында мемлекеттік инвестициялардың маңызы жоғарылайды.            Екіншіден, жекеменшік-мемлекеттік серіктестік ынталандырыла бастайды, бірақ ол шетінен баға мен тарифті ырықтандыруды талап етеді, әйтпесе жеке инвесторларға инфрақұрылымдық объект құрылысына салым салу пайдалы емес.                                                                                             Үшіншіден, мемлекет өңдеуші өнеркәсіп секторын дамытуға талпынатын болады. Ол үшін өңдеуші өнеркәсіп салаларына салық төмендетіледі.                                                                                                 Төртіншіден, менің көзқарасымша, қазіргі кезде әлемдік экономиканың ары қарай дамуының жоғары белгісіздігі жағдайында анағұрлым дұрыс қадам осы  сәтті “екпінді” инвестициялар үшін адами  капитал  сапасын жоғарылатуда, әсіресе білім, ғылым, инновацияда олардың нәтижелілігі үшін қатаң бақылаумен пайдалану болады. Бұл тұрғыдан “Болашақ” бағдарламасының түлектері алдағы еңбек рыногында бәсекелестікті арттырады және жұмыс күшінің сапасына жұмыс берушілердің талаптар планкісінің жоғарылауын ынталандырады.                                                              Алдағы экономикалық күрделі кезең құрылымдық өзгерістерге алып келуі ықтимал. Олар:                                                                                                                                    * кен қазу өнеркәсібі үлесінің өзгерісі;                                                                              * экономиканың “қызып кеткен секторларын” қысу мен сауықтыруға ұмтылыс;                                                                                                                                * екінші деңгейлі банктер бөлімшелерінің қайта құрылымдалуы мен біріктірілуі;                                                                                                                          * бәсекелестікті арттырумен байланысты еңбек рыногындағы құрылымдық өзгерістер;                                                                                                                                             * ауыл шарушылығының анағұрлым интенсивті дамуы.                                Осындай қиын кезеңде мемлекеттің алдында теңгерілген экономикалық өсуді экономиканың инновациялық дамуы мен ары қарай ұдайы өндірісі үшін негізгі капитал жинағының жеткілікті жоғары үлесін қолдауы мен қамсыздандыру, мемлекеттің бәсекеге қабілеттілігін сыртқы әлемде сақтай отырып, яғни төлем балансының ағымдағы есебінің теріс сальдосын қысқартып, мемлекеттік шығындар мен халық тұрмысы жайында тапсырылған планкісін қолдау міндеті тұр. Барлығын қоса алғанда, бұл – өте ауыр міндет.

 

3.3 Президент Н.Ә.Назарбаевтың елдің экономикасын өсірудегі алғышарттары.

Елбасы Нурсылтан Назарбаев биылғы Қазақстан халқына Жолдауында «Біздің ұлттық экономикамыздың бәсекеге қабілеттігіне оны әлемдік экономикаға интеграциялаган жағдайда ғана қол жеткізе алатынымыздың» атап көрсітілуі ел экономикасының жаһандық ықпалдастыққа жақындап келе жатқанын айқындады. Өткен жылдарғы реформалардың басты қортындыларын бағалай отырып, сөз жоқ, елдің әлеуметтік-экономикалық келбеті түбегейлі өзгергенін мойындау керек. Тәуелсіздік жолдарында өтпелі кезеңнің бұрынғы жүйесін сапалы жағынан жаңа экономикалық жүйеге ауыстыруға бағытталған реформалардың үш маңызды кезеңі болғаны байқалады. 
 Бірінші кезең-романтикалық, либералдық. Еркіндік пен демократияны жариялауды өз-ақ ескіні күйретуші күш қана емес нарықтық қайта құруларды ілгерілетуші күш те болатындай көрінген бұл кезең принципті тұрғыда өз рөлін орындады. Реформалардың басты қозғаушысы-нарықтық қайта құрулардың еркін қатысушысы пайда болды. Сонымен бірге, мемлекеттің экономикадан тым жылдам шегінуі ынғайында жарияланған жаппай ырықтандыру бақылаудан тыс инфляция, өндірістің құлдырауы, жұмысыздықтың пайда болуы мен өсуі сияқты келеңсіз жағдайларға әкеліп соқтырды. 
 Екінші кезең-инфляцияның ауздықтауға, қатаң қаржы, ақша-кредит саясатын жүргізүге, нарықтық экономика қағидаларын қабылдау мен қатаң орындауға арналған тұрақтандырушылық бағыт.  
Қатаң бағыт елді гиперинфляциядан және экономиканың күйреүінен құтқарып қалды. 
 Сондай-ақ ол реформаларды бостандық пен демократияның қажеттігі жөнінде жариялаумен ғана емес, өркениетті рынок нормаларымен ережелерін міндетті және мүлтіксіз сақтай отырып қана жүргізуге болатынын дәлелдеді. Алайда, кәсіпкерлік дәстүрлері, меншік нышандары жеткілікті дамыған елдерде монитаризм шеңберінде қолдануға болатын қатаң бағыт біздің халқымыз бен экономикамыз үшін тұтастай алғанда ауыр жүк болды. Және де реформаторлық міндеттерді жүзеге асыруғ а тым революциялық тұрғыда келу шыныменде жөн болмай шықты. Прагматикалық жол қоғамға қысымды бәсендетуге, анағұрлым жұмсақ постмонетарлық бағытқа көшуге, сонымен бірге отандық өндірісті нақты көтерумен айналысуға, жұмыспен қамтуды ұлғайтуға, ішкі рынокқа бет бұруға арналды.  
 Айтарлықтай қатаң экономикалық саясат ұстанған, елдің экономикалық тынысын нақты сезінетін және экономикалық бағытты түзеу қажеттігін аңғарған Президент Н.Назарбаев дамудың жаңа кезеңіне арналған бірқатар маңызды міндеттерді-экономикалық өсу бағытын, дамудың жаңа басымдықтарын қалыптастыруды алға тартты. Реформалардың бірінші және ең маңызды кезеңінің экономикалық жүйені, өндірістік қатынастарды түбегейлі өзгерту жөніндегі басты міндеттері шешілді. Қазақстан экономикасы нарықтық экономикаға айналды.  
 Қазақстан экономикасы әлеуметі жағынан өзін-өзі қамтамасыз ете алатын болғанымен, ол өзара байланысқа жүйе болмады. Бұл жәйт сыртқы рынокқа шығуды талап етті. Дағдарыс қисыны бойынша рыноқ қажет еткен өндіріс дамып, морльдық жағынан ескірген техникалық тұрғыда артта қалған, тиімсіз өндірістер ығыстырылып шығарылуы керек. Алайда, бұл міндеттерді шешу қаржы ресурстары жетіспегендіктен аса қиын болды. Қазақстан экономикасы мемлекеттік бюджет пен ірі кәсіпорындарды қаржылық қолдау үшін айтарлықтай ауқымды ресурстарды қажет етті. 
 Бүгінде Қазақстан дүние жүзінде әлемдегі ірі өндірушілердің біріне айналды және әлемдік рынокта маңызда орын алды. 27 тауар позициясы бойынша алдыңғы лектегі 10 елдің қатарына кіреді. Мемлекеттің таяудағы 10 жылға арналған сратегиялық міндеттерінде республиканың экономикадағы дәстүрлі басымдықтарын барынша пайдалану қажеттігі міндеттелген. Бұл арада әңгіме табиғат байлығы мен минералдық шикізат қоры жөнінде болып отыр. Қазақстан олардың кейбірінің абсолюттік қоры бойынша да, өндіру бойынша да, соның ішінде халықтың жан басына шаққанда жүниежүзінде бірінші орынға ие. 
 Қазақстан әлемдік және минералдық шикізат кешеніндегі өзінің күшті позицияларын сақтай алады және солай етуі тиіс. Бұл үшін руданы өңдеу мен метал балқыту жөніндегі қазіргі заманғы технологиялардың дамуын қамтамасыз етіп, дәстүрлі дамыған геологиялық, тау-кен ісін қалпына келтіру қажет. 2000-2005 жылдары кен металлургия кешеніне инвесторлардың жылына 2 млрд. доллар және одан да артық көлемде инвестициялар салуы көзделінген. Тағы бір айта кетерлік жәйт, шетелдік инвестициялар экономикалық қайта құруға жәрдемдесетін болады деп күтілген-ді. Ондай үмітіміз ішінара ақаталды. Шетелдік инвестициялардың есебінен өндіруші салаларда өсімге қол жетті, бұл да экономиканың жалпы көтерілуіндегі едәуір маңызды фактор. әйтсе де еліміз өзінің дамуында біржақтылыққа жол бермеуі керек.  
 Қазақстанның өзара қатынастардың жаңа класына кіру шарттары айтарлықтай қатаң. Егер республиканың шикізат рыногына қатысуына жол ашық болса, дайын өнімдер рыногына кіруіне жоғары баж салықтарынан, инфрақұрылымдары дамыған қуатты трансұлттық компаниялардан тұратын кедергілер бар. Осыған байланысты Қазақстан өзінің жаңа Индустриялық-инновациялық бағдарламасын жүзеге асыруға байыпты және аса жауапты қарауы керек болады.  
 Қазақстанда жоғары сапалы болат пен арнаулы қорытпалардың қуатты саласын құру индустриялық-инновациялық дамудың басым бағыттарының бірі бола алады. Талдаулар көрсетіп отырғанындай, жаңа материалдардың пайда болуына қарамастан, әлемде болаттың беріктігі жоғары тат баспайтын, подшипниктік түрлеріне қажеттілі өсіп келеді, арнаулы қорытпалардың жаңа түрлері жасалуда. Халықаралық ұйымдардың болжамына қарағанда, таяудағы жылдары болат өнімдерін тұтыну арта түседі. Дұрыс есеп құрған жағдайда Қазақстан әлемдік болат рейтингінде қазіргіден 10-15 пункт жоғарылай алады.  
 Өз өнеркәсібінің көтеріліп жатқанына қарамастан Қазақстан темір, хром, марганец рудаларын үлкен көлемде сыртқа, нң алдымен Рессей зауыттарына жөнелтуді жалғастыруда. Республиканың елеулі резервтерінің бірі болат бұйымдар шығаруды, соның ішінде мырышпен қапталған болат шығаруды кеңейту болып табылады. Жалпы метеллургияның дамуы және арнаулы қорытпалар, жоғары сапалы болат пен олардан жасалған бұйымдар шығару республикаға 13-14 млрд. АҚШ долларынан астам табыс әкеле алады.  
 Әлем деңгейінде 215-ке жуық мемлекет бар екенін ескерсек, оның алдаңғы шептегі елеуінің санына қосылу біздер үшін бұл асқақ арман. Оған жету шебер басқару жүйесін, терең білімді, жоғары біліктілікті, жан-жақты дайындықты, қажымас еңбекті, үлкен ізденістерді талап етеді. Алдағы елдер біздер қатарына қосылсын деп күтіп тұрмайды. Сондықтан ад біздер осы арманға даму қарқынын жеделдетіп, уақыт ұтқанда ғана жетеміз. 
1999-2004 Қазақстанның ішкі ұлттық өнімі 60% жуық өсті. өсу қарқыны жағынан біздер ТМД елдерінің алдына шықтық, ал Шығыс Еуропа елдерімен бір деңгейдеміз. Шама бойынша енді 2-3 жыл ішінде ұлттық ішкі өнім 2 есеге көбейеді, қуаты жағынан 1 Қазақстан 2 Қазақстан болады деген сөз. Бір кездері күрделі экономикалық реформалар жүргізген Оңтүстік Шығыс Азия елдеріне олардың ішкі жалпы өнімінің 2 есе өсуі үшін орта есеппен 12-13 жыл керек болған, біз осындай нәтижеге 8-9 жыл ішінде қол жеткіземіз деген үміттеміз. Яғни алған қарқын жақсы, осының арқасында алға кеткен елдермен ара қашықтықты азайтамыз деген жоьаның негізі бар. Бұл қарқын қолданып отырған саясаттың дұрыстығын растайды. Сонымен қатар осындай дамуға бізге Алла сыйлаған жер байлығының да көмегі молынан тиіп отырғанын мойындауымыз керек.  
 Адам басына шаққанда ІЖӨ бізде 2004 жылы 2700 долларға жетті, яғни 6 жыл ішінде 4 есеге жуық өсті. 2005 жылы осы көрсеткіш 3207 доллар ал 2007 жылы 3800 доллар болады деп жобаланып отыр. Осы маңызды көрсеткіш бойынша біз Түркияның, көптеген Азия елдерін, Ресейден басқа барлық ТМД елдерін басып оздық, Шығыс Еуропа елдеріне біршама жақындадық.  
 Дегенмен, жоғарыда аталған ұлттық байлықтың адам басына шаққан мөлшері жөнінен біз көптеген дамыған елдерден әлі тым қашықтамыз. Мысалы, осы мөлшер әлем елдері алдында келе жатқан Сингапурда 30 мың доллар шамасында болса алдыңғы қатарлы 50 елдің қатарына қосылуға жақын Венгрияда 14 мың доллардан артық. Яғни біздің адам басына табысымыз осы елдерден 5-10 есе төмен, еңбек өнімділігі де осыған сәйкес төмен.

 

 

 

 

 

 

 

 

 

 

 

 

 

 

 

 

 

Қорытынды

Экономикалық өсу- бұл әлемнің  барлық елдерінің алдында тұрған орталық проблема.Экономикалық өсу- бұл ұлттық өнімнің сандық жағынан ұлғаюы және сапалық  жағынан жетілуі. Әрбір елдің үкіметі ішкі жинақтарды және инвестицияларды ынталандыру жолымен, шетел инвесторларын  тарту арқылы және меншік құқықтарын сақтау арқылы экономикалық өсу қарқынын өсіруге тырысады. 

Экономикалық өсу түрлері:

Интенсивті- ұлттық өнімнің  техника мен технологияны жетілдіру  есебінен ұлғаюы, яғни сапалық жағынан  жетілуі.

Экстенсивті- ұлттық өнімнің  қосымша өндіріс факторларын  тарту есебінен ұлғаюы, яғни сандық жағынан өсуі.

Аралас немесе нақты – қолданылатын факторлар санын ұлғайту және техникамен технологияны жетілдіру арқылы ұлттық өнімді ұлғайту, яғни интенсивті және экстенсивті формалардың аралас түрі.

  Экономикалық өсу факторлары

1 Сұраныс факторлары- жиынтық шығындар денгейі. 

2 Ұсыныс факторлары- табиғи ресурстар, енбек ресурстары, негізгі капитал көлемі, технология.

3 Бөлістіру факторлары- ресурстарды тиімді пайдалану. 

  Экономикалық өсуді өлшеу әдістері:

1 Нақты ЖҰӨ көлемінің  ұлғаюы 

2 Адам басына шаққанда  ЖҰӨ көлемінің ұлғаюы

  Экономикалық өсу модельдері:

1 Харрод-Домардың неоклассикалық  моделі. Бұл модельде капитал-  экономикалық өсудің басты факторы  ретінде қарастырылады. 

G=S:C

G-экономикалық өсу  қарқыны 

C-капитал/ өнім өндіру  көлемі 

S-ұлттық табыстағы  жинақ үлесі 

2 Кейнс моделі

S=I    (жинақ= инвестиция). Бұл экономикалық өсу  

Қазақстан экономикасының өсу динамикасы. Еліміздің экономикасының қазіргі кезеңде тұрақты ұзақ мерзімдік өсуді қамтамасыз ету  мәселесі Стратегиялық басымдықтардың маңыздысы болып табылады. Бұл мәселені қарастыру үшін, ең алдымен ағымдық жағдайды дұрыс бағалау қажет. Қазақстан 90-шы жылдардың басынан экономикалық өсудің дағдарысы мен экономикада құрылымдық ілгерілеушілікті бастан өткерді. Отандық экономиканың реформалану үрдісінің өтуіне айтарлықтай ықпал көрсеткен дағдарыстың басқа түрлері бойынша да мәліметтер келтірілуде.  Экономикалық өсудің дағдарысы деп әлемдік практикада ІЖӨ-нің жалғасқан үш жыл бойында 9 %-ға төмендеуі алынады.

Экономикалық өсудің сапасы оның әлеуметтік бағытталуының күшеюімен байланыстырылады. Экономикалық өсудің сапасын құрушылар:  
- халықтың материалдық әл-ауқатының жақсаруы;  
- адамның гармониялық даму негізі деп қаралатын бос уақыттың көбеюі;  
- әлеуметтік инфрақұрылым салаларының даму дәрежесінің жоғарылауы;  
- адам капиталына инвестицияны өсіру;  
- адамдардың еңбек және өмір жағдайларының қауіпсіздігін қамтамасыз ету;  
- жұмыссыздар мен жұмысқа қабілеті жоқтарды әлеуметтік қорғау;  
- еңбек нарығында ұсыныс көлемінің өсуі жағдайында жұмыспен толық қамтуды қолдау.

 

                                                                                                    

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Пайдаланылған әдебиеттер тізімі:

1. Әкімбеков С.Ә.,Баймухамбетова  А.С., Жанайдаров У.А. Экономикалық  теория. Оқу құралы.-Астана, 2002.

2. Мамыров Н.К., Тілеужанова М.  Макроэкономика.- Алматы, 2004.

3. Осипова Г.М. Экономикалық теория  негіздері.-Алматы, 2002.

4. Шеденов Ө.К. Жалпы экономикалық  теория. Ақтөбе, 2004.

5. Назарбаев Н.Ә. Жаңа кезең-жаңа  экономика. Егеменді Қазақстан.

6. Назарбаев Н.Ә. Азия асқарлары.  Қазақстан жолы. Егеменді Қазақстан. 

7. Ғабит Ж.Х. Экономикалық теория.Астана 2006.