Жартылай автоматты бұғаттау кезіндегі поездар қозғалысы

106. Кілт-жезлдің ақаулығы  кезінде, сондай-ақ бұғат - аппарат итергіш локомотив үшін кілт-жезлмен жабдықталмаған жағдайларда станцияға қайта оралатын итергіш локомотиві бар поезды жөнелту бұғаттаудың жұмысын тоқтатумен телефон байланысы бойынша жүргізіледі. Жетекші және итергіш локомотивтердің машинистеріне жол жазбалары беріледі.

Аралықта бұғатпосттылар болған кезде итергіш локомотивтің жөнелту станциясына кері жүруі осы Нұсқаулықтың103-тармағымен көзделген тәртіппен жүргізіледі. Автобұғаттаудың жұмысы поездың көрші станцияға келуі және итергіш локомотивтің қайтуы туралы хабарлама алынған соң қайта жалғастырылады.

107. Арнайы өздігінен жүретін жылжымалы құрам аралыққа (соның ішінде кері оралумен) поездар сияқты жөнелтіледі.

 

§ 2. Поездардың жол постылары (бұғатпостылары)

бар аралықтар бойынша жүруі

 

      108. Көрші  бөлек пункттен поездың жөнелтілуі  туралы бұғаттау сигналын алғаннан  кейін постының кезекшісі алда  жатқан аралық бос болған кезде  өтпелік бағдаршамды ашады.

Өтпелік бағдаршамды ашумен бір мезгілде көрші бөлек пунктке автоматты түрде жөнелтудің бұғаттау сигналы беріледі (электрмеханикалық бұғаттау кезінде бұғаттау сигналы өтпелік бағдаршам жабылған соң жеке беріледі).

Поезд өтпелік бағдаршамнан өткен соң сигналдық бастырманы (тұтқаны) бұғатпосты бойынша кезекші сигналдың жабылуы жағдайына орнатады. Поездың толық құрамда өткеніне көз жеткізген соң пост кезекшісі көрші станцияларға поездың нақты жүріп өткен уақыты туралы хабарлайды, ал артта жатқан бөлек пунктке бұдан басқа жүріп өтудің бұғаттау сигналын береді (Электрмеханикалық бұғаттау кезінде жүріп өтудің бұғаттау сигналы бір мезгілде алда жатқан бөлек пунктке де беріледі).

109. Егер поезд итергіш  локомотивпен жүріп өтсе пост кезекшісі артта жатқан жеке пунктке жүріп өтудің бұғаттау сигналын итергіштің жүріп өткеніне көз жеткізіп қана береді.

Поезд итергіш локомотивсіз жүріп өткен жағдайларда пост кезекшісі көрші бөлек пункттерді хабардар етеді, алайда бұғаттау сигналын бермейді (электрмеханикалық бұғаттау кезінде аралық бағдаршамды да жаппайды).

Алда жатқан бұғатпостылардың кезекшілері де осылай әрекет жасайды. Электрмеханикалық бұғаттау кезінде алда жатқан бұғатпостылар бойынша кезекшілер поезды жабық өтпелік бағдаршамдар кезінде машинистке осы Нұсқаулықтың22-қосымшасынасәйкес ДУ-52 нысанды бланктің 1-тармағын толтырумен жасыл түсті бланктегі рұқсатты бере отырып, бос аралыққа өткізеді.

Әрбір бұғатпост жүріп өтудің бұғаттау сигналын беруді тек қалып қойған итергіш локомотив бұғатпостыдан өткен соң ғана жүргізеді.

Өтпелік бағдаршам келе жатқан поездың алдында автоматты түрде жабылатын кезде итергіш локомотив өтпелік бағдаршамның тыйым салушы көрсеткіші кезінде көрші пост араларындағы аралыққа жіберіледі.

110. Автоматты бұғатпостылармен, түйісу жолдарына қызмет көрсететін  бұғатпостылармен, жолдық дамуы  бар бөлек пункттердің орнына  мерзімді ашылатын бұғатпостылармен (соңғысы тәулік бойы емес қолданыстағы) жабдықталған аралықтарда поездардың қозғалысын ұйымдастыру құрылғы жүйесіне байланысты Ұлттық темір жол компаниясы - «Жол бөлімшесі» филиалы бекіткен жергілікті нұсқаулықта көрсетілген.

 

§ 3. Жартылай автоматты автобұғаттаудың

ақаулығы кезіндегі поездар қозғалысы

 

      111. Олар  кезінде жартылай автоматты бұғаттаудың  жұмысы тоқтатылатын ақаулықтарға:

1) шығу немесе өтпелік  бағдаршамдарды жабудың мүмкін еместігі;

2) бос аралық кезінде  шығу немесе өтпелік бағдаршамдарды ашудың мүмкін еместігі (соның ішінде шығу бағдаршамдарында оқшаулағыш учаскелердің бостығын бақылауды ажырату үшін қосалқы бастырмаларды қолданумен);

3) бұғаттау сигналдарының  өздігінен алынуы;

4) бұғаттау сигналдарын  берудің немесе алудың мүмкін  еместігі;

5) бұғат-аппаратта пломбаның  болмауы (басқыштық тұйықтағыштағы  немесе қосалқы бастырмадағы  пломбадан басқа) жатады.

Барлық аталған жағдайларда, сондай-ақ бұғаттау құрылғыларын қайта жабдықтау, орнын ауыстыру, жөндеу, сынау және айырбастау жөніндегі жұмыстар және құрылғылардың жұмысын уақытша тоқтатуды тудыратын басқа жұмыстар кезінде бұғаттау бойынша поездардың қозғалысы тоқтатылады және телефон байланысы бойынша орнатылады.

112. Электрмеханиктің жартылай  автоматты бұғаттау аппаратын (станция  бойынша кезекшінің басқару аппаратын) қарап тексеруі кезінде бұғаттаудың  жұмысы тоқтатылмайды. Бұл ретте бұғат-аппарат ашық болғанда станция бойынша кезекші мен электрмеханик бұғаттау құрылғылары жұмысының дұрыстығын қадағалайды.

Жартылай автоматты бұғаттау аппаратурасын қарап тексеру, реттеу және майлау аяқталған соң пломбалау алдында электрмеханик станция бойынша кезекшімен бірлесіп бақылау аспаптарының көрсеткіштері бойынша бұғат-аппараттағы көрсеткіштердің аралықтар жағдайына сәйкестігін (ДУ-2, 3 нысанындағы поездар мен локомотивтер қозғалысы журналындағы жазбалар бойынша және көрші бөлек пункттер бойынша кезекшілермен сөйлесу жолымен) тексереді.

Бұғат-аппаратты оны қарап тексеру немесе жөндеу үшін ашудың әрбір оқиғасы, сондай-ақ бұл жұмыстың аяқталғаны туралы электрмеханик ДУ-46 нысанындағы қарап тексеру журналында тиісті жазба жасайды.

113. Телефондық байланысқа көшу, сондай-ақ поездар қозғалысын бұғаттау бойынша қайта жалғастыру станциялар бойынша кезекшілер арқылы аралықтың бостығын алдын ала тексерген соң поездық диспетчердің бұйрығымен жүзеге асырылады.

Поездардың қозғалысы кезінде диспетчерлік байланыстың ақаулығы кезінде телефондық байланысқа көшу және бұғаттаудың жұмысын қалпына келтіру телефонограммалар мәтінінде ауыстырумен осы Нұсқаулыққа57, 58-тармақтарында аталған тәртіппен жүргізіледі.

114. Бұғаттау жұмысын тоқтатқан  және телефондық байланысқа көшкен  соң поездардың машинистеріне  көрші бөлек пунктке дейін  жүру үшін осы Нұсқаулықтың8-қосымшасына сәйкес ДУ-50 нысанды бланктегі жол жазбасы беріледі.

115. Поездардың тыйым салушы  көрсеткіштері бар маршруттық  бағдаршамда (шығу бағдаршамына  дейін) жүруі:

1) шақыру сигналы бойынша;

2) жөнелтілетін поездың  машинисіне радиобайланыс бойынша  берілетін станция бойынша кезекшінің  тіркелетін бұйрығы бойынша;

3) осы Нұсқаулықтың22-қосымшасына  сәйкес ДУ-52 нысанды бланктің 1-тармағын  толтырумен жасыл түсті бланктегі рұқсат бойынша (мәтінді қолмен тиісті өзгерту кезінде) жүзеге асырылады.

116. Қос тартымды немесе  бүкіл аралыққа итергіш локомотиві  бар поездың жол жүруі кезінде  аралықты иелену құқығына рұқсат тек жетекші локомотивтің машинисіне ғана беріледі. Екінші (қос тартым кезінде) және итергіш локомотивтің машинистері сигналдарын немесе радиобайланыс бойынша жетекші локомотив машинисінің хабарламаларын басшылыққа алады.

117. Бұғаттау телефон байланысының ақаулығы кезінде станция бойынша кезекші басқару аппараттарындағы бақылау аспаптары көрсеткіштерінің өзгерістерін мұқият қадағалайды.

Бұл жағдайда поездардың қозғалысы туралы хабарлама поездық диспетчер арқылы немесе станция бойынша кезекшінің иелігіндегі байланыстың басқа құралдары арқылы жүзеге асырылады.

118. Бір бағыттағы қозғалыс үшін жартылай автобұғаттаумен жабдықталған қос жолды (көп жолды) аралықтарда поездарды дұрыс емес жолмен жөнелту поездық диспетчердің бұйрығы бойынша телефондық байланысқа көшумен дара жолды қозғалыс қағидалары бойынша жүргізіледі.

119. Жартылай автоматты  бұғаттау жүйесіне және қандай  да бір учаскедегі нақты жұмыс жағдайларына қарай құрылғыларды пайдалану тәртібі, сондай-ақ поездарды қабылдау, жөнелту және өткізу кезіндегі қызметкерлердің іс-қимылының тәртібі қажет жағдайда Қазақстан Республикасының темір жол көлігінде әзірленетін нұсқаулықтарда белгіленеді.