Гибридтік байланыс желі құрылымдары

5.1-сурет. Бап бойынша орналастыру

5.3 Қорытынды

Келесі ұрпақ технология жобасын  енгізудің қайтарылу мерзімі  бірнеше жылға созылуы мүмкін. Бірақ, қайтарылу мерзімі ұзақ екен деп, аталған жобаны енгізуді кейінге қалдыра алмаймыз. Себебі, заман талабын, сұранысты, мына ақпараттану заманын еске алуымыз керек. Келесі ұрпақ желісі бүгінгі сұраныстың кез-келгенін қанағаттандырады. Әрине, шығынның соммасы аз емес. Уақыт өте келе бұл жоба тек өзінің алғашқы капиталдық салымын ғана емес, әмбебап қызметтерінің арқасында пайданы да алып келеді. Тек уақыт керек.

NGN желісі өз абоненттеріне жоғары  сапалы телефон және факс байланысын  ұсынады, басымды халықаралық  және қалааралық байланыс арналарына  шығу, IP, GE технологиясын пайдалану арқылы мәлімет тарату, интернетке қосылу, интеллектуалдық желі қызметін қолдану мүмкіндігін береді. Сондай-ақ көптеген телекоммуникациялық шешімдерді, келешек есептеулерді шығаруға жағдай жасайды. Қызмет көрсету аясын кеңейтуге ақпараттардың халықаралық көздеріне кірігуге, байланыс бекеттері арасындағы қатынасты күшейтуге әрі арттыруға септігін тигізеді. Жобаның басты мақсаты – телефон байланысы қызметінің және нарық либерализациясы (өзге операторлардың санының артуы) шартына сай қосымша құнды қызметтің нарығында жаңа технологияны ендіріп, қоғамның үлесін арттыру, көрседыбысетін қызмет спектрлерін кеңейту, қызмет көрсету сапасын үлкейту және қолданушыларды толығымен қанағаттандыру. NGN желісі қызмет диапазонын кеңейту үшін таптырмайтын коммутациялық негіз ұсынады және де дүниежүзіндегі желілерді жабдықтаушылардың міндеттерін орындауына жағдай туғызады. Жобаланатын желі келесі  кызметтерді көрсетеді:

• интеллектуалды желі қызметіне қосылу;
• байланыс арналарын жалға беру;
• мәліметтерді жіберу қызметтері;
• телематика қызметтері;
• VPN корпоративті желісін ұйымдастыру;
• бейнеконференцбайланыс қызметтері;
• интернет мәліметтер трафигін жіберу (жеке тұлға немесе компаниялар үшін);
• корпоративті желілердің мәліметтер трафигін жіберу;
• IP-телефония (жеке адам немесе корпоративті желілер үшін);

Жобаны іске асыру нәтижесінде  келесі мүмкіндіктерге қол жеткізуге  болады: ADSL-технологиясының көмегімен  глобалды Интернет желісіне жоғары жылдамдықпен қосылу және толық қызмет түрін пайдалану, келешекте одан әрі дамуы үшін жаңа технологиялық база құру, табыстың өсуі, өңірде тұрақты позицияны орнату, бәсекелесуге қабілетті тарифті политика құру. 

Жаңа технологияны енгізудің бастапқы кезеңінде желінің абоненттері  жоғары сапалы цифрлы байланыстың жаңа түрлеріне мұқтаж болатын және көпшілік желілермен салыстырғанда жоғары тарифке келісетін жеке тұлғалар мен заңды тұлғалар болады. Сонымен қатар, жаңа желі дамыған сайын көрседыбысетін қызмет түрлері ұлғаяды, ал тарифтер төмендейді. Ол әр түрлі әлеуметтік топтарына желінің қолжетімді болуына әкеледі. Бұл қолжетімділіктің технологияның демократиялық принциптерге жауап бере алатынын айғақтайды.

Ұйымдастырылатын желінің көрсететін қызметтерінің потенциалды тұтынушылары ретінде келесі мекеме мен ұйымдардың категорияларын жатқызуға болады:

• ауданның телефондық желілері;
• қалааралық және халықаралық  байланыс мекемелері;
• жаңадан құрылған компаниялар – байланыс қызмет көрсету желісінің операторлары;
• өнеркәсіпті компаниялар мен корпорациялар, ірі және орташа финанстық ұйымдар;
• шетелдік компаниялар, офистер, мекемелер.

Бағаның құрылуын талдаған кезде келесі жағдайларды ескеру қажет:

• қызметтің өзіндік құны;
• ұсынылып отырған қызметке бәсекелестердің бағасы;
• бұл қызметтің ерекшелігі;
• бұл қызметке сұранысқа байланысты бағасы.

Мәртебесі жоғары компания құрған кезде бағаларды салыстырмалы түрде жоғары ұстаған жөн, бірақ жылжымалы Интернет сияқты рынокта бар қызметтердің бағасы бәсекелестердің бағасынан жоғары болмауы керек. Қызметтердің жаңа түріне баға мүмкіндігінше жоғары болу керек. Фирманың бағалық политикасы жоғары сапа – жоғары баға принципіне негізделуі тиіс. Фирманың максимал мүмкіндігін қолдану үшін төмен бағалар, льготалық уақыт және басқа акциялар енгізу мүмкіндіктерін қараған жөн.