Бюджеттік төлемдерді жүзеге асыру тәртібі

Мемлекеттік мекемеге талап етілетін салық қызметі  органдарының және кеден органдарының инкассалық өкімдерін қанағаттандыру Қазақстан Республикасының қолданыстағы заңнамасына сәйкес шығыстардың бюджеттік сыныптамасының тиісті кодтары бойынша жүргізіледі.

Салық қызметі  органдарының және кеден органдарының инкассалық өкімін ала отырып қазынашылықтың аумақтық органы бір жұмыс күнінің ішінде инкассалық өкімнің көшірмелерін қоса бере отырып хат-хабарламаны қалыптастырады және мемлекеттік мекемеге жібереді.

Мемлекеттік мекеме хат-хабарламаны алған күні шығыстардың  бюджеттік сыныптамасының тиісті коды бойынша төлеуге берілетін шотты  қазынашылықтың аумақтық органына қалыптастырады және береді.

Осы тармақта белгіленген  нормалар орындалмаған жағдайда қазынашылықтың аумақтық органы салық (кеден) органдарының инкассалық өкімдерінің орындалу кезеңіне мемлекеттік мекеменің әкімшілік  шығыстарын жұмсауды тоқтатады.

Тиісті ерекшеліктер бойынша жоспарлы сомалардың қалдығы  жетіспеген немесе болмаған кезде салық  қызметі органдарының және кеден  органдарының инкассалық өкімдерін  орындау үшін осы Ережеде белгіленген  тәртіппен шығыстардың экномикалық  сыныптамасының тиісті ерекшеліктері бойынша міндеттемелер мен төлемдер жөніндегі қаржыландыру жоспарларына өзгерістер енгізіледі.

Мемлекеттік мекеме Қазақстан Республикасының заңнамалық кесімдеріне сәйкес салық қызметі  органдарының және кеден органдарының инкассалық өкімдерді уақытылы орындауды қамтамасыз етеді.  Қазынашылықтың аумақтық органы мемлекеттік мекеменің қаржыландырудың жеке жоспарын тиісті өзгерткеннен және төлеуге берілетін шотты соңынан бергеннен кейін салық қызметі органдарының және кеден органдарының инкассалық өкімін орындайды.

Салық қызметі  органдарының және кеден органдарының орындаушы құжаттары бойынша  инкассалық өкім қазынашылықтың аумақтық органындағы инкассалық өкімдерді  тіркеу журналында тіркеледі.

 

 

 

 

2.2Есеп айырысулардың аккредитивтік нысанын пайдалану

 

Аккредитив  республикалық бюджет қаражаты есебінен мынадай есеп айырысулар кезінде:

ағымдағы қаржы  жылы аяқталу мерзімі аяқталатын инвестициялық жобалар (бағдарламалар) бойынша;

Қазақстан Республикасының  Үкіметі ағымдағы қаржы жылының  соңғы айында төтенше резервтен қаражат бөлу туралы шешім қабылдаған жағдайда табиғи және техногендік сипаттағы төтенше жағдайлардың зардаптарын жою кезінде;

Қазақстан Республикасы бей резиденттерінің тауарларды (жұмыстарды, қызметтерді) жеткізуге  құжаттамалы есеп айырысулар үшін шетелдік валютада шарттар жасасу кезінде пайдаланылады.

 Шетелдік  валютада аккредитивті ашу ағымдағы  қаржы жылы үшін мемлекеттік  мекеме және тауарларды (жұмыстарды, қызметтерді) берушілер немесе  бюджет қаражатын алушы арасында  тауарларды (жұмыстарды, қызметтерді) жеткізу жөніндегі шарттың орындалуын ұзартқан жағдайда жол беріледі. Жасалған шарттар бойынша бір қаржы жылынан жоғары мерзімге аккредитивті ашу шарттың қолданылу мерзімінің соңғы жылы жүргізіледі.

 Ағымдағы  қаржы жылы үшін 165-тармақта көрсетілген шығыстар бойынша шарттардың орындалуын ұзарту Қазақстан Республикасы Үкіметі шешімдерінің негізінде жүргізіледі.

 Ұлттық валютадағы  аккредитив тауарлардың (жұмыстардың,  қызметтердің) берушілерімен республикалық  бюджет қаражаты есебінен мемлекеттік мекеме жасаған азаматтық-құқықтық мәмілелерді тіркегеннен кейін тегін негізде ашылады. Шартта тауарлардың (жұмыстардың, қызметтердің) есеп айырысуларының аккредитив нысаны мен шарттың қолданылу мерзімінен аспайтын аккредитивтің орындалу шарты мен қолданылу мерзімі көзделуі тиіс.

 Аккредитивті  ашу үшін мемлекеттік мекеме  ұлттық валютада мыналарды:

- қазынашылықтың  аумақтық органына Бюджеттің атқарылуы және оған кассалық қызмет көрсету ережесінің 41-қосымшаға сәйкес нысан бойынша төрт данада өтінімді;

- бюджеттік  бағдарламаның  әкімшісі мемлекеттік  мекеме мен берушінің арасындағы  тауарларды (жұмыстарды, қызметтерді)  жеткізу жөніндегі шарттың көшірмесін  қоса бере отырып есеп айырысудың  аккредитивтік нысанын қолдану  көрсетілген аккредитивтің ашылуы туралы хатты ұсынады.

Бюджеттік бағдарламаның  әкімшісі берілген берілген құжаттарды ресімдеудің дұрыстығын тексере  отырып, бюджеттің атқарылуы жөніндегі  орталық уәкілетті органға аккредитивтің  ашылуы туралы қолдаухатты жібереді.

Ұлттық валютада аккредитивті ашуға арналған құжаттар Қазақстан Республикасы Үкіметінің төтенше резервінен қаражат бөлу жағдайларын қоспағанда ағымдағы қаржы жылының 15 желтоқсанынан кешіктірмей қазынашылықтың аумақтық органына беріледі.

 Мемлекеттік  мекеме аккредитивті орындауға  берілген құжаттардағы деректердің растығын, құжаттарды ресімдеудің толықтығы мен дұрыстығын қамтамасыз етеді.

 Шетелдік  валютадағы аккредитив ҚР ҰБ  белгілеген тәртіппен аккредитивті  ашуға азаматтық-құқықтық мәмілені  тіркегеннен және мемлекеттік  мекеме өтінім бергеннен кейін  ашылады.

 Шетелдік  валютада аккредитивті ашу аккредитивтің  түрі, бенефициар, орындаушы банк, құжаттардың тізбесі туралы ақпаратты ұстайтын шарттың талаптарына сәйкес жүргізіледі, оның негізінде аккредитив  және аккредитивтің қолданылу мерзімі орындалады. Аккредитивті ашуға арналған өтінім шарттың талаптарына сәйкес келуі тиіс.

 Шетелдік  валютада ашылған аккредитивтің пайдаланылмаған сомаларын қайтару аккредитивтің қолданысы аяқталған күннен бастап бір жұмыс күнінің ішінде мемлекеттік мекеме беретін төлеуге берілетін шоттың негізінде жүргізіледі. Ағымдағы жылдың пайдаланылмаған сомалары бюджет шығыстары экономикалық сыныптамасының тиісті ерекшелігі бойынша кассалық шығыстарды қалпына келтіруге, өткен жылдардың – тиісті бюджетінің кірісіне жіберіледі.

Бюджетті атқару жөніндегі орталық уәкілетті  орган Бюджеттің атқарылуы және оған кассалық қызмет көрсету ережесінің 43-қосымшаға сәйкес нысан бойынша карточкаларда берушінің пайдасына ашылған әрбір аккредитив жөнінде мемлекеттік мекемелердің аккредитивтеріне талдамалы есеп жүргізеді.

 

2.3 Демеушілік және қайырымдылық көмектің шоттары бойынша төлемдер жүргізу

 

Мемлекеттік мекемелер  Қазақстан Республикасының заң  актілеріне сәйкес демеушілік және қайырымдылық көмек түрінде заңды және жеке тұлғалардан алатын ақшаны пайдалана  алады. Демеушілік және қайырымдылық көмек  түріндегі қаражат ұлттық та және шетелдік те валюта түрінде де түсе алады. Демеушілік және қайырымдылық көмектен түсетін ақша жөніндегі жоспарлар жасалмайды.

 Демеушілік  және қайырымдылық көмектер  үшін  шоттарды ашу, енгізу және жабу  бюджетті атқару жөніндегі орталық  уәкілетті орган белгілеген тәртіппен жүзеге асырылады.

 Мемлекеттік  мекеме демеушілік және қайырымдылық  көмектен түскен ақшаны нысаналы  пайдалануды қамтамасыз етеді. 

 Демеушілік  және қайырымдылық көмектен түскен  ақшаның жұмсалуы мемлкеттік  мекеменің тиісті шотында олардың  қалдығы шегінде жүзеге асырылады.

 Кассаға  мемлекеттік мекеменің қолма-қол  ақшаны қабылдауы оларды қабылдаған  күннен бастап үш жұмыс күнінен  кешіктірмей демеушілік және  қайырымдылық көмектің шотына  есептелуі тиіс. Осы ақшаны уәкілетті  банктің бөлімшесіне алдына ала тапсырмай жұмсауға жол берілмейді.

 Мемлекеттік  мекеме демеушілік және қайырымдылық  көмектің шотына түскен қолма-қол  ақшаның мемлекеттік мекемеге  уақытылы мен толықтық түсуін  қамтамасыз етеді.

 Демеушілік  және қайырымдылық көмектен қолма-қол  ақшамен операциялар жөніндегі банктік қызметтерді төлеуді банкпен олардың шарт арасындағы негізінде демеушілік және қайырымдылық көмек есебінен мемлекеттік мекеме жүргізеді.

 Ағымдағы  жылы демеушілік және қайырымдылық  көмекті пайдаланбаған мемлекеттік  мекеме нысаналы түрде келесі жылы оны нысаналы түрде пайдалана алады.

 Демеушілік  және қайырымдылық көмектен түскен  ақшаны жете пайдаланбаған жағдайда  осы ақшаны салушы оларды қайтаруға  құқығы бар.

 Мемлекеттік  мекеме, бюджеттік бағдарламалардың  әкімшісі бюджетті атқару жөніндегі орталық уәкілетті орган белгілеген тәртіппен, нысанда және мерзімдерде демеушілік және қайырымдылық көмектен түскен ақшаның түсуі және жұмсаулы туралы есепті жасайды.

 

2.4 Мемлекеттік мекемелердің депозит шоттары бойынша төлемдер жүргізуі

Мемлекеттік мекеменің Қазақстан Республикасының Заң актілеріне және осы Ережеге сәйкес уақытша иелік ету үшін мемлкеттік мекемеге берілетін депозит шоттарынан түсетін ақшаны иелік етеді. Депозит ақша жөнінде жоспар жасалмайды.

Депозит шоттарын ашу, енгізу және жабу бюджетті атқару жөніндегі орталық уәкілетті орган белгілеген тәртіппен жүзеге асырылады.

 Мемлекеттік  мекеменің уақытша пайдалану  үшін ұлттық және шетелдік  валютада түсетін ақша оларды  аударған тұлғаларға қайтару  белгілі бір шарттар пайда  болған кезде өзге мақсаттарға жұмсау құқығынсыз Қазақстан Республикасының заң актілеріне сәйкес бюджетке немесе үшінші тұлғаларға аударуға жатады.

 Мемлекеттік  мекеме Қазақстан Республикасының  заң актілеріне сәйкес тиісті  алушыларға депозит шоттарынан  ақшаны белгілі бір талаптар пайда болған сәттен бастап аударудың дұрыстығын қамтамасыз етеді.

 Тиісті бюджетке  аударуға жататын депозит шоттарындағы  ақша Қазақстан Республикасының  заң актілеріне сәйкес белгілі  бір талаптар пайда болғаннан  кейін үш жұмыс күнінің ішінде  аударылуы тиіс.

 Кассаға  мемлекеттік мекеме қабылдаған  қолма-қол ақша  оларды қабылдаған  үш жұмыс күнінен кешікпей  депозит шотына есептелуі тиіс. Уәкілетті банктің бөлімшесіне  осы ақшаны алдын ала тапсырмайынша  жұмсауға жол берілмейді.

 Мемлекеттік  мекеменің депозит шотына түскен қолма-қол ақшаның уақытылы және толық тапсырылуын мемлекеттік мекеме қамтамасыз етеді.

 Қолма-қол  депозит шотына есептеу жөніндегі  және депозит шотынан қайтару  жөніндегі банктік қызметтерді  төлеу: депозит сомасын салған  тұлғаның шотына мемлекеттік мекеме мен банктің арасында жасалған шарттың негізінде жүргізіледі, оған мынадай жағдайлар қосылмайды.

Депозит шотына заттай айғақ ретінде алынған  ақшаны және тәркіленген мүлікті  сатудан алынған ақшаны есептеу  кезінде, сондай-ақ оларды қайтару кезінде банктік қызметтерге ақы төлеу прокуратура органдарының, алдына ала тергеудің, тергеудің, сондай-ақ салық қызметі органдарының және кеден органдарының міндеттемелері мен төлемдері бойынша бюджет бағдарламаларын (кіші бағдарламаларын) қаржыландыру жоспарының есебінен жүргізіледі;

Орындаушы құжаттар, өндіріп алушыға депозит шотынан  ақша беру және борышқорға қалған соманы қайтару бойынша өндіріп алушыға  соманы өтеу үшін борышқордан алынған  ақшаны есептеу кезінде банктік  қызметтерге ақы төлеу борышқордың есебінен жүргізіледі.

Сотталғандар, қылмыс жасауда күдікті деп танылғандар  мен айыптанушылар, психиатриялық  ауруханаларда жатқан емделушілер, ақыл-ойы кеміс балаларға арналған интернат-үйлерінде, психикалық-жүйке  интернаттарында, жетім балалар  мен ата-анасының қарауынсыз қалған балаларға арналған білім беру мекемелерінде тұрып жатқан қомқорлыққа алынғандар үшін банктік қызметтерге төлеу депозиттік соманың есебінен жүргізіледі.

 Мемлекеттік  мекеме, бюджеттік бағдарламалардың  әкімшісі депозит түрінде, бюджетті атқару жөніндегі орталық уәкілетті орган белгілеген тәртіппен, нысанды және мерзімдерде мемлекеттік мекемелер алған депозит шоттарын пайдалану туралы есепті жасайды.

Аумақтық уәкілетті  органдардың депозит шоттарынан төлем жүргізу кезінде олардың  функциясына орындаушы өндірісті жүзеге асыру жататын төлеуге берілетін шотқа аға сот орындаушысы қол қойған депозит шотынан ақшаны беруге анықтама және сот шешімінің көшірмесін қоса беру қажет.

Мемлекеттік мекемелерді  қолма-қол ақшамен қамтамасыз ету  қызметкерлерге жалақы, шетелдік валютада іссапар шығыстарын мен басқа да ақшалай төлемдерді, сондай-ақ жеке мұқтаждарын төлеу үшін мемлекеттік мекемелерді қолма-қол ақшамен қамтамасыз ету Қазақстан Республикасының заңнамасына сәйкес жүзеге асырылады.

 

 

 

 

 

 

 

 

 

 

3ҚАРЖЫЛАНДЫРУДЫҢ ЖЕКЕ ЖОСПАРЛАРЫН, БЮДЖЕТТІК БАҒДАРЛАМАЛАР ӘКІМШІЛЕРІНІҢ МІНДЕТТЕМЕЛЕР МЕН ТӨЛЕМДЕР БОЙЫНША ҚАРЖЫЛАНДЫРУ ЖОСПАРЛАРЫН ЖАСАУ, БЕКІТУ ЖӘНЕ ОЛАРҒА ӨЗГЕРІСТЕР ЕНГІЗУ ТӘРТІБІ

3.1 Қаржыландырудың жеке жоспарларын, бюджеттік бағдарламалар әкімшілерінің міндеттемелер мен төлемдер бойынша қаржыландыру жоспарларын және түсімдер жоспарларын жасау және бекіту тәртібі     

 Бюджеттің атқарылу процесінде қаржыландырудың жеке жоспары мемлекеттік мекеменің негізгі құжаты болып табылады ол: Бюджеттің атқарылуы және оған кассалық қызмет көрсету ережесінің 1-4-қосымшаларына сәйкес нысан бойынша шығыстардың функционалдық және экономикалық сыныптамасына сай міндеттемелер бойынша жеке жоспар, төлемдер бойынша жеке жоспар нысанында қалыптастырылады. 
      Міндеттемелер бойынша жеке жоспар бюджеттік бағдарламалардың іс-шараларын іске асыруға арналған бюджет қаражатының жылдық көлемдері шегінде ақшалай түрдегі мемлекеттік мекеме қабылдаған міндеттемелердің ай сайынғы көлемдерін  анықтайды.  
      Төлемдер бойынша жеке жоспар қабылданған міндеттемелерді орындау есебінен төлемдерді жүзеге асыру үшін мемлекеттік мекемеге қажетті бюджет қаражатының жылдық көлемдері шегінде бюджет қаражатының ай сайынғы көлемін  анықтайды.   
      Міндеттемелер мен төлемдер бойынша қаржыландырудың жеке жоспарларының жобаларын шығыстардың функционалдық және экономикалық сыныптамасы бойынша мемлекеттік мекемелер мынадай талаптардың: 
      бюджет комиссиясы мақұлдаған және бюджетті бекіткен немесе бекіту немесе нақтылау кезінде қабылданған шешімдерді ескере отырып пысықталған бюджеттік бағдарламалар әкімшілерінің бюджеттік өтінімінде (бұдан әрі - бюджеттік өтінім) ұсынылған бюджеттік бағдарламалар (кіші бағдарламалар) бойынша шығыстардың  есептері; 
      бюджеттік бағдарламаларды (кіші бағдарламаларды) іске асыру мақсатында қабылданған нормативтік құқықтық  актілер; 
      басқа да нормативтік құқықтық  актілер; 
     бекітілген паспорттың жергілікті бюджеттік бағдарламаны (кіші бағдарламаны) іске асыру жөніндегі іс-шаралар жоспарына сәйкес келуі; 
      міндеттемелерді уақтылы қабылдауды және орындауды қамтамасыз ету; 
     өткен қаржы жылдарында міндеттемелер мен төлемдер бойынша қаржыландырудың жеке жоспарларының орындалу серпіні негізінде; 
      шығыстардың экономикалық сыныптамасы ерекшеліктерінің құрылымын ескере отырып  әзірлейді. 
      Экономикалық сыныптама ерекшеліктері тұрғысынан міндеттемелер бойынша қаржыландырудың жеке жоспарының жылдық сомасын айлар бойынша бөлу міндеттемелерді қабылдау мерзіміне, операциялық жоспарда көзделген іс-шараларды орындау мерзіміне немесе жергілікті бюджеттік бағдарлама (кіші бағдарлама) паспортында көзделген іс-шараларды орындау мерзіміне, мемлекеттік сатып алу бойынша конкурстық рәсімдерді өткізу мерзіміне, жұмыстарды жүргізу маусымдылығына, бюджеттік бағдарламаларды (кіші бағдарламаларды) іске асыру үшін нормативтік құқықтық актілерді қабылдау мерзіміне сәйкес келуі  тиіс. 
      Төлемдер бойынша қаржыландырудың жеке жоспарының жылдық сомасын айлар бойынша бөлу операциялық жоспарда көзделген әрбір бюджеттік бағдарлама (кіші бағдарлама) бойынша тиісті қаржы жылы ішінде іс-шараларды іске асыру мерзіміне сәйкес немесе паспортта көзделген әрбір жергілікті бюджеттік бағдарлама (кіші бағдарлама) бойынша тиісті қаржы жылы ішінде іс-шараларды іске асыру мерзіміне сәйкес алынатын тауарлар (жұмыстар, қызметтер) бойынша төлемдерді жүзеге асыру мерзіміне сәйкес келуі және аванстық төлемдерді төлеудің болжамды мерзімін ескеруі тиіс. 
      Жаңа инвестициялық жобаларды іске асыру және бағдарламалық құжаттарда көзделген міндеттерді орындау мақсатында заңды тұлғалардың жарғылық капиталдарын арттыруға бағытталған бюджеттік бағдарламаларды іске асыратын бюджеттік бағдарламалар әкімшілері мемлекеттік органдардың стратегиялық жоспарларының бюджеттік бағдарламалар нысанында белгіленген іс-шаралар мерзімдеріне сәйкес міндеттемелер мен төлемдер бойынша жеке қаржыландыру жоспарларын жасайды. 
      Қаржыландырудың жеке жоспарларының жобаларына орталық атқарушы органның жауапты хатшысы (белгіленген тәртіппен орталық атқарушы органның жауапты хатшысының өкілеттіктері жүктелген лауазымды тұлға), ал мұндай болмаған жағдайда - басшы немесе ол өкілеттік берген тұлға, олардың жасалуына жауапты мемлекеттік мекеменің құрылымдық бөлімшесінің басшысы, ал соңғылары болмаған кезде тиісті бұйрықтармен міндеттерді атқару жүктелген тұлғалар қол қояды және мемлекеттік мекеменің елтаңбалық мөр бедерімен куәландырылады, жоғарыда көрсетілген тұлғалар қол қойған қаржыландырудың жеке жоспарларының жобаларын айларға бөлу есебі мен негіздемелері қаржыландырудың жеке жоспарларымен бірге оларды белгіленген мерзімде бекіту және бюджеттік бағдарлама әкімшілерінің қаржыландыру жоспарларын әзірлеу үшін бюджеттік бағдарламалардың әкімшілеріне  беріледі.  
      Мемлекеттік мекеме қаржыландырудың жеке жоспарлары жобаларының жасалу дұрыстығын және оларды тиісті бюджеттік бағдарлама әкімшісіне уақтылы берілуін қамтамасыз  етеді.  
      Бюджеттік бағдарламалар әкімшілерінің міндеттемелері мен төлемдері бойынша қаржыландыру жоспарлары Бюджеттің атқарылуы және оған кассалық қызмет көрсету ережесінің 5-8-қосымшаларына сәйкес нысандар бойынша шығыстардың функционалдық және экономикалық сыныптамасына сәйкес міндеттемелер мен төлемдер бойынша қаржыландырудың жеке жоспарларын жиынтықтау жолымен  қалыптастырылады.  
      Бюджеттік бағдарламалар бойынша бюджеттік бағдарламалар әкімшісін қаржыландыру жоспарларының жылдық сомасы кезекті қаржы жылына арналған республикалық бюджет туралы заңда бекітілген сомаға сәйкес келуі тиіс, ал жергілікті бюджеттік бағдарламалар (кіші бағдарламалар) қаржыландыру жоспарының жылдық сомасы кезекті қаржы жылына арналған жергілікті бюджет туралы мәслихат шешімінің бекітілген сомасына және кезекті қаржы жылына арналған жергілікті бюджет туралы мәслихаттың шешімін іске асыру туралы жергілікті атқарушы органдар қаулыларының сомасына сәйкес келуі  тиіс. 
      Бюджеттік бағдарламалар әкімшісі Қазақстан Республикасы Үкіметінің немесе жергілікті атқарушы органның республикалық бюджет туралы заңын іске асыру туралы қаулысы немесе кезекті қаржы жылына арналған жергілікті бюджет туралы мәслихаттың шешімі қабылданғаннан кейін бес жұмыс күні ішінде бюджетті атқару жөніндегі уәкілетті органға айларға бөле отырып, жоспарларды айға бөлу негіздемесімен  бірге: 
      бюджеттік бағдарламалар деңгейінде бюджет шығыстарының функционалдық сыныптамасына сәйкес республикалық бюджеттік бағдарламалар әкімшісінің қаржыландыру жоспарларының жобаларын; 
      жергілікті бюджеттік бағдарламалар (кіші бағдарламалар) деңгейінде бюджет шығыстарының функционалдық сыныптамасына сәйкес жергілікті бюджеттік бағдарламалар әкімшісінің қаржыландыру жоспарының жобаларын; 
     қаржыландырудың жеке жоспарларының жобаларын ұсынады. 
     Төмен тұрған бюджеттерге берілетін нысаналы трансферттер бойынша, сондай-ақ бюджеттік бағдарламалардың әкімшілерінің бюджеттік кредиттер бойынша қаржыландыру жоспарларының жобаларын бюджеттік бағдарламалар әкімшілері бюджетті атқару жөніндегі уәкілетті органға тұтастай бюджеттік бағдарлама бойынша да, сол сияқты төмен тұрған бюджеттер бойынша да ұсынады. Осы бюджеттік бағдарламалар бойынша қаржыландыру жоспарларының жобаларына облыс әкімі, республикалық маңызы бар қаланың (астананың), ауданның (облыстық маңызы бар қаланың) немесе төмен тұрған бюджетті атқару жөніндегі уәкілетті органның басшысы қол қойған әрбір төмен тұрған бюджетті қаржыландыру жоспарлары жобаларының көшірмелері қоса  беріледі. 
      Бюджеттік бағдарламалар әкімшісін қаржыландыру жоспарларының жобаларын бюджеттік бағдарламалар әкімшісі бюджетті атқару жөніндегі уәкілетті орган белгілеген пішімде қағаз және магнит (электрондық) тасығыштарда, қаржыландырудың жеке жоспарларының жобаларын тек магнит (электрондық) тасығыштарда ғана  ұсынады. 
      Бюджеттік бағдарлама әкімшісі бюджеттік бағдарламалар әкімшілерін қаржыландыру жоспарлары мен қаржыландырудың жеке жоспарлары жобаларының шынайылығын, дұрыс ресімделуін және бюджетті атқару жөніндегі уәкілетті органға уақтылы ұсынылуын қамтамасыз етеді. 
      Республикалық бюджет бойынша түсімдер жоспарының жобаларын жасау үшін бюджетті атқару жөніндегі орталық уәкілетті орган кірістер бойынша түсімдердің, бюджет кредиттерін өтеудің, мемлекеттің қаржы активтерін сатудан түсетін түсімдердің және қарыздардың болжамдық жылдық сомасын бекіту туралы бұйрық, сондай-ақ ерекшеліктер тұрғысында Қазақстан Республикасының Ұлттық қорына жіберілетін, бюджетке түсетін түсімдердің жылдық көлемін бекіту туралы бұйрық (бұдан әрі - бұйрық) әзірлейді. Республикалық бюджеттің кіріс бөлігі түсімдерінің болжамдық жылдық сомасын ерекшеліктер бойынша бөлу кірістердің жалпы көлемінен ағымдағы қаржы жылының іс жүзіндегі (күтілетін) түсімдерінің үлес салмағы және бірқатар жылға іс жүзіндегі түсімдер серпіні назарға алына отырып, жүзеге  асырылады.  
      Іс жүзіндегі (күтілетін) түсімдердегі кірістердің үлес салмағы мен серпінін есептеген кезде жоспарланбаған (біржолғы) сипаттағы түсімдер алып  тасталады.  
      Болжамдық жылдық сомасын ерекшеліктер бойынша бөлу кезінде салық және кеден заңнамасына сәйкес салық және басқа да міндетті төлемдерді төлеу ставкалары мен мерзімдері  ескеріледі. 
      Бюджеттің атқару жөніндегі орталық уәкілетті орган бұйрықты әзірлеген кезде қажет болған жағдайда, салық және бюджетке түсетін басқа да түсімдерді өндіріп алуға жауапты уәкілетті органдардан ерекшеліктер тұрғысынан кірістер түсімдерінің болжамды сомасы бойынша ұсыныс сұратады. 
     Кезекті қаржы жылына арналған түсімдердің жылдық болжам сомасын және Қазақстан Республикасының Ұлттық қорына жіберілген бюджетке түсетін түсімдердің жылдық көлемін бюджетті атқару жөніндегі орталық уәкілетті орган кезекті қаржы жылына арналған республикалық бюджет туралы заң қабылданғаннан кейін бес жұмыс күні ішінде бекітеді және бюджеттік сыныптаманың тиісті кодтары бойынша түсімдер жоспарының жобасын жасау үшін салық және бюджетке түсетін басқа да міндетті түсімдерді, салықтық емес түсімдерді, негізгі капиталды сатудан түсетін, трансферттерді, бюджет кредиттерін өтеу сомасын, мемлекеттің қаржы активтерін сатудан түсетін түсімдерді, қарыздарды өндіріп алуға жауапты уәкілетті органдарға  жібереді. 
      Жергілікті бюджет кірістері түсімдерінің жоспарын мәслихаттың кезекті қаржы жылына арналған жергілікті бюджет туралы шешімін іске асыру туралы жергілікті атқарушы органның қаулысын қабылдағаннан кейін бес күннің ішінде тиісті жергілікті уәкілетті орган қалыптастырады. 
     Республикалық бюджетке түсетін түсімдердің жоспары және ерекшеліктер бойынша бекітілген Қазақстан Республикасының Ұлттық қорына жіберілетін бюджетке түсетін түсімдердің жылдық көлемі кезекті қаржы жылына арналған республикалық бюджет туралы Заңда бекітілген түсімдердің санаттары, сыныптары және кіші сыныптары бойынша республикалық бюджет түсімдерінің сомасына және Қазақстан Республикасы Ұлттық қорына жіберілетін бюджетке түсетін түсімдердің көлеміне, ал ерекшеліктер тұрғысында бюджетті атқару жөніндегі орталық уәкілетті органның бұйрығына сәйкес келуі  тиіс. 
      Жергілікті бюджеттерге түсетін түсімдер жоспары кезекті қаржы жылына арналған жергілікті бюджет туралы мәслихаттың шешімін іске асыру туралы жергілікті атқарушы органның қаулысымен бекітілген түсімдердің санаттары, сыныптары, кіші сыныптары бойынша түсімдердің сомасына сәйкес келуі және кірістердің, бюджет кредиттерін өтеуден, мемлекеттің қаржы активтерін сатудан түсетін түсімдердің және қарыздардың жоспарларынан тұруы  тиіс. 
      Салықтық, салықтық емес түсімдерді, негізгі капиталды сатудан түсетін, трансферттерді, бюджет кредиттерін өтеу сомасын, мемлекеттің қаржы активтерін сатудан түсетін түсімдерді, қарыздарды өндіріп алуға жауапты уәкілетті органдар бюджетті атқару жөніндегі уәкілетті органға Бюджеттің атқарылуы және оған кассалық қызмет көрсету ережесінің 9-12-қосымшаларына сәйкес аумақтық және айлар бойынша бөліністерде түсімдер жоспарларының жобаларын  ұсынады. 
      Осы Жобалар республикалық бюджет бойынша бюджетті атқару жөніндегі орталық уәкілетті органның бұйрығы қабылданғаннан кейін, ал жергілікті бюджет бойынша тиісті қаржы жылына арналған жергілікті бюджет туралы мәслихаттың шешімін іске асыру туралы жергілікті атқарушы органның қаулысы қабылданғаннан кейін екі күннің ішінде беріледі. 
      Бюджеттік алымдар түсімдерінің жоспарларын республикалық бюджет туралы заңға немесе кезекті қаржы жылына арналған жергілікті бюджет туралы мәслихаттың шешіміне сәйкес және Бюджеттің атқарылуы және оған кассалық қызмет көрсету ережесінің 16-тарауында анықталатын тәртіппен төмен тұрған бюджеттерден алынатын бюджеттік алымдарды ай сайынғы аудару мөлшерін және төмен тұрған бюджеттер кірістерінің ай сайынғы болжамдық көлемін қолдана отырып, есеп айырысулар негізінде жоғары тұрған бюджетті атқару жөніндегі уәкілетті орган  қалыптастырады. 
      Кірістер түсімдерін, бюджеттік кредиттерді өтеуді, қаржы активтерді сатудан түскен түсімдерді және қарыздарды айлар бойынша бөлуді Қазақстан Республикасының заңнамалық актілеріне сәйкес бюджетке төленетін төлемдерді төлеудің белгіленген мерзімдерін, өткен жылдарға бюджетке түсетін түсімдер серпінін, мемлекеттік бағалы қағаздардың кірістілік серпінін және бағалы қағаздар нарығындағы сұраныстар пен ұсыныстар деңгейін талдауды, жасалған кредиттік шарттар, қарыз шарттары, гранттар туралы келісімдер талаптарын негізге ала отырып, бюджетті атқару жөніндегі уәкілетті орган  жүргізеді. 
      Жоғары тұрған бюджеттен төмен тұрған бюджетке берілген бюджеттік кредиттер бойынша сыйақылар бойынша жоғары тұрған бюджеттің төмен тұрған бюджетке берілген бюджеттік кредиттерді өтеу бойынша жоспарлардың жобаларын бюджетті атқару жөніндегі уәкілетті орган аталған түсімдердің коды бойынша тұтастай және сол сияқты төмен тұрған бюджеттер бойынша жасайды.