Ерлі-зайыптылардың ортақ мүлкінің бөлінуі: негізі және тәртібі

Сот мәжілісінде  талап қоюшы Ж.И.Джадирова өзінің талап арызын қуаттап түсінігінде: жауапкер Д.А.Джадировпен некеде тұратынын, бұл некеден жасы кәмелетке толмаған бір балалары бар екенін, жауапкермен 2003 жылдан бастап бірге тұрмайтынын, мінездері келіспей ажырасып кеткендерін, некесін бұзуды сұрайтынын, бала өзімен тұруға қалатынын, дүние-мүлік дауы жоқ екенін, соттағы баж алымын жауапкерден өндіруді сұрайтынын, некесі бұзылған соң некеге тұрғанға дейінгі фамилиясы Жылкайдарова болып қалатынын, арызын қанағаттандыруды сұрайтынын  айтты.

Сот мәжілісінде  жауапкер Д.А.Джадиров талап арызды мойындап түсінігінде талапкермен  некеде тұрғанын, жасы кәмелетке толмаған бір балалары бар екенін , 2003 жылдан бастап талапкермен бірге тұрмайтынын, өзінің басқа жанұясы бар екенін, некесін бұзуға келісетінін, бала талапкермен тұруға қалатынын, дүние-мүлік дауы жоқ екенін, соттағы баж алымын төлеуге қарсы емес екенін  айтты. 

Сот іс құжаттарын зерттеп , талап қоюшы мен жауапкердің   түсініктерін  тыңдап  талапкер  Ж.И.Джадированың неке бұзу туралы арызы қанағаттандыруға жатады деп санайды. Себебі:  тараптар бірге 2003 жылдан бастап бірге тұрмайды. Жауапкердің басқа жанұясы бар. Тараптар арасында дуние-мулік, бала кіммен тұруға қалатыны  жөнінде дау жоқ.Тараптардың жасы кәмелетке толмаған баласы Агалиева Айман Даулетқызы  1999  жылы мамырдың 30 күні  туған  талап қоюшы Ж.И.Джадировамен  бірге  тұруға қалады.

  Некесі бұзылған  соң талап қоюшы некеге тұрғанға дейінгі фамилиясы Жылқайдарова болып қалады.

Сот тараптардың  материалдық және жанұя  жағдайларын  ескере келе  мемлекет алымы  жауапкер Д.А.Джадировтан өндіруге , жауапкер Ж.И.Джадирова сот алымынан босатуға  жатады деп санайды .

Жоғарыда көрсетілгендер негізінде Қазақстан Республикасы АІЖК-ның 217-221 ,  ҚР  неке және отбасы Заңының  18-22   бабтарын басшылыққа ала отырып , сот

                                          Шешім етті:

Джадирова Жазира Искаковна мен Джадиров Даулет Агалиевичтің   2002  жылы қаңтардың 05  күні  Алматы облысы, Саркан ауданы , Алмалы ауылдық округінде  тіркелген № 1 санды  некесін бұзуға.

 Неке бұзу  куәлігін берер кезде жауапкер  Д.А.Джадировтан 1638  теңге / бір  мың алты  жүз  отыз сегіз   / теңге   мемлекет  алымын  өндіруге, ал  талап қоюшы Ж.И.Джадированы мемлекет алымынан  босатуға.                

 Тараптардың  жасы кәмелетке толмаған баласы  Агалиева Айман Даулетқызы  1999  жылы мамырдың 30 күні  туған талап  қоюшы Ж.И.Джадировамен  бірге   тұруға қалады.

 Некесі бұзылған  соң талапкер Джадирова бұрынғы  фамилиясы Жылқайдарова болып  қалады.

Тараптарға  балаларынан бөлек тұратын ата-анасының кәмелетке толмаған баласын асырап-бағуға міндетті екенін және онымен араласуға  құқықты екенін, ал баламен бірге  тұратын ата-анасының оған кедергі жасауға құқы  жоқ  екенін түсіндіруге.                

 ҚР неке  және отбасы Заңының 22 бабының  1 бөлігіне сәйкес соттың шешімі  заңды күшіне енген соң тараптардың  некесі тоқтатылады. 

Шешімге наразы жағы он бес күн ішінде Сарқан  аудандық соты арқылы Алматы облыстық сотының азаматтық істер қарайтын сот алқасына арыздануға немесе наразылық келтіруге құқылы.

Төрағалық етуші:                                                         С.Н.Нұрқасымова

Көшірмесі дұрыс:

Сарқан аудандық

сотының судьясы : -                                                    С.Н.Нұрқасымова