Жизнь и подвиг святителя Тихона (Беллавина), патриарха Московского и всея Руси

Диакон: Премудрость.

Чтец: Премудрости Соломоновы чтение (глава 4).

Праведник аще постигнет скончатися, в покои будет…

Сугубая ектения.

Диакон: Рцем вси от всея души…

И далее всю  до конца.

Хор: Сподоби, Господи, в вечер сей…

Просительная  ектения.

Диакон: Исполним вечернюю молитву нашу Господеви…

И далее вся  до конца.

 

Стихиры на стиховне.

Канонарх: Глас вторый. Яко же свеща на свещнице светит всем…

Хор:   ЯКО ЖЕ СВЕЩА НА СВЕЩНИЦЕ СВЕТИТ ВСЕМ, / ТАКО ТЫ, БЛАГОЧЕСТИЕМ СИЯЯ, БЛАЖЕННЕЕ, / ПОСТАВЛЕН БЫСТЬ ГОСПОДЕМ ВО ЕПИСКОПА ЗЕМЛИ ХОЛМСКИЯ, / ДА СВЕТОМ ХРИСТОВА УЧЕНИЯ // ОСИЯВАЕШИ ЛЮДИ, В НЕЙ ЖИВУЩИЯ.

Канонарх: Уста моя возглаголют премудрость,  // и поучение сердца моего разум.

Хор: БОГ БЛАГОСЛОВИ И ОСВЯТИ ТЯ, ЗЕМЛЕ АМЕРИКАНСКАЯ, / ПРАВОСЛАВНЫМ БО ЛЮДЕМ ТВОИМ, ВО ОГРАДЕ РОССИЙСКИЯ ЦЕРКВЕ СУЩИМ, / БЛАЖЕННОГО ТИХОНА ЕПИСКОПА ДАДЕ, / ТОЙ МНОГИМИ ХРАМЫ ЛИЦЕ ТВОЕ УКРАСИ / И ЯКО БОГОМУДРЫЙ СВЯЩЕННОНАЧАЛЬНИК // ПАСТВУ СВОЮ КО ХРИСТУ ПРИВЕДЕ.

Канонарх: Благовестих правду // в церкви велицей

Хор: СВЯТИИ ВСИ ЗЕМЛИ ЯРОСЛАВСКИЯ, / СРЕТАЙТЕ ИЕРАРХА ДОБРА, / ТИХОНА БЛАЖЕННОГО, / ТОЙ БО, ЯКОЖЕ И ВЫ, МНОГИЯ ТРУДЫ ЗДЕ ПОНЕСЕ / И НЫНЕ ТЩИТСЯ ВКУПЕ С ВАМИ МОЛИТИСЯ ХРИСТУ БОГУ // СПАСТИСЯ ДУШАМ НАШИМ.

Канонарх: Слава Отцу и Сыну и Святому Духу.

Чтец: Земля Литовская прославися / пришествием твоим, блаженнее, / людие же православнии, в ней сущии, / яко светильника веры и благочестия тя прияша / и в поклонении Триединому Богу / тобою утвердишася,/ святительский же омофор твой надежный покров // и защита от злых обстояний тем явися.

Канонарх: И ныне глас четвертый.

Хор: И ныне и присно и во веки веков. Аминь.

         ПРИЗРИ НА МОЛЕНИЯ ТВОИХ РАБ, ВСЕНЕПОРОЧНАЯ,/ И ВСЯКИЯ СКОРБИ ИЗБАВИ ЗЕМЛЮ РУССКУЮ,/ ДОМ ТВОЙ НАРЕЧЕННУЮ/ И КРОВЬМИ НОВОМУЧЕНИК ОСВЯЩЕННУЮ./ ДА НЕ ПОСТЫДИМСЯ, ВЛАДЫЧИЦЕ ДЕРЖАВНАЯ,/ ТЯ ПРИЗЫВАЮЩИИ, ТЫ БО  ПРАВОСЛАВНЫХ ПОМОЩЬ,/ РАДОСТЬ И ПОКРОВ// И СПАСЕНИЕ ДУШ НАШИХ.

Ныне  отпущаеши.

Хор: Ныне отпущаеши…

Чтец: Трисвятое по «Отче наш».

Тропари.

Тропарь гл.1

АПОСТОЛЬСКИХ  ПРЕДАНИЙ РЕВНИТЕЛЯ / И ХРИСТОВЫ ЦЕРКВИ ПАСТЫРЯ ДОБРАГО, / ДУШУ СВОЮ ЗА ОВЦЫ ПОЛОЖИВШАГО, / ЖРЕБИЕМ БОЖИИМ ИЗБРАННАГО / ВСЕРОССИЙСКАГО ПАТРИАРХА ТИХОНА ВОСХВАЛИМ / И К НАМУ С ВЕРОЮ И УПОВАНИЕМ ВОЗОПИИМ: / ПРЕДСТАТЕЛЬСТВОМ СВЯТИТЕЛЬСКИМ КО ГОСПОДУ / ЦЕРКОВЬ РУССКУЮ В ТИШИНЕ СОБЛЮДИ, / РАСТОЧЕННЫЯ ЧАДА ЕЯ ВО ЕДИНО СТАДО СОБЕРИ, / ОТСТУПИВШИЯ ОТ ПРАВЫЯ ВЕРЫ К ПОКАЯНИЮ ОБРАТИ, / СТРАНУ НАШУ ОТ МЕЖДОУСОБНЫЯ БРАНИ СОХРАНИ // И МИР БОЖИЙ ЛЮДЕМ ИСПРОСИ.

 

Буди имя Господне благословенно  от ныне и до века (3 раза)

33 псалом.

Хор: Благословлю Господа на всякое время…

 

Утреня.

Малое славословие.

Хор: Слава в вышних Богу и на земли мир… (3 раза)

Господи устне мои отверзеши… (2 раза)

Шестопсалмие.

( пс. 3, 37, 62, 87, 102, 142.)

Великая ектения

Диакон: Миром Господу помолимся.

И далее всю  до конца.

Диакон: Бог Господь и явися нам…

И далее со всеми  стихами творит до конца.

Хор: Бог господь и явися нам…(4 раза)

Тропарь гл.1

АПОСТОЛЬСКИХ  ПРЕДАНИЙ РЕВНИТЕЛЯ / И ХРИСТОВЫ ЦЕРКВИ ПАСТЫРЯ ДОБРАГО, / ВСЕРОССИЙСКАГО ПАТРИАРХА  ТИХОНА ВОСХВАЛИМ / И К НАМУ С ВЕРОЮ  И УПОВАНИЕМ ВОЗОПИИМ: / ПРЕДСТАТЕЛЬСТВОМ СВЯТИТЕЛЬСКИМ КО ГОСПОДУ / ЦЕРКОВЬ  РУССКУЮ В ТИШИНЕ СОБЛЮДИ, / РАСТОЧЕННЫЯ  ЧАДА ЕЯ ВО ЕДИНО СТАДО СОБЕРИ, / ОТСТУПИВШИЯ  ОТ ПРАВЫЯ ВЕРЫ К ПОКАЯНИЮ ОБРАТИ, / СТРАНУ НАШУ ОТ МЕЖДОУСОБНЫЯ БРАНИ  СОХРАНИ // И МИР БОЖИЙ ЛЮДЕМ ИСПРОСИ.

(2 раза)

Слава и ныне Богородичен глас той же:

ГАВРИИЛУ ВЕЩАВШУ  ТЕБЕ, ДЕВО, РАДУЙСЯ, / СО ГЛАСОМ ВОПЛОЩАШЕСЯ  ВСЕХ ВЛАДЫКА / В ТЕБЕ, СВЯТЕМ КИВОТЕ, / ЯКОЖЕ РЕЧЕ ПРАВЕДНЫЙ ДАВИД, / ЯВИЛАСЯ  ЕСИ ШИРШАЯ НЕБЕС, / ПОНОСИВШИ ЗИЖДИТЕЛЯ  ТВОЕГО: / СЛАВА ВСЕЛИВШЕМУСЯ В ТЯ; / СЛАВА ПРОШЕДШЕМУ ИЗ ТЕБЕ; / СЛАВА СВОБОДИВШЕМУ НАС РОЖДЕСТВОМ ТВОИМ.

 

Господи помилуй (3 раза)

Слава Отцу и Сыну и Святому  духу…

Чтец: И ныне и присно и во веки веков. Аминь.

И читается рядовая  кафизма.

По окончании  кафизмы:

Чтец: Слава и ныне.

Аллилуя (3 раза)

Малая ектения.

Диакон: Паки и паки миром Господу помолимся.

И далее всю  до конца.

По 1-й  стихологии седален, глас 2-й.

Жезл первосвятительский дерзновенно приял еси, святее, / да яко добрый пастырь, небоязненно в подвизе твоем шествуя, / заблуждшая горохищная овчата обрящеши, / татьми похищенная во двор овчий паки возвратиши, / многоразличными болезньми и недуги обдержимыя добре уврачуеши / и все Христово стадо словесных овец // в истине и правде упасеши.

 

Полиелей.

Хор: Хвалите имя Господне…

Величание.

ВЕЛИЧАЕМ ТЯ,/ СВЯТИТЕЛЮ  ОТЧЕ, ТИХОНЕ И ЧТИМ СВЯТУЮ ПАМЯТЬ ТВОЮ:/ ТЫ БО МОЛИШИ ЗА НАС// ХРИСТА БОГА НАШЕГО.

 

Избаранные псалмы:

Услышите  сия вси языцы, внушите вси живущие по вселенней.

Уста  моя возглаголют премудрость, и поучение сердца моего разум.

Приидите чада, послушайте мене, страху Господню научу вас.

Благовестих правду в церкви велицей.

Истину Твою и спасение Твое рех.

Повем Имя Твое братии моей, посреде церкве воспою Тя.

Услышати ми глас хвалы Твоея, и поведати вся чудеса Твоя.

Слава и ныне.

Аллилуия (2раза-хор. 3й раз допевает, как правило, духовенство, и величание).

Малая ектения.

Диакон: Паки и паки миром Господу помолимся.

И всю до конца.

Седален по полиелеи, гл.1-й.

Приидите, вернии, / согласно вси восхвалим святителя предивнаго, / священноначальника Церкви Российския богомудраго, / Тихона блаженнаго, / иже достойно иго Христово/ чрез все житие свое понесе/ и ныне, во обителех Отца Небеснаго водворився, / молится о спасении душ наших.

 

 

                                      Степенна, антифон 4-го гласа.

От юности моея…

Диакон: Вонмем. Премудрость. Прокимен глас 4й: Вознесох избранного // от людей Моих.

Хор: Вознесох избранного // от людей Моих.

Диакон: Елеем Моим помазах его.

Хор: Вознесох избранного // от людей Моих.

Диакон: Вознесох избранного

Хор: От людей моих.

Диакон: Господу помолимся.

Хор: Господи помилуй.

Священник: Яко свят еси…

Хор: Аминь.

Диакон: Всякое дыхание да хвалит Господа.

Хор: Всякое дыхание да хвалит Господа.

Диакон: Хвалите Бога во святых Его, хвалите Его во утверждении силы Его.

Хор: Всякое дыхание да хвалит Господа.

Диакон: Всякое дыхание

Хор: Да хвалит Господа.

Диакон: И о сподобитися нам…

Евангелие.

( От Иоанна, зачало 36 ).

Хор: Слава: молитвами святителя Тихона, Милостиве очисти множество согрешений наших.

И ныне: Молитвами Богородицы…

Помилуй мя Боже…

 

 Стихира  по 50-м псалме. Гл.6-й.

ЦЕРКОВЬ БОЖИЮ  И ЧАД ЕЯ ПРЕИСКРЕННЕ ЛЮБЯЙ / И  К ПОЛЬЗЕ ТЕХ ДЕЯНИЯ СВОЯ ВСЕМЕРНО НАПРАВЛЯЯ, / ЖЕРТВЕННО И ДЕРЗНОВЕННО, / ЯКОЖЕ ДРЕВЛЕ МОИСЕЙ, / ГОСПОДУ ВЗЫВАЛ ЕСИ, СВЯТИТЕЛЮ: / УВЫ МНЕ, ВЛАДЫКО, / ДА ЗАБВЕНИЮ ПРЕДАСТСЯ ИМЯ МОЕ В ЧЕЛОВЕЦЕХ, / НО СПАСЕНА БУДЕТ ЦЕРКОВЬ ТВОЯ ВО ОТЕЧЕСТВЕ МОЕМ / И ИЗСЯКНУТ ПОТОЦЫ КРОВЕ МУЧЕНИК, // ЗЕМЛЮ РОССИЙСКУЮ ОБИЛЬНО ОБАГРИВШИ.

                               

 

 

    Канон

Канон Богородицы, глас 8 и святителя, глас 6.

Песнь 1-я

Ирмос: Воду прошед яко сушу,/ и египетского зла избежав,/ израильтянин вопияше:// Избавителю и Богу нашему поим.

Пресвятая Богородице, спаси нас.

Пресвятая Богородице, воплощшееся Присносущное и Пребожественное Слово, паче естества рождши, поем Тя.

Пресвятая Богородице, спаси нас.

Грозд тя живоносен, всемирнаго искапающ сладость спасения, Дево Христе роди.

Святителю отче Тихоне, моли Бога о нас.

Якоже плод красный спасительного сеяния Божия / явился еси в Церкви, святителю Христов, / родителей благочестивых, иерея Иоанна и Анны, быв отрасль предивная.

 

 

Святителю отче Тихоне,  моли Бога о нас.

Предречение дивное во сне  отцу твоему/ о грядущем величии  твоем, еще ти отроку сущу, по мнозех летех сбыстся,/ зане воистину великий господин Российския Церкве явился еси, блаженнее.

Слава и ныне.

 

Катавасия, глас 6-й: Яко по суху пешешествовав Израиль/ по бездне стопами,/ гонителя фараона/ видя потопляема,// Богу победную песнь поим, вопияше.

 

 

 

 

Песнь 3-я

Ирмос: Небесного круга Верхотворче, Господи, и Церкве Зиждителю,/ Ты мене утверди в любви Твоей,// желаний краю, верных утверждение, Едине Человеколюбче.

Пресвятая Богородице, спаси нас.

Даждь нам помощь Твоими молитвами Всечистая, прилоги отражающи лютых обстояний.

Пресвятая Богородице, спаси нас.

Еве праматери Ты исправление  была еси, Начальника Жизни мирови, Христа Богородице рождши.

 

 

Святителю отче Тихоне,  моли Бога о нас.

В вертоградех духовных/ православно богословити и слово Божие иными языки глаголати/ поучался еси прилежно, блаженнее,/ и сие в церковнем служении твоем добрый плод принесе.

Святителю отче Тихоне, моли Бога о нас.

Егда Владыка Господь объятия Отча отверзет и / и яко возлюблена сына во иночестве Тихона прият тя,/ тогда начальника в вертоградех духовных Пскова и Казани поставити тя благоволи,/ да православныя отроки богомудрию и христианскому благочестию научиши, блаженнее.

 

Слава и ныне.

 

Катавасия: Несть свят,/ якоже Ты, Господи Боже мой, / вознесый рог верных Твоих, Блаже,/ и утвердивый нас на камени // исповедания Твоего.

 

Малая ектенья.

 

 

Седален.

Доброму евангельскому пастырю  подражая,/ дерзновенно во двор овчий вшел еси, святителю,/ и, своя овцы глашая по имени,/ во ограде церковней тыя невредимо соблюл еси.

Слава и ныне, Богородичен.

К Тебе, о Богомати,/ молитвенно мы ныне прибегаем/ и предстательства Твоего пред Сыном Твоим/ усердно просим:/ от греховнаго ловительства сохрани нас/ и на путь спасения настави.

Песнь 4-я.

Ирмос: Услышах, Господи,/ смотрения Твоего таинство,/ разумех дела Твоя/ и прославих Твое Божество.

 

Пресвятая Богородице, спаси нас.

Клас возрастившая Животворный, неоранная Ниво, подающаго мирови жизнь. Богородице, спасай поющия Тя.

Пресвятая Богородице, спаси нас.

Богородицу Тя Всечистая, просвещшиися вси проповедуем: Солнце бо правды родила еси Приснодево.

Святителю отче Тихоне, моли Бога о нас.

Смотрению Божию следуя, велению матери Церкве повинуяся,/ земли дальняя Американския достигл еси/ и тамо новую паству, людей алеутских, креольских, кенарских,/ во ограде Христовы Церкве яко добрый пастырь соблюл еси,/ Тихоне блаженнее.

Святителю отче Тихоне, моли Бога о нас.

Радуйтеся и веселитеся, верныя чада Церкве Российския,/ иже в Пенсильвании, Калифорнии, Флориде и иных землях Американских сущая,/ святитель бо Тихон ныне Престолу Божию предстоит/ и молится о спасении душ наших.

Слава и ныне.

 

Катавасия: Христос моя сила,/ Бог и Господь,/ честная Церковь/ боголепно поет, взывающи,// от смысла чиста о Господе празднующи.

 

Песнь 5-я.

Ирмос: Просвети нас/ повелении Твоими, Господи,/ и мышцею Твоею высокою/ Твой мир пожаждь нам,// Человеколюбче.

Пресвятая Богородице, спаси нас.

Утоли нестерпимую бурю страстей моих, яже Бога рождшая Окормителя и Господа.

Пресвятая Богородице, спаси нас.

Служат Рождеству Твоему Пречистая Богородице, ангельстии чинове, и человеков собрание.

Святителю отче Тихоне,  моли Бога о нас.

Егда по грехом нашим нашествие иноплеменных Господь попусти/ и земля российская кровью обагрися,/ ты, святителю, покаяние проповедуя/ и врачевству душевному и телесному страждущих добре содействуя,/ крепце стояти за веру Православную, царя благовернаго и Отечество святое призывал еси.

Святителю отче Тихоне, моли Бога о нас.

Ополчению вражескому у стен града Вильно стоящу,/ цельбоносныя мощи святых мученик Антония, Иоанна и Евстафия/ из обители Святаго Духа благоговейно изнес еси, святителю,/ и во граде Москве от поругания иноземных навредимо сохранил еси.

Слава и ныне.

 

Катавасия: Божиим светом Твоим, Блаже/ утренюющих Ти души любовию озари, молюся,/ Тя ведети, Слове Божий, Истиннаго Бога,// от мрака греховнаго взывающа.

 

 

Песнь 6-я.

Ирмос: Молитву пролию ко Господу,/ и Тому возвещу печали моя,/ яко зол душа моя исполнися,/ и живот мой аду приближися,/ и молюся, яко Иона:// от тли, возведи мя.

Пресвятая Богородице, спаси нас.

Храм Тя Божий и ковчег, и чертог одушевленный, и дверь небесную, Богородице вернии возвещаем.

Пресвятая Богородице, спаси нас.

Требищ разрушитель яко Бог, бывшее рождество Твое Марие Богоневесто, покланяемо есть со Отцем и Духом.

Святителю отче Тихон,  моли Бога о нас.

Пустынножитель старец, пред образом Владычицы усердно моляся,/ жребий со трепетом из ковчежца извлече,/ на немже имя твое яко Богом избраннаго первосвятителя начертано бе./ Сего ради и мы ныне, якоже тогда иерарси собора,/ намолчно аксиос тебе, архипастырю наш, вопием,/ сотвори и нас яко словесныя овцы достойны бытии пажити твоея.

Святителю отче Тихоне,  моли Бога о нас.

О глубины богатства и  премудрости Божия!/ Изволися Духу Святому со иерархи/ поставити тя, блаженнее, Патриарха Церкве Российския,/ да во дни испытания веры свидетельствуещи крепкое в ней стояние/ и паству твою неврежденну от наветов вражиих добре соблюдеши.

Слава и ныне.

Катавасия: Житейское море/ воздвизаемое зря напастей бурею,/ к тихому пристанищу Твоему притек, вопию Ти:/ возведи от тли живот мой,// Многомилостиве.

 

Малая ектенья.

 

 

 

Кондак. Глас 2-й

Тихостию нрава украшен,/ кротость и милосердие кающимся являй,/ во исповедании Православныя веры и любве ко Господу/ тверд и неприклонен пребыл еси,/ святителю Христов Тихоне./ Молися о нас, да не разлучимся от любве Божия,// яже о Христе Иисусе, Господе нашем.

Икос.

Ангелов Творец и Господь  в буреносныя дни мятежа и нестроения велия,/ восхотев людем страждующим утешение даровати,/ яви тя, Патриарше претихий и предобрый, яко светило светозарное,/ светом Трисиянного Божества озаряющее души верных,/ да и ныне грядут по тебе вси желающии со Христом бытии,/ сего ради во умилении вопием ти:/ радуйся, от жребия патриаршества аки от монашеского послушания не уклонивыйся;/ радуйся, ревностному исполнению Божественных хотений научивыйся;/ радуйся, на престол патриарший, двесте лет пустовавый, в день Введения во храм Пресвятыя Богородицы возшедый;/  радуйся, в день Благовещания со престола первосвятительского ко Престолу Пресвятыя Троицы прешедый;/ радуйся, первосвятительством и исповедничеством украшенный;/ радуйся, Бога ради поживый и Богом просветленный;/ радуйся, подвигом своим патриаршество непреложно утвердивый;/ радуйся, образ пастыря добраго собою явивый;/ радуйся, Донския обители сугубое прославление;/ радуйся, Православныя Церкве во Америце утверждение;/ радуйся, российския паствы боговидное наследие;/ радуйся, богоначертанный свитче правыя веры;/ радуйся, святителю Тихоне, Церкве Православныя похвало и утверждение.