Орындау ісінің мәні

      30. Шақыру қағазын, хабарламаны қабылдаудан бас

              тартудың немесе оларды алуға  келмеудiң салдары

      1. Адресат шақыру  қағазын немесе хабарламаны қабылдаудан  бас тартқан жағдайда жеткiзушi адам оларға тиiстi белгi қояды, содан  соң шақыру қағазы немесе хабарлама  аумақтық органға немесе жеке  сот орындаушысының кеңсесiне  қайтарылады.

      2. Атқарушылық iс  жүргiзуге қатысушылар, егер:

      1) адресат шақыру  қағазын немесе хабарламаны қабылдаудан  бас тартса;

      2) адресат почта  хабарламасын алғанына қарамастан, шақыру қағазын немесе хабарламаны  алуға келмесе;

      3) шақыру қағазы  немесе хабарлама онымен бiрге  тұратын кәмелетке толған жақын  туыстарының бiрiне тапсырылса, хабарланды  деп есептеледi.

5-тарау. МӘЖБҮРЛЕП ОРЫНДАТУ ШАРАЛАРЫ

      31. Мәжбүрлеп орындату  шараларын қолдану негiздерi

      Сот орындаушысы  өзiнiң iс жүргiзуiне қабылдаған  атқарушылық құжат және осы  Заңда көзделген ерiктi түрде орындауға  арналған мерзiмнiң өтiп кетуi мәжбүрлеп  орындату шараларын қолдануға  негiз болып табылады.

      32. Атқарушылық құжаттардың  орындалуын қамтамасыз ету

              жөнiндегi шаралар

      1. Сот орындаушысы  атқарушылық құжаттардың орындалуын  қамтамасыз ету жөнiнде шаралар  қабылдауға мiндеттi.

      2. Атқарушылық құжаттардың  орындалуын қамтамасыз ету жөнiндегi шаралар мыналар болып табылады:

      1) борышкердiң өзiндегi не өзге де жеке немесе заңды  тұлғалардағы (оның iшiнде банктердегi және банк операцияларының жекелеген  түрлерiн жүзеге асыратын ұйымдардағы, сондай-ақ сақтандыру ұйымдарындағы) ақшасы мен бағалы қағаздарын  қоса есептегенде, мүлкiне тыйым  салу;

      2) борышкердiң өзiндегi не өзге де жеке немесе заңды  тұлғалардағы мүлкiн алып қою;

      3) борышкердiң белгiлi бiр әрекеттер жасауына тыйым  салу;

      4) борышкердiң оған  меншiк құқығы негiзiнде тиесiлi мүлiктi, оның iшiнде ақшаны пайдалануына  тыйым салу не оларды сот  атқарушысы белгiлеген шекте пайдалануға  нұсқау беру;

      5) борышкер мүлкiне  сүргi салу;

      6) құқық белгiлейтiн  құжаттарды алып қою;

      7) басқа адамдардың  борышкерге мүлiк, оның iшiнде ақша  беруiне немесе оған қатысты  өзге де мiндеттемелердi орындауына  тыйым салу.

      3. Қажет болған  жағдайларда орындауды қамтамасыз  етудiң бiрнеше түрi қолданылуы  мүмкiн.

      4. Қамтамасыз етудiң  бiр түрiн басқасымен ауыстыру  туралы мәселенi сот орындаушысы  атқарушылық iс жүргiзу тараптарының  арызы бойынша немесе өз бастамасы  бойынша қарайды. Қамтамасыз етудiң  бiр түрiн басқасымен ауыстыру  туралы мәселенi қарау бұрын белгiленген  қамтамасыз ету шараларының қолданылуын  тоқтата тұрмайды.

      5. Атқарушылық iс  жүргiзудi тоқтата тұру, кейiнге қалдыру, мерзiмiн жылжыту немесе ұзарту aтқapушылық құжаттардың орындалуын  қамтамасыз ету жөнiнде бұрын  белгiленген шаралардың күшiн  жоюға әкеп соқпайды.

      6. Жеке сот орындаушысы  атқарушылық құжаттардың орындалуын  қамтамасыз ету жөнiндегi шараларды  Қазақстан Республикасының азаматтық iс жүргiзу заңнамасында белгiленген  тәртiппен алынатын сот санкциясымен  қолданады.

      33. Борышкердiң Қазақстан  Республикасынан шығуын

              уақытша шектеулер

      1. Борышкер атқарушылық  құжаттағы талаптарды дәлелсiз  себептермен белгiленген мерзiмде  орындамаған жағдайда сот орындаушысы  борышкердiң Қазақстан Республикасынан  шығуын уақытша шектеу туралы  қаулы шығаруға құқылы, ал өндiрiп  алушының өтiнiшi бойынша осындай  қаулы шығаруға мiндеттi.

      Борышкердiң Қазақстан  Республикасынан шығуын уақытша  шектеу туралы сот орындаушысының  қаулысы Қазақстан Республикасының  азаматтық iс жүргiзу заңнамасында  белгiленген тәртiппен соттың  санкциялауына жатады.

      2. Аталған қаулының  көшiрмесi борышкерге назарға алу  үшiн, Қазақстан Республикасының көшi-қон процестерiн басқару жөнiндегi уәкiлеттi органдарына және шекара қызметi органдарына орындау үшiн жiберiледi.

      3. Егер атқарушылық  құжат сот актiсi болып табылмаса  және сот актiсiнiң негiзiнде  берiлмесе, онда өндiрiп алушы немесе  мемлекеттiк сот орындаушысы борышкер  үшiн Қазақстан Республикасынан  шығуды уақытша шектеудi белгiлеу  туралы ұсыныспен сотқа жүгiнуге  құқылы.

      34. Лицензиялар мен  рұқсаттарды беру және олардың

              қолданылуы саласындағы уақытша  шектеулер

      1. Борышкер:

      1) жеке адамнан  бес жүз айлық есептiк көрсеткiштен  астам соманы өндiрiп алу туралы;

      2) заңды тұлғадан  екi мың бес жүз айлық есептiк  көрсеткiштен астам соманы өндiрiп  алу туралы;

      3) мүлiктiк емес  сипаттағы атқарушылық құжатты  дәлелсiз себептермен орындамаған  жағдайда –

      сот орындаушысы  осы Заңның 39-бабында көзделген  орындау мерзiмi өткеннен кейiн, ал  алименттердi өндiрiп алу туралы  атқарушылық құжаттар бойынша  борышкер үш ай бойы алимент  төлемеген және жүз айлық есептiк  көрсеткiштен астам берешек жиналып  қалған жағдайда борышкерге лицензиялар, рұқсаттар беруге уақытша тыйым  салу туралы, сондай-ақ борышкерге  бұрын берiлген лицензиялар мен  рұқсаттардың қолданысын тоқтата  тұру туралы сотқа ұсыныс жiбередi. Сот ұсынысты Қазақстан Республикасының  азаматтық iс жүргiзу заңнамасында  белгiленген тәртiппен қарайды. Сот  орындаушысының ұсынысын қарау  нәтижелерi бойынша шығарылған сот  ұйғарымының көшiрмелерi борышкерге  және орындау үшiн тиiстi уәкiлеттi органдарға жiберiледi.

      2. Сот орындаушысының  осы бапқа сәйкес жiберiлген  ұсынысын қараудың нәтижелерi бойынша  шығарылған сот ұйғарымын борышкер  мен барлық лицензиарлар және  рұқсаттар беруге уәкiлеттi өзге  де мемлекеттiк органдар орындауға  мiндеттi.

      35. Борышкердiң өзiнiң  мүлiктiк жағдайы туралы

              ақпарат беруi

      1. Борышкер ерiктi түрде орындау үшiн белгiленген  мерзiм өткеннен кейiн сот орындаушысының  талабы бойынша оған өзiнде  бар мүлiк туралы ақпарат беруге, сондай-ақ табыс көздерi туралы  мәлiметтердi хабарлауға мiндеттi. Ақпарат  беру нысанын уәкiлеттi орган бекiтедi.

      2. Берiлетiн ақпаратта  борышкер өзiне тиесiлi барлық  мүлiктiк талаптар негiздерiн көрсетуге  де мiндеттi.

      3. Осы бапта көрсетiлген  мәлiметтердi беруден бас тарту  не көрiнеу жалған мәлiметтер  беру атқарушылық құжатты қасақана  орындамау болып табылады.

      36. Атқарушылық iс  жүргiзу бойынша борышкерлер

              тiзiлiмi

      1. Уәкiлеттi орган  атқарушылық құжаттар бойынша  төлем жасамаушылар туралы мәлiметтер  тарату мақсатында атқарушылық iс  жүргiзу бойынша борышкерлердiң  республикалық тiзiлiмiн жүргiзедi. Тiзiлiм уәкiлеттi органның ресми  интернет-ресурсында орналастырылады.

      Борышкерлердi тiзiлiмге  енгiзу үшiн мәлiметтердi сот орындаушылары  атқарушылық құжатты ерiктi түрде  орындау мерзiмi өткеннен кейiн  үш күн iшiнде жiбередi.

      2. Аталған мәлiметтер:

      1) борышкердiң тегiн, атын, әкесiнiң атын не борышкер-ұйымның  атауын;

      2) атқарушылық құжатты  берген органды, берiлген күнiн  және борышкер орындамаған мiндеттiң  мазмұнын;

      3) аталған мәлiметтердi жiберген сот орындаушысының тегiн, атын, әкесiнiң атын және оның  қызмет аумағын қамтиды.

      3. Атқарушылық iс  жүргiзу тоқтатылғаннан кейiн  күнтiзбелiк бес күн iшiнде сот  орындаушысы уәкiлеттi органға борышкердi тiзiлiмнен алып тастауға негiз болып табылатын тиiстi ақпарат жiбередi.

2-БӨЛIМ. АТҚАРУШЫЛЫҚ ӘРЕКЕТТЕРДI ЖАСАУ  ТӘРТIБI

6-тарау. АТҚАРУШЫЛЫҚ IС ЖҮРГIЗУДI ЖАСАУДЫҢ

ЖАЛПЫ ШАРТТАРЫ

      37. Атқарушылық құжатты iс жүргiзуге қабылдау

      1. Сот орындаушысы, егер осы Заңда және Қазақстан  Республикасының өзге де заңнамалық  актiлерiнде өзгеше көзделмесе, өндiрiп  алушының арызы бойынша атқарушылық  құжаттың негiзiнде атқарушылық iс  жүргiзудi қозғайды.

      2. Арызға өндiрiп  алушы не оның өкiлi қол қояды. Өкiл оның өкiлеттiгiн куәландыратын  сенiмхатты немесе өзге де құжатты  арызға қоса бередi. Арызда атқарушылық  құжаттағы талаптардың орындалуын  қамтамасыз ету мақсатында борышкердiң  мүлкiне тыйым салу туралы, сондай-ақ  борышкер үшiн осы Заңда көзделген  шектеулердi белгiлеу туралы өтiнiш  болуы мүмкiн.

      3. Сот, басқа орган (лауазымды адам) атқарушылық құжатты  сот орындаушысына жiберген жағдайларда  сот орындаушысы өндiрiп алушының  арызынсыз атқарушылық iс жүргiзудi қозғайды.

      4. Сот орындаушысы  заңда белгiленген талаптарға  сәйкес келетiн атқарушылық құжат  өзiне келiп түскеннен кейiн  үш тәулiктен кешiктiрмей атқарушылық iс жүргiзудi қозғап, бұл туралы  қаулы шығарады.

      Сот орындаушысы  атқарушылық iс жүргiзудi қозғаумен  бiр мезгiлде борышкерге атқарушылық  құжатты алған күнiнен бастап  күнтiзбелiк бес күн iшiнде атқарушылық  құжатты (дереу орындалуға жататын  атқарушылық құжаттарды қоспағанда) ерiктi орындау қажеттiгi туралы ұсыныс  жiбередi немесе тапсырады және  борышкердi ерiктi орындауға арналған  мерзiмнiң аяқталуына байланысты  одан атқару санкциясын немесе  жеке сот орындаушысының қызметiне  төлемдi және осы Заңда көзделген  атқарушылық әрекеттердi жасау жөнiндегi шығыстарды өндiрiп ала отырып  мәжбүрлеп орындату туралы ескертедi.

      Бұл ретте сот  орындаушысы осы Заңда көзделген  атқарушылық құжаттардың орындалуын  қамтамасыз ету жөнiндегi шараларды  қабылдайды.

      5. Атқарушылық iс  жүргiзу қозғалғаннан кейiн борышкердiң  өндiрiп алушы алдындағы мiндеттерiн  кез келген орындауы сот орындаушысын  мiндеттi түрде хабардар ете отырып  жүргiзiлуге тиiс.

      38. Атқарушылық iс  жүргiзудi қозғаудан бас тартудың

              негiздерi, салдары және оның себептерiн  жою

      1. Сот орындаушысы  оған атқарушылық құжат түскен  күннен бастап үш күн мерзiмде, егер:

      1) атқарушылық құжат  өндiрiп алушының арызынсыз берiлсе  не атқарушылық iс жүргiзу өндiрiп  алушының арызынсыз қозғалуға  жататын жағдайларды қоспағанда, арызға өндiрiп алушы немесе  оның өкiлi қол қоймаса;

      2) атқарушылық құжат  атқарушылық әрекеттердiң жасалған  жерi бойынша берiлмесе;

      3) атқарушылық құжат  орындауға ұсынылатын мерзiм өтiп  кетсе және сот оны қалпына  келтiрмесе;

      4) құжат атқарушылық  құжат болып табылмаса не атқарушылық  құжатқа қойылатын талаптарға  сәйкес келмесе;

      5) атқарушылық құжат  бұрын орындауға ұсынылған болса  және атқарушылық iс жүргiзу осы  Заңның 47-бабының 1-тармағында көзделген  негiздер бойынша тоқтатылған  болса;

      6) сот актiсi, атқарушылық  құжат болып табылатын немесе  соның негiзiнде, дереу орындалуға  жататын атқарушылық құжаттарды  қоспағанда, атқарушылық құжатты  беретiн органның (лауазымды адамның) актiсi заңды күшiне енбесе;

      7) өндiрiп алушы  жеке сот орындаушысының ағымдағы  шотына атқарушылық әрекеттердi жүзеге асыру үшiн қажеттi соманы  енгiзбеген болса, атқарушылық iс  жүргiзудi қозғаудан бас тарту туралы қаулы шығарады.

      2. Атқарушылық iс  жүргiзудi қозғаудан бас тарту  туралы сот орындаушысы қаулысының  көшiрмесi аталған қаулы шығарылған  күннен кейiнгi күннен кешiктiрiлмей, барлық түскен құжаттардың қосымшасымен  өндiрiп алушыға, сондай-ақ атқарушылық  құжатты берген сотқа немесе  органға (лауазымды адамға) жiберiледi.

      Жеке сот орындаушысы  құжатты өндiрiп алушыға қайтарады. Қайтару туралы қаулыда атқарушылық  құжатты қайтарудың негiздерi көрсетiлуге  тиiс.

      3. Осы баптың 1-тармағының 1) - 4), 6) және 7) тармақшаларында көзделген  мән-жайларды жою атқарушылық  құжатты сот орындаушысына осы  Заңда белгiленген тәртiппен қайта  жiберуге (ұсынуға) кедергi болмайды.

      Осы баптың 1-тармағының 7) тармақшасында көзделген мән-жайларды  жою үшiн жеке сот орындаушысы  өндiрiп алушыға он күн мерзiм  белгiлейдi. Егер өндiрiп алушы  көрсетiлген мерзiмде ағымдағы  шотқа қажеттi соманы енгiзбесе, онда  атқарушылық құжат орындауға  ұсынылмаған болып есептеледi және  өндiрiп алушыға қайтарылады.

      4. Сот орындаушысына  кемшiлiктерi жойылғаннан кейiн немесе  белгiленген мерзiмiнен кешiрек  келiп түскен атқарушылық құжаттың  қайтадан келiп түскен күнi оның  берiлген күнi болып есептеледi.

      5. Қайтару туралы  қаулыда көрсетiлген кемшiлiктерi жойылмай келiп түскен атқарушылық  құжат орындалуға жатпайды және  ол жiберген органға немесе  адамға қайтарылады.

      39. Атқарушылық құжаттарды  орындау мерзiмдерi

      1. Мерзiмдi өндiрiп  алу туралы атқарушылық құжаттарды  қоспағанда, сондай-ақ заңнамалық  актiлермен орындаудың өзгеше  мерзiмдерi белгiленгеннен басқа  жағдайларда, атқарушылық құжаттар  бойынша сот орындаушыларының  орындауы атқарушылық iс жүргiзу  қозғалған күннен бастап екi айдан  аспайтындай мерзiмде аяқталуға  тиiс.

      2. Құрылыстарды бұзумен, технологиялық операцияларды жүргiзумен  байланысты атқарушылық құжаттар  бойынша, сондай-ақ мамандарды тарта  отырып мүлiктi бағалауды, сараптама  жүргiзудi, борышкердiң мүлкiн сатуды, iздестiрудi талап ететiн мүлiктiк  өндiрiп алу туралы атқарушылық  құжаттар бойынша орындау төрт  айдан аспайтындай мерзiмде аяқталуға  тиiс.

      3. Осы Заңда көзделмеген  өзге де мерзiмдер өндiрiп алушы  мен жеке сот орындаушысы арасында  жазбаша нысанда көрсетiлуi мүмкiн.

      4. Осы Заңда көзделген  негiздер бойынша атқарушылық  құжаттарды орындау тоқтатыла  тұрған, мерзiмi жылжытылған, ұзартылған  не кейiнге қалдырылған уақыт  атқарушылық iс жүргiзу мерзiмiне  кiрмейдi.

      40. Орындау мерзiмiн  жылжыту, ұзарту, тәсiлi мен