Орындау ісінің мәні

      50. Атқарушылық iс  жүргiзудi тоқтата тұру немесе

              тоқтату, атқарушылық құжатты өндiрiп  алушыға

              қайтару немесе оны борышкер-заңды  тұлғаның

              конкурстық басқарушысына, тарату  комиссиясына

              жiберу туралы мәселелердi қарау

      1. Атқарушылық iс  жүргiзудi тоқтата тұру, тоқтату, атқарушылық  құжатты қайтару немесе оны  борышкер-заңды тұлғаның конкурстық  басқарушысына, тарату комиссиясына  жiберу туралы мәселелердi сот  орындаушысы қарайды.

      Бұл жөнiнде атқарушылық iс жүргiзу тараптарына және  олардың өкiлдерiне хабарланады, алайда олардың келмей қалуы  аталған мәселелердi шешуге кедергi болмайды.

      2. Сот орындаушысы  атқарушылық iс жүргiзудi тоқтата  тұру, тоқтату, атқарушылық құжатты  қайтару немесе оны борышкер-заңды  тұлғаның конкурстық басқарушысына, тарату комиссиясына жiберу туралы  қаулы шығарады, оны мемлекеттiк  сот орындаушылары үшiн аумақтық  бөлiмнiң басшысы бекiтуге тиiс.

      3. Сот орындаушысының  атқарушылық iс жүргiзудi тоқтата  тұру, тоқтату, атқарушылық құжатты  қайтару немесе оны борышкер-заңды  тұлғаның конкурстық басқарушысына, тарату комиссиясына жiберу туралы  қаулысына сотқа шағым жасалуы  мүмкiн.

      51. Орындалуға тиiстi атқарушылық құжатты түсiндiру

      Атқарушылық құжат  түсiнiксiз болған жағдайда оны  орындауға алған сот орындаушысы, сондай-ақ өндiрiп алушы немесе  борышкер атқарушылық құжатты  бергенде негiзге алынған шешiмдi немесе өзге де актiнi түсiндiру  үшiн сотқа немесе атқарушылық  құжатты берген органға жүгiнуге  құқылы.

      52. Атқарушылық әрекеттер  жасалатын жер

      1. Атқарушылық әрекеттердi борышкердiң тұрғылықты жерi бойынша  немесе жұмыс орны бойынша  не оның мүлкi тұрған жер бойынша  сот орындаушысы жүргiзедi. Егер заңды тұлға борышкер болып табылса, орындау оның органы немесе мүлкi орналасқан жерде жүргiзiледi.

      2. Борышкердi белгiлi бiр әрекеттер жасауға мiндеттейтiн  атқарушылық құжаттарды орындауды  осындай әрекеттер жасалатын  жердегi сот орындаушысы жүргiзедi.

      3. Жекелеген атқарушылық  әрекеттердi жасау және (немесе) мемлекеттiк  сот орындаушысының өкiлеттiгi қолданылмайтын  аумақта мәжбүрлеп орындатудың  жекелеген шараларын қолдану  қажет болған жағдайда, ол атқарушылық  әрекеттердi жасау және (немесе) мәжбүрлеп  орындату шараларын қолдануды  тиiстi мемлекеттiк сот орындаушысына  тапсыруға құқылы. Тапсырма осы  Заңның 10-бабына сәйкес мемлекеттiк  сот орындаушысының қаулысымен  ресiмделедi және оны аумақтық  бөлiмнiң басшысы бекiтедi.

      4. Егер атқарушылық  құжатты орындау процесiнде борышкер, борышкердiң мүлкi сот орындаушысының  өкiлеттiгi қолданылмайтын аумақта  екенi анықталса:

      1) мемлекеттiк сот  орындаушысы бұл жөнiнде дереу  қаулы шығарады және қаулы  шығарылғаннан кейiн атқарушылық  құжатты және атқарушылық iс жүргiзудiң  бүкiл материалдарының көшiрмесiн  борышкердiң жаңа тұрғылықты жерi немесе нақты тұратын жерi, оның  жаңа жұмыс орны, борышкер-заңды  тұлғаның жаңа орналасқан жерi бойынша не борышкердiң мүлкi тұрған  жаңа жерi бойынша мемлекеттiк  сот орындаушысына үш жұмыс  күнiнен кешiктiрмей жiберiп, бұл  жөнiнде өндiрiп алушыға хабарлайды. Атқарушылық құжаттың көшiрмесi атқарушылық iс жүргiзуде қалады;

      2) жеке сот орындаушысы  атқарушылық құжатты өндiрiп алушыға  қайтарады, бұл туралы тиiстi қаулы  шығарады.

      53. Атқарушылық әрекеттер  жасалатын уақыт

      1. Атқарушылық әрекеттер  жұмыс күндерiнде сағат алтыдан  жиырма екi сағатқа дейiн жасалады. Атқарушылық әрекеттердi осы шекте  жасаудың нақты уақытын сот  орындаушысы белгiлейдi. Атқарушылық iс жүргiзу тараптары атқарушылық  әрекеттер жасаудың өздерiне қолайлы  уақытын ұсынуға құқылы.

      2. Демалыс және  мереке күндерiнде, сондай-ақ түнгi уақытта атқарушылық әрекеттерге, кейiнге қалдыруға болмайтын немесе  оларды борышкердiң кiнәсiнен басқа  күндерде және осы Заңда белгiленген  уақытта жасау мүмкiн болмаған  жағдайларда ғана жол берiледi.

      54. Атқарушылық iс  жүргiзудегi бас тарту

      1. Егер сот орындаушысы, аудармашы, маман атқарушылық iс  жүргiзудiң нәтижесiне жеке өзi, тiкелей немесе жанама түрде  мүдделi болса немесе өзге де  мән-жайлар, атап айтқанда, тараптармен, олардың өкiлдерiмен әдiлдiгi күмән  туғызатындай туыстық қатынаста  болатын мән-жайлар орын алса, олардың атқарушылық iс жүргiзуге  қатысуына болмайды және одан  бас тартуға жатады.

      2. Бас тартуға  мән-жайлар болған жағдайда, осы  баптың 1-тармағында аталған адамдар  бас тартатынын мәлiмдеуге мiндеттi. Бас тарту атқарушылық әрекеттер  жасау басталғанға дейiн дәлелденiп, жазбаша түрде мәлiмделуге тиiс. Егер бас тартуға негiз туындаса  және ол жөнiнде атқарушылық  әрекеттер жасау басталып кеткеннен  кейiн белгiлi болса, оған орындау  процесiнде жол берiледi.

      3. Мемлекеттiк сот  орындаушысынан бас тарту туралы  мәселенi аумақтық бөлiм басшысы  шешедi, бұл жөнiнде тиiстi дәлелдi қаулы шығарылады.

      Аудармашыдан немесе  маманнан бас тарту туралы  мәселенi сот орындаушысы шешедi, бұл жөнiнде аумақтық бөлiм  басшысы бекiтетiн тиiстi дәлелдi қаулы  шығарылады.

      Осы баптың 1-тармағында  аталған негiздер болған жағдайда  жеке сот орындаушысы атқарушылық  құжатты өндiрiп алушыға қайтарады, бұл туралы қаулы шығарады.

      4. Сот орындаушысынан  бас тартуға қарсылық бiлдiру  туралы қаулыға белгiленген тәртiппен  сотқа шағым жасалуы және наразылық  бiлдiрiлуi мүмкiн. Шағым жасалу немесе  наразылық бiлдiру атқарушылық  әрекеттер жүргiзудi тоқтата тұрмайды.