Орындау ісінің мәні

              тәртiбiн өзгерту, берiлген сомаларды  индекстеу

      Атқарушылық әрекеттер  жасауды қиындататын немесе мүмкiн  етпейтiн мән-жайлар болған ретте  сот орындаушысы, өндiрiп алушы  немесе борышкер iстi қараған сот  алдына немесе орындалатын жердегi сот алдына орындау мерзiмiн  жылжыту немесе ұзарту туралы, орындау тәсiлi мен тәртiбiн өзгерту  туралы, сондай-ақ берiлген сомаларды  индекстеу туралы мәселе қоюға  құқылы.

      41. Атқарушылық әрекеттердi кейiнге қалдыру

      Атқарушылық әрекеттер  жасауға кедергi келтiретiн мән-жайлар  болған ретте сот орындаушысы  оларды өз бастамасы бойынша  немесе өндiрiп алушының арызы  бойынша он күнге дейiнгi мерзiмге  кейiнге қалдыра алады, бұл жөнiнде  тиiстi қаулы шығарылады, оны мемлекеттiк  сот орындаушылары үшiн аумақтық  бөлiмнiң басшысы бекiтедi. Атқарушылық  әрекеттердi кейiнге қалдыру туралы  сот орындаушысы – өндiрiп алушы  мен борышкердi, сондай-ақ олардың  өкiлдерi атқарушылық iс жүргiзуге  қатысқан жағдайда, оларды хабардар  етуге мiндеттi.

      42. Сот орындаушысының  атқарушылық iс жүргiзудi

              тоқтата тұру мiндетi

      Атқарушылық iс жүргiзу:

      1) егер құқық қатынасы  құқықтық мирасқорлыққа жол берсе, борышкер немесе өндiрiп алушы  қайтыс болған, борышкердi немесе  өндiрiп алушыны хабарсыз кеттi деп тану немесе қайтыс болды  деп жариялау туралы сот шешiмi заңды күшiне енген;

      2) борышкер болып  табылатын заңды тұлға қайта  құрылған немесе заңда белгiленген  тәртiппен дәрменсiздiгi (банкроттығы) туралы iс жүргiзудi қозғау жөнiнде  шешiм қабылданған;

      3) өндiрiп алушыны  немесе борышкердi әрекетке қабiлетсiз, әрекет қабiлетi шектеулi деп тану  туралы сот шешiмi заңды күшiне  енген;

      4) сот өзiнiң iс  жүргiзуiне борышкердiң атқарушылық  құжатты сот тәртiбiмен даулау  туралы арызын қабылдаған;

      5) әкiмшiлiк жаза  қолданған органдардың (лауазымды  адамдардың) әрекеттерiне (әрекетсiздiгiне) немесе шешiмдерiне сотқа шағым  берiлген;

      6) сот немесе атқарушылық  құжат бергенде негiзге алынған  шешiмнiң орындалуын тоқтата тұру  құқығы Қазақстан Республикасының  заңнамасында берiлген лауазымды  адам қаулы шығарған;

      7) сотқа атқарушылық  құжат бойынша өндiрiп алынатын  мүлiктi тiзiмдемеден шығару туралы (тыйым салудан босату) талап қойылған;

      8) қаржы нарығын  және қаржы ұйымдарын реттеу  мен қадағалауды жүзеге асыратын  мемлекеттiк орган қаржы нарығында  қызметтi жүзеге асыруға берiлген  лицензиядан айыру немесе оның  қолданылуын тоқтата тұру туралы  немесе қаржы ұйымын консервациялауды  жүргiзу жөнiнде шешiм қабылдаған;

      9) сот банктi, сақтандыру (қайта сақтандыру) ұйымын, жинақтаушы  зейнетақы қорын мәжбүрлеп тарату  туралы iс қозғаған;

      10) сот қаржы ұйымын  қайта құрылымдау туралы шешiм  қабылдаған;

      10-1) сот бас ұйым  ретiнде банк конгломератына кiретiн  және қаржы ұйымы болып табылмайтын  ұйымды қайта құрылымдау туралы  шешiм қабылдаған;

      11) борышкердiң мүлкiн  бағалау нәтижелерiн борышкер  немесе өндiрiп алушы сотта  даулаған;

      12) өндiрiп алушы  жазбаша өтiнiш жасаған;

      13) осындай құқық  берiлген сот, прокуратура немесе  өзге де құқық қорғау органдары  атқарушылық iс жүргiзудi талап еткен  жағдайларда тоқтатыла тұруға  тиiс.

      Осы баптың 7) және 11) тармақшаларында көзделген жағдайларда  тiзiмдемеден шығару (мүлiкке тыйым  салудан босату) туралы талап  қойылған мүлiктiң бiр бөлiгiнде  ғана атқарушылық әрекеттер тоқтатыла  тұрады не оны бағалау нәтижелерi дауланады.

      Ескерту. 42қа өзгерту  енгiзiлдi - ҚР 2010.12.28 N 368-IV (алғашқы ресми  жариялағанынан кейiн күнтiзбелiк  он күн өткен соң қолданысқа  енгiзiледi), 2011.03.01 N 414-IV (2010.01.01 бастап  қолданысқа енгiзiледi) Заңдарымен.

      43. Сот орындаушысының  атқарушылық iс жүргiзудi

              тоқтата тұру құқығы

      Атқарушылық iс жүргiзу  сол сияқты:

      1) сот орындаушысы, өндiрiп алушы немесе борышкер  сот актiсiн түсiндiру туралы  не орындау мерзiмiн жылжыту  және ұзарту туралы, сот актiсiн  орындау тәсiлi мен тәртiбiн өзгерту  туралы сотқа арыз берген;

      2) атқарушылық iс  жүргiзудi борышкердiң қатысуынсыз  жүзеге асыру мүмкiн болмайтын  жағдайда, оның қызметтiк iссапарда  болған;

      3) борышкер емдеу  мекемесiнде болған;

      4) сот орындаушысының  әрекетiне (әрекетсiздiгiне) немесе шешiмдерiне  өндiрiп алушы, борышкер сотқа  шағым берген;

      5) борышкер не  өндiрiп алушы елдi мекен шегiнен  тыс жерде, оның iшiнде Қазақстан  Республикасының Қарулы Күштерiнде, басқа да әскерлерi мен әскери  құралымдарында мерзiмдi әскери қызмет  өткеруiне байланысты жүрген;

      6) өндiрiп алушы  атқарушылық әрекеттердi жүзеге  асыру үшiн қажеттi соманы ағымдағы  шотқа сот орындаушысы белгiлеген  мерзiмде енгiзбеген жағдайларда  тоқтатыла тұруы мүмкiн.

      44. Атқарушылық iс  жүргiзудi тоқтата тұру мерзiмдерi

      Атқарушылық iс жүргiзу:

      1) осы Заңның 42-бабының 1), 2), 3) тармақшаларында көзделген  жағдайларда, - борышкердiң немесе  өндiрiп алушының құқықтық мирасқоры  айқындалғанға, әрекетке қабiлетсiз  немесе әрекет қабiлетi шектеулi борышкерге  немесе өндiрiп алушыға қорғаншы  немесе қамқоршы тағайындалғанға, заңды тұлғаны тарату туралы  белгiленген тәртiппен шешiм қабылданғанға, заңды тұлға немесе дара кәсiпкер (борышкер) банкрот деп жарияланғанға  дейiн;

      2) осы Заңның 43-бабының 2), 3), 5) тармақшаларында көзделген  жағдайларда, - борышкер не өндiрiп  алушы қызмет бабындағы iссапардан, мерзiмдi әскери қызметтiң аяқталуына  байланысты Қазақстан Республикасының  Қарулы Күштерiнен, басқа әскерлерi мен әскери құралымдарынан қайтқанға, емдеу мекемесiнен шыққанға дейiн;

      3) осы Заңның 42-бабының 4), 5), 7) және 11) тармақшаларында және 43-бабының 1), 4) тармақшаларында көзделген  жағдайларда, - сот актiсi заңды күшiне  енгенге дейiн;

      4) осы Заңның 42-бабының 12) тармақшасында көзделген жағдайда, - өндiрiп алушыдан арыз түскенге  дейiн;

      5) осы Заңның 42-бабының 6) тармақшасында көзделген жағдайда, - қадағалау тәртiбiмен iс жүргiзу  аяқталғанға немесе соттың не  өзге де органның шешiмiн тоқтата  тұрудың күшiн жою туралы тиiстi лауазымды адамның өкiмiне дейiн;

      6) осы Заңның 43-бабының 1) тармақшасында көзделген жағдайда, - орындалуға жататын қаулының  түсiндiрмесi келiп түскенге дейiн;

      7) осы Заңның 43-бабының 6) тармақшасында көзделген жағдайда, - өндiрiп алушы ағымдағы шотқа  атқарушылық әрекеттердi жүзеге  асыру үшiн қажеттi соманы енгiзгенге  дейiн;

      8) осы Заңның 42-бабының 10) тармақшасында көзделген жағдайда - қаржы ұйымын қайта құрылымдау  тоқтатылғанға дейiн;

      8-1) осы Заңның 42-бабы  бiрiншi бөлiгiнiң 10-1) тармақшасында көзделген  жағдайда, – бас ұйым ретiнде  банк конгломератына кiретiн және  қаржы ұйымы болып табылмайтын  ұйымды қайта құрылымдау тоқтатылғанға  дейiн;

      9) осы Заңның 42-бабының 13) тармақшасында көзделген жағдайларда - оны талап еткен орган атқарушылық iс жүргiзудi қайтарғанға дейiн  тоқтатыла тұрады.

      Ескерту. 44қа өзгерту  енгiзiлдi - ҚР 2010.12.28 N 368-IV (алғашқы ресми  жариялағанынан кейiн күнтiзбелiк  он күн өткен соң қолданысқа  енгiзiледi), 2011.03.01 N 414-IV (2010.01.01 бастап  қолданысқа енгiзiледi) Заңдарымен.

      45. Борышкерге iздеу  салу

      1. Борышкердiң жүрген  жерi белгiсiз болған жағдайда  сот орындаушысы iшкi iстер немесе  қаржы полициясы органдары арқылы  борышкерге iздеу салуды жариялау  туралы ұсыныспен атқарушылық  құжаттың орындалу орны бойынша  сотқа жүгiнуге мiндеттi. Борышкерге iздеу салу жарияланған және  оның өндiрiп алуға жарайтын  мүлкi болмаған кезде атқарушылық  құжаттың түпнұсқасы өндiрiп алушыға  қайтарып берiледi, ол атқарушылық  құжатты борышкердiң жүрген жерi белгiлi болған немесе оның мүлкi анықталған кезде мәжбүрлеп орындатуға  беруге құқылы, ал көшiрмесi борышкер iздестiрiлетiн кезеңде сот орындаушысының  бақылауында болады.

      2. Борышкерге iздеу  салуды соттың ұйғарымы бойынша  Қазақстан Республикасының заңнамасында  белгiленген тәртiппен iшкi iстер және  қаржы полициясы органдары жүзеге  асырады.

      3. Борышкерге iздеу  салу жөнiндегi шығыстар атқарушылық  әрекеттер жасау жөнiндегi шығыстарға  жатады және борышкерден жергiлiктi бюджетке сот арқылы өндiрiп  алынуға тиiс.

      Борышкерге iздеу  салу жөнiндегi шығыстар iздеу салуды  жүзеге асыратын iшкi iстер немесе  қаржы полициясы органының өтiнiшi негiзiнде айқындалады.

      46. Атқарушылық iс  жүргiзудi қайта жалғастыру

      Атқарушылық iс жүргiзу  өндiрiп алушының арызы бойынша  немесе сот орындаушысының бастамасы  бойынша оның тоқтатыла тұруын  туғызған мән-жайлар жойылғаннан кейiн қайта жалғастырылады.

      47. Атқарушылық iс  жүргiзудi тоқтатудың

              негiздерi мен салдары

      1. Атқарушылық iс  жүргiзу, егер:

      1) өндiрiп алушы  өндiрiп алудан бас тартса;

      2) өндiрiп алушы  мен борышкер бiтiмгершiлiк келiсiмiн  жасасса және оны сот бекiтсе;

      3) шешiмде белгiленген  талаптар немесе мiндеттер өндiрiп  алушы немесе борышкер болып  табылатын азамат қайтыс болғаннан  кейiн қайтыс болған адамның  құқықтық мирасқорына ауыспайтын  болса;

      4) борышкердi белгiлi бiр әрекеттердi жасауға мiндеттейтiн  атқарушылық құжатты орындау  мүмкiншiлiгi (белгiлi бiр әрекеттердi жасаудан тартыну) жоғалса;

      5) тиiстi органның  атқарушылық құжатты бергенде  негiзге алынған шешiмiнiң күшi жойылса;

      6) өндiрiп алушы  немесе борышкер болып табылған  заңды тұлғаны тарату аяқталса, құқықтық мирасқоры болмағандықтан  не атқарушылық құжат борышкер  болып табылатын заңды тұлғаның  конкурстық басқарушысына немесе  тарату комиссиясына орындау  үшiн жiберiлсе;

 

      7) атқарушылық құжаттың  өндiрiп алу немесе өзге де  талабы толық көлемде орындалса;

      8) заттарды өндiрiп  алушыға беру туралы атқарушылық  құжатты орындау кезiнде өндiрiп  алушы борышкерден алып қойылған  заттарды алудан бас тартса;

      9) Қазақстан Республикасының  Азаматтық iс жүргiзу кодексi 312-6-бабы  бiрiншi бөлiгiнiң 2) тармақшасында көзделген  негiз бойынша қайта құрылымдауды  тоқтату туралы соттың шешiмi заңды  күшiне енсе, тоқтатылады.

      2. Атқарушылық iс  жүргiзу тоқтатылған жағдайларда  бұл туралы сот орындаушысы  бiр тәулiктiң iшiнде қаулы шығарады. Тиiстi белгi соғылған атқарушылық  құжатты не оның көшiрмесiн  мемлекеттiк сот орындаушысы - сотқа  немесе құжатты берген басқа  органға, ал жеке сот орындаушысы - өндiрiп алушыға жiбередi. Сонымен  бiр мезгiлде орындауды қамтамасыз  ету шараларының күшi жойылуға  тиiс. Осы баптың 1-тармағының 7) тармақшасы  негiзiнде тоқтатылған, орындалғаннан  кейiнгi атқару санкциясы, орындау  жөнiндегi шығыстар мен жеке сот  орындаушысының қызметiне төлем  сомасы өндiрiп алынуға тиiстi атқарушылық  құжаттар бойынша орындауды қамтамасыз  ету шараларының күшi оларды өндiрiп  алғаннан кейiн ғана жойылуға  тиiс. Атқарушылық құжаттың орындауға  берiлу мерзiмiн сот қалпына  келтiрген не сот орындаушысының iс жүргiзу тоқтатылған атқарушылық  құжатты орындау жөнiндегi әрекетi заңсыз деп танылған жағдайларды  қоспағанда, тоқтатылған атқарушылық iс жүргiзудi қайта бастауға болмайды.

      48. Атқарушылық құжаттарды  өндiрiп алушыға қайтару

      1. Өндiрiп алу жүргiзiлмеген  немесе толық көлемде жүргiзiлмеген  атқарушылық құжат сот орындаушысының  қаулысы бойынша мына жағдайларда:

      1) өндiрiп алушының  арызы бойынша;

      2) егер борышкердiң  өндiрiп алынуы мүмкiн мүлкi, оның iшiнде ақша, бағалы қағаздары  немесе табыстары жоқ болса  және оның мүлiктерiн немесе  табыстарын анықтау бойынша сот  орындаушысы қолданған, заңда көзделген  барлық шаралар нәтиже бермесе;

      3) егер мүлiктiк  емес сипаттағы атқарушылық құжат  бойынша заңда көзделген орындау  жөнiндегi барлық шаралар нәтиже  бермесе;

      4) егер өндiрiп  алушы атқарушылық құжатты орындау  кезiнде борышкердiң сатылмаған  мүлкiн өзiнде қалдырудан бас  тартса;

      5) егер сот борышкерге  қатысты iздеу салу жарияласа;

      6) егер өндiрiп  алушы жеке сот орындаушысының  ағымдағы шотына орындау жөнiндегi шығыстарды жабу үшiн қажеттi аванстық  сомаларды енгiзуден бас тартса;

      7) егер атқарушылық  құжатты орындау процесiнде борышкердiң, борышкер мүлкiнiң жеке сот  орындаушысының өкiлеттiктерi қолданылмайтын  аумақта екенi анықталса;

      8) жеке сот орындаушысынан  бас тартуға осы Заңның 54-бабының 1-тармағында көрсетiлген негiздер  болса, өндiрiп алушыға қайтарылады.

      2. Атқарушылық құжатты  өндiрiп алушыға қайтару заңда  белгiленген атқарудың ескiру  мерзiмi шегiнде осы құжатты орындауға  қайталап ұсынуға кедергi болып  табылмайды.

      3. Өндiрiп алу мемлекеттiң  пайдасына жүргiзiлетiн атқарушылық  құжаттар мынадай тәртiп сақтала  отырып қайтарылады:

      1) сот жазып берген (шығарған) атқарушылық құжат талап-арызға  бастамашы болған немесе әкiмшiлiк  құқық бұзушылық туралы хаттаманы  толтырған мемлекеттiк органға  қайтарылады;

      2) әкiмшiлiк құқық  бұзушылық туралы iстi қарауға уәкiлеттi органның (лауазымды адамның) қаулысы  тиiстi уәкiлеттi органға (лауазымды  адамға) қайтарылады;

      3) прокурордың қаулысы  прокурорға қайтарылады.

      4. Өндiрiп алу мемлекеттiң  пайдасына жүргiзiлетiн атқарушылық  құжат осы Заңда көзделген  негiздер бойынша атқарушылық iс  жүргiзу тоқтатылған жағдайда  ғана сотқа қайтарылады.

      49. Атқарушылық iс  жүргiзудiң аяқталуы

      Атқарушылық iс жүргiзу:

      1) осы Заңның 48-бабында  аталған негiздер бойынша атқарушылық  құжат қайтарылған;

      2) осы Заңның 47-бабында  аталған негiздер бойынша атқарушылық iс жүргiзу тоқтатылған;

      3) соттың немесе  құжатты берген басқа органның  талабы бойынша атқарушылық құжат  орындалмай қайтарылған жағдайларда  аяқталды деп есептеледi.